20 August 2011

(6) احلى ما فى رمضان

.




من ضمن روحانيات رمضان
اللى بتبقى جميله اوى وكلنا بنواظب عليها
هى قرأه القرآن
بيبقى شئ اساسى عندنا اننا لازم نقرأ قرآن فى الشهر الكريم
وبنصمم اننا نختمه على الاقل مره
وبنسابق بعض عشان نشوف مين هيختم اكتر
وده احلى سباق فى الدنيا
عشان بنسابق بعض فى الخير
لاننا عايزين نوصل لربنا
اللى بيكون منتظرنا دايما طول الشهر ده
اننا نقربله بالعباده والصلاه والصوم والقرآن
يعنى اقل عمل خير بنعمله بنتجازى عليه جدا فى الشهر ده
ومن ضمن الاعمال دى القرآن

المشكله بتبقى فى حاجه واحده
ان بعد رمضان قرائتنا للقرآن بتقل
ومش بنواظب عليها باقى السنه زى الشهر ده
ويمكن الموضوع بيقتصر على قصار السور
او سوره الكهف كل يوم جمعه
طب ليه مش نحاول زى ما كنا بنتسابق فى رمضان عشان نختم القرآن
نتسابق بردو بعد رمضان اننا نختمه.. ايه المانع؟؟
 
******************************

دعاء النهارد

 اللهم اهدنى فيه لصالح الاعمال
واقض لى فيه الحوائج والامال
يامن لا يحتاج الى التفسير والسؤال
يا عالماً بما فى صدور العلمين
صل على محمد وآله الطاهرين

********

موقع النهارده



موقع جميل اوى
بيعرض المصحف الشريف بطريقه الفلاش
وبيكون عباره عن صوره بالظبط للصحف
تقدر تقرأ منه بسهوله وتقلب الصفحات زى المصحف بالظبط


******
 ملحوظه صغيره

كده تبقى  سلسله احلى ما فى رمضان  خلصت :))



24 comments

سواح في ملك اللــــــــــــــــــه- said...

قراءة القران من اجمل

مافي رمضان

المهم ان نفهم القران

وان لانقرا للقراءة فقط

مواضيعك مميزة

تحيتي

Bent Men ElZaman Da !! said...

سواح في ملك اللـــــــــــه-

معاك حق
مش مهم اننا نكون بنقرأ القرآن وبس
المهم اننا نفهمه

شكرا على زوقك
ونورتنى :)

EL pRiNcEssA said...

بحاول دايما اقرا بعد رمضان ومش بعرف

iـــــــــــsــــــــــlــــــــــــaـــــــــm said...

عارفه يا دينا
انتى بتوجهينا بطريقة لذيذه وخفيفه اوى
مدونتك مرجع جميل لكل رمضان جاى مش بس رمضان ده
تحياتى

ريبال بيهس said...

صباح الورد

من بركات الشهر الفضيل أنه يسبغ بأيمانه علينا

لدرجة تصبح تلاوة القرآن لها طعم مختلف نستلذ به

طوال الأيام الثلاثين ولكن المهم أن تتم القراءة

بتدبر وليس بهدف الختم فقط ...

كانت ممتعة سلسلة أحلى ما في رمضان

دمتي مبدعة

تحياتي وإحترامي

haneen adam said...

جعل الله هذا الطرح في ميزان حسناك :h

وكنا شهودا عليه يوم الغرض العظيم . . تقبل الله منا و منكي جميع الاعمال و الطعات و العبادات صياما و قياما

reemaas said...

والاكتر غرابه بقى ان الواحد بيلاقى وقت فى رمضان وبعد رمضان مافيش وقت
سبحان الله

Anonymous said...

عندي مشكله السنه دي في قرآة القرآن للأسف الشهر عمال بيجري...ربنا يسهل:)

بوست جميل و مفيد جداً
جزاكي الله خيراً على التذكره

شيرين سامي

Radwa Ashraf said...

معاكى حق و الله
المفروض الواحد يواظب على القرآن حتى بعد رمضان
تسلمى يا جميلة :)

sendbad said...

جزاكي الله عنا خير وجعله في ميزان حسناتنا جميعا
تحياتي الخالصة

sabry abo-omar said...

الله يوفقك ويكرمك على الموضوع الجامد ده.. وكمان لما بندخل بناخد ثواب اكتر ..يعنى الدخول عندك كله فوائد... كل سنة وأنتى طيبة ورمضان كريم علينا وعليكى وعلى المسلمين أجمعين

Bent Men ElZaman Da !! said...

EL pRiNcEssA

كتير مننا كده
بس ادينا بنحاول بردو

ميرسى ليكى يا جميله :)

Bent Men ElZaman Da !! said...

iـــــــــsــــــــlــــــــــaــــــــm

ميرسى ليك اوووى يااسلام على زوقك
بجد مبسوطه جدا بكلامك
انت منورنى دايما :)

Bent Men ElZaman Da !! said...

ريبال بيهس

كلامك صح جدا
شكرا لحضرتك
ومبسوطه اوى ان السلسله عجبتك
نورتنى :))

Bent Men ElZaman Da !! said...

haneen adam

اللهم آمين
ميرسى ليكى جدا
مبسوطه بزيارتك واتمنى مش تكون الاخيره
نورتينى :))

Bent Men ElZaman Da !! said...

reemaas

سبحان الله بجد يانور
انتى قولتى حته حلوه اوى
فى رمضان بنلاقى وقت لجميع انواع العبادات

ميرسى ليكى يا قمر :)

Bent Men ElZaman Da !! said...

Anonymous

ربنا يقويكى يا شيرين
ميرسى ليكى ومنورانى دايما :))

Bent Men ElZaman Da !! said...

Radwa Ashraf

تسلميلى انتى يا رضوى على تعليقك
منورانى يا قمر :)

Bent Men ElZaman Da !! said...

sendbad

اللهم آمين
شكرا ليك جدا نورتنى :))

Bent Men ElZaman Da !! said...

sabry abo-omar

شكرا ليك جدااا
وكل سنه وحضرتك بألف خير
نورتنى بوجودك وتعليقك :))

كلمات من نبع احساسي said...

ونبي يا اختى سبالنا حاجه نقولها هههههههههههههههههههههه
بس بجد نفس اللي كنت بفكر في وكنت هقولك عليه
انا نفسي نشوفلنا فكرة كدة تخلينى نستمر في الطبيعي بجد من شغل الدنيا لينا مبنفتكرش المصحف وقراه القرآن غير في الازمات وفي بعض الاحيان بيبقي فتره بنقرب جامد وبعدين بتخلص نتيجه لعمو شوشو والنفس الاماره اللي بنكتشف في رمضان انها العن من شوشو :)

بس انا لقيت فكرة بجد تخلينى علي الاقل نقرأ القرآن كل يوم ونسمع كمان
في صفحه علي الفيس عامله حمله لحفظ القرآن جميله جدآ كل يوم خمس آيات ولما بنقفل ربع حزب بيبقي في يوم مراجعه دة بيخليكى كل يوم تقري الخمس الايات اللي بتحفظيهم باللي قبلهم وكمان بتسمعيهم لنفسك في كل صلى تخيلي بفضل الله هتقري من المصحف كام مرة في اليوم وبحفظ يعنى ثواب اكبر :):) يلا معلومه ببلاش

Bent Men ElZaman Da !! said...

جميله اووووووووى الصفحه دى بجد
فكرتها تحفه
تشجعنا كلنا طول السنه نقرأ قران ونحفظه كمان
طب ممكن لو تحطيلى لينك الصفحه
معلش هاتعبك :$
ميرسى ليكى يا جميله

كلمات من نبع احساسي said...

http://www.facebook.com/media/set/?set=a.263021293709853.75430.263020370376612

يا باشا انت تؤمر :):) دة المكان اللي بتنزل فيه كل يوم ورد ادخلى وهتفهمى اكتر :)

Bent Men ElZaman Da !! said...

ميرسى ليكى اوى ياقمر
معلش تعبتك معايا :))

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget