25 February 2012

كلام والسلام ... كلاكيت 13 مره

.




فى مستشفيات بيبقى ليها ريحه بنج
بتحسسنى بالكئابه اوى
 

**********

فكره الفراق بسبب الموت بتوجع اووى
غير لو فراقنا حد لسفر او لاى سبب تانى
لما حد بيموت وبنبكى
مش بنبكى عليه
بنبكى علينا احنا 
اننا ازاى هنتقبل فكره انه مش هيكون موجود معانا بعد كده
بنبكى عشان ربنا يصبرنا 
اننا نقدر نعيش من غير الاشخاص القريبين مننا اللى بيموتوا
اكتر لحظات الفراق وجع بالنسبه ليا
لما اشوف الصندوق اللى بيحضن اقرب الاشخاص ليا
بيبقى احساس بشع جوايا
فكره ان حد كان لسه معايا وحاسه بوجوده وانفاسه
وفجاه يبقى فى صندوق دى مش سهله
مؤمنه اكيد بقضاء ربنا
بس احساس ان ربنا مبدل من حال الى حال فى اقل من ثانيه
ده شئ شعوره جوايا مش بيكون بسيط ابداً


**********

لما بتفتكر مواقف او اشخاص المفروض انهم يضايقوك
بس انت مش بتتضايق بتحس ان كل حاجه عادى
ومش بتحس بنفس التأثير بالخنقه اللى كنت بتحسه قبل كده
ده مش بيكون عشان الواحد نسى الشخصيات او المواقف دى
بس لانه بيكون جواه تصالح مع نفسه ومع كل حاجه حواليه
قادره تخليه يتخطى اى حاجه ممكن تضايقه

**********

يارب .. اجعلنى متسامحه
يارب...لو جوايا حته منوره ورى لعينى النور ده

**********

" بحب كراكيبي.. وبحنّ لها :)"
لــ ساره درويش

انا ده اوووووى
كراكيبى عندى مش مجرد كراكيب
دى فيها كل ذكرياتى واحلى ايامى

وحته منى


**********

السبب الوحيد اللى يخلينى بكتب اسمى ثلاثى على الفيس بوك
انى اشوف نهايه اسمى دايماً متزينه بأسمك :))

24 comments

Unknown said...

أول إحساس هنا عكس الأخير تمامااا
إيه دة ؟ :D
ربنا يصبرنا يارب ويبعد عننا وحشة الفراق
وبالنسبة للجملة الأخيرة فا دى حكاية لوحدها :)) ربنا يخليكوا لبعض
بس انا لو كتبت إسمى سداسى حتى مش هايحصل توافق كدة يابختك :)))

مصطفى سيف الدين said...

جميل اوي البوست فيه احاسيس مختلفة
متقلبة
زي بالظبط حياتنا
جميل اوي

سواح في ملك اللــــــــــــــــــه- said...

من نعم ربنا علينا

النسيان لتستمر الحياة

ولذا دعانا ربنا بأنسان

الذكريات خاصة لو شخص ما فقدناه

فدوما ابن ادم يحن للامس بكل مافيه

حتي شخصياته المقربة جدا مننا

فهذه الطبيعة منذ ان هبط ادم علي الارض

فهو كان دائما يجن لايام كان يعيشها في الجنة

حتي الكراكيب

دائما تذكرنا بأمس اجمل من اليوم وغدا

تحيتي يادينا

Bent Men ElZman Da !! said...

Nelly Adel

ايوه هى البدايه رخامه وختامها مسك كده :D

اللهم آمين يارب

ربنا يخليكى يا حبيبتى ويسعدك يارب انتى كمان دايماً :))

نورتينى بوجودك يا نيللى بجد

Bent Men ElZman Da !! said...

مصطفى سيف الدين

بالظبط زى حياتنا فعلا
فى ساعه واحده ممكن نحس بمليون احساس مختلف

ميرسى ليك يا مصطفى على وجودك اللى اسعدنى :)

Bent Men ElZman Da !! said...

سواح في ملك اللــــــــــــــــــه-

فعلا يا خالد معاك حق
بس فى ذكريات كتير بتفضل عايشه جوانا
هى اللى بتكونا اصلا

اسعدنى وجودك وتعليقك جدا
نورتنى :))

The illusionist said...

هههههههههههههههههه
ياه عالروقان
احب انا حاجه فيها كراكيب
الكراكيب دى كنز لا يفنى بعد القناعه علطول
القناعه والشارع اللى بعدها الكراكيب
البتاع الصندوق ده اركنيه على جنب لانى مش عاوز اجيب سيرته يا عم اليومين دول ولا اللى جايين كمان
ممممممممممممممممممممممم
شايفه البحر شو كبير
:)
سالخير

reemaas said...

واااااااااو
انا قلتلك قبل كده انى بحب البوست ده؟

انا بحب البوست ده

كلامك عن الموت وجعنى جدا

انا كمان بحب كراكيبى جدا

rona ali said...

بموت في الكراكيب
والعلب والورق القديم :))

وبموت في اى حاجه مر عليها فترة من الزمن وبقت ذكرى

بوست متخلبط زى حياتنا
وفكرتك عن الناس اللى بتموت
انا كمان بحسها اوى

وعن التسامح حصلي دة فترة
كانت فترة جامده :))
كنت هاديه ومتسامحه اوى
حاجه كدة اخر روقان

ربنا يوفقك دندن
بحب بوستات اى كلام دى
بحبك ووانتى بتضحكى علينا بجمله اى كلام
ندخل نلاقي كلام في الجون :)

Miss LoZa said...

أكيد مش هقولك تانى أنى كمان بحب الكراكيب اصلا

وأنك لازم تراعى مشاعرى شوية بقه
والله حرام حرام حراااااااااام
خلينى أنا بقرأ فحاجات حب وخلاص

كتنى خيبة كدهو .. بس :(

Bent Men ElZman Da !! said...

The illusionist

سالنور يا محمد :)))
ايوه الكراكيب دى احنا اصلا مع شويه حاجات تانيه فوق بعضها كده

نورت بوجودك والله :))

Bent Men ElZman Da !! said...

reemaas

كتير بتيجى فى بالى مع كل مره بكتب فيها البوست ده
لانك بتكتبى بوست مع نفسى بنفس الحاجه اللى بحسها منك اوى دى :))

نورتينى بوجودك يا حبيبتى :)

Bent Men ElZman Da !! said...

rona ali

ايوه وانا
ماما دايماً تقولى انتى ماليالى الشقه بكراكيبك
بس انا ايه ولا بتأثر :D

ماهى جمله من كل فتره ملغبطه من فترات حياتنا دى

هى المشكله بقى ان حكايه التسامح دى فترات فقط لا غير مش على طول
حاله مش سهل الوصول ليها للاسف

انا بحبك وبحب وجودك اووووى
وربنا يوفقك يارب انتى كمان يا حبيبتى :))

Bent Men ElZman Da !! said...

Miss LoZa

يا شيخه سيبك من الكلام الصغيور ده
انتى ليكى اكتر واحلى من كده بكتير ;)

حنين محمد said...

صباح الغاردينيا دينا
فكرة الموت صعب جداً لكنها آمر طبيعي راح يحصل لنا جميعنا وجميعنا فقدنا أحبه ..أمل مافي البوست هو أخر جزء وربنايجمعكم ولايفرقكم ابداً ويبقى أسمك وأسمه بــ نبض واحد "
؛؛
؛
لروحك عبق الغاردينيا
كانت هنا
reemaas

Anonymous said...

مساء الورد

متفرقات جميلة وإن كان أجملها هو الأسم الثلاثي

تحياتي وإحترامي

نهر الحب said...

:)
انا بشتغل في مستشفي صيدلانية وسط الادوية يعني وكنت بقول كدة زيك زمان عن المستشفيات
:))

الفراق بالموت صعبة اوي بس بحسها محتملة احسن من فراق تاني وبعاد ملهوش حل ولا نهاية

بحب الكراكيب والحاجات القديمة اوي

اسمك الثلاثي
:)
جميل الاحساس ده

Unknown said...

دينا صدقتي

نحن نحتاج الأموات :i:

نحتاجهم بشدة

علاء المصرى said...

السلام عليكم

الموت والحياة

لا تعليق

Bent Men ElZman Da !! said...

ريـــمـــاس

الموت هو اصلا الحقيقه الواحده فى حياتنا

ربنا يخليكى يا حبيبتى ويسعدك دايماً يارب
وجودك هو الاجمل واسعدنى بجد
نورتينى يا قمر :))

Bent Men ElZman Da !! said...

ريبال بيهس

شكرا ليك جدا
اسعدنى وجودك
نورتنى :))

Bent Men ElZman Da !! said...

نهر الحب

يعنى اتعودتى على ريحه البنج عادى
والا هو اصلا مفيش ريحه بنج وانا بيتهيألى؟

انا بحس العكس انها مش محتمله لانه فراق من غير اراده او اختيار

انا كمان بحبهم اوى :)

ميرسى ليكى يا قمر

نورتينى بوجودك :))

Bent Men ElZman Da !! said...

عبير علاو

جداااااا كمان يا عبير

نورتينى يا جميله :)

Bent Men ElZman Da !! said...

علاء المصرى

وعليكم السلام ورحمه الله وبركاته

شكرا ليك على وجودك
نورتنى :)

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment