14 August 2011

فى نُص رمضان

.



نص رمضان عدى
الواحد مش حس نهائى ان 14 يوم عدوا من رمضان
ايامه بتجرى بسرعه اوى
واحنا بنجرى معاها
عشان نلحق ونقدر نعمل كل خير وحسنه تقربنا اكتر من ربنا
ويااارب يتقبل مننا
ويارب ان شاء الله نخرج منه معتقوين من النار ومغفوره ذنوبنا



بعد ما خلصت سلسله رمضان بين زمان ودلوقتى
واللى اتكلمت فيها عن ايه اللى مختلف فى نظرى بين رمضان دلوقتى
وبين رمضان زمان

 وبمناسبه ان نص رمضان عدى
وزى ما كنت قادره اشوف ايه اللى اختلف
وخلانا نحس ان بريق جزء كبير من عاداتنا اختفى
وفى حاجات كتير بقت ناقصانا فى جو رمضان
انا بردو قادره اشوف ان فى حاجات فى رمضان مميزه جدااا
مش ممكن هتتغير فينا
بل على العكس
احنا بسببها بنتمنى ان ده يبقى حالنا طول السنه
مش بس يكون فى رمضان

ولان دايما رمضان بيظهر احسن ما فينا
وفى كل اللى حوالينا
وبيخلينا نشوف فى نفسنا صفات احنا اصلا مش واخدين بالنا منها
فا انا نويت ان شاء الله
ان من بكره و للكام يوم الجايين
هاتكلم عن سلسله جديده
اسمها احلى ما فى رمضان
هتكلم عن عادات جميله ومميزه فى رمضان
بنتمنى دايما اننا نستمر عليها طول السنه

*******************************

دعاء النهارده


اللهم زينى فيه بالستر والعفاف
واسترنى فيه بلباس القنوع والكفاف
واحملنى فيه على العدل والانصاف
وامنى فيه من كل ما اخاف
بعصمتك يا عصمه الخائفين

******

معلومه النهارده

قال صلى الله عليه وسلم
"رمضان اوله رحمه واوسطه مغفره واخره عتق من النار"
حديث ضعيف
 قال عنه الشيخ العلامه / محمد ناصر الدين الالبانى انه حديث منكر
والمنكر هو قسم من اقسام الاحاديث الضعيفه
واذا كان الحديث من فضائل الاعمال
فقد جعل اهل العلم العمل به وفق شروط خمسه وهى

1.. ان لا يكون شديد الضعف
2.. ان لا يخالف اصلاً من اصول الاسلام
3.. ان لا يعتقد نسبته للنبى صلى الله عليه وسلم
4.. ان لا يُشهره بين الناس ففى الصحيح غُنيه وكفايه
5.. ان لا يكون فى الاحكام , فلا يًقبل الحديث الضعيف فى الحلال والحرام ولا فى العقائد


26 comments

Casper said...

بالتوفيق في السلسلة الجديدة
وجزاكِ الله خيرا على المعلومات

Bent Men ElZaman Da !! said...

شكرا ليك جدا
نورتنى :)

ريــــمــــاس said...

صباحك غاردينيا
ومن جديد عدت لركنك الجميل
وجزاكِ الله الف خير على ماقدمتي وماستقدمين
سـ أكون متابعة لسلسلتك القادمة بإذن الله "
؛؛
؛
لروحك عبق الغاردينيا
reemaas

Bent Men ElZaman Da !! said...

ميرسى ليكى اوى يا ريماس
حمدالله على السلامه يا قمر :)
منورانى دايما

ابراهيم رزق said...

و نحن فى الانتظار

بالتوفيق

تحياتى

ريبال بيهس said...

مساء الورد

بالتوفيق لك وأتمنى من الله أن يجعلك من

عتقائه من النار وسأتابع بإذن الله سلسلة

أحلى ما في رمضان ...

تحياتي

Radwa Ashraf said...

فى انتظار السلسلة الجديدة فعلا ,
لأن مهما رمضان اتغيرت فيه حاجات
هيفضل أحلى شهر فى السنة كلها و شهر كلنا بنستاه
تسلم إيدك على الدعاء الجميل ده و المعلومة دى :)

سواح في ملك اللــــــــــــــــــه- said...

متايعينك انشاء الله

شمس النهار said...

مدونتك ده هتجنني قريب
:)))
والعملية مش ناقصة
:))

كل مااعلق التعليق مايتنشرش
:)))
فعلا رمضان عدي بسرعة هي الايام الحلوة كده بتمر بسرعة

εïз Semsema εïз said...

اللهم آمييين

ربنا يكرمك .. ويارب يتقبل منا صالح الأعمال في رمضان

^_^

iـــــــــــsــــــــــlــــــــــــaـــــــــm said...

جزاكى الله كل خير
اسف على عدم المتابعه مؤخرا
تحياتى

Anonymous said...

واضح أني فاتني كتير بس إن اء الله أتابعك في السلسلة الجديدة...و كراً على الدعاء الجميل و ربنا يقدرنا على حسن عبادته و إغتنام فرصة رمضان.

أرق تحية ليكي

شيرين سامي

sabry abo-omar said...

كل رمضان وانتى طيبة.. وبالتوفيق دايما

Noha Saleh said...

اولا شكرا على المعلومة والدعاء الجميل

ثانيا فى انتظار كتاباتك الجديدة بس ما تتأخريش علينا

Bent Men ElZaman Da !! said...

ابراهيم رزق

شكرا لحضرتك على المتابعه
ومنورنى دايما :))

Bent Men ElZaman Da !! said...

ريبال بيهس

ربنا يجعلنا كلنا من عتقاء الشهر ده
شكرا ليك
ونورتنى :))

Bent Men ElZaman Da !! said...

Radwa Ashraf

اكيد فعلا بيبقى دايما حاجات مميزه ومش بتتغير
ميرسى ليكى يا رضوى
ومنورانى دايما :))

Bent Men ElZaman Da !! said...

سواح في ملك اللــــــــــــــــــه-

ميرسى ليك جدا
ومنورنى :))

Bent Men ElZaman Da !! said...

شمس النهار

انا مش عارفه المدونه عامله مشاكل مع حضرتك ليه والله :(
كل اللى انا عملاه ان فى اشراف على التعليقات بس
انما بيتنشروا بعدها عادى
ميرسى لحضرتك ومعلش لو مدونتى تعباكى :))
منورانى دايما

Bent Men ElZaman Da !! said...

εïз Semsema εïз

اللهم آمين
ميرسى ليكى يا جميله
ومنورانى :))

Bent Men ElZaman Da !! said...

iـــــــsـــــــlـــــــــaــــــm

ولا يهمك كفايه ليا انك بتزور مدونتى :)
ميرسى ليك ونورتنى

Bent Men ElZaman Da !! said...

Anonymous

ربنا يقدرنا على حسن عبادته ان شاء الله
وحمدالله على السلامه يا شيرين
منورانى :)

Bent Men ElZaman Da !! said...

sabry abo-omar

وحضرتك طيب
شكرا ليك
ومبسوطه بزيارتك واتمنى تتكرر :))

Bent Men ElZaman Da !! said...

Noha Saleh

ميرسى ليكى اوى يانهى
وان شاء الله مش هتأخر
هانزل السلسله دى كل يوم
منورانى يا جميله :)

sendbad said...

جعله الله في ميزان حسناتك وربنا يتقبل منا ومنك صالح الاعمال
تحياتي وفي انتظار المواضيع الجديدة

Bent Men ElZaman Da !! said...

sendbad

ربنا يتقبل مننا جميعا
شكرا ليك جدا نورتنى :)

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget