11 December 2013

أعترافات..!

.


الأسبوع ده في الحوليات مخصص للتدوين عن الحقيقة
من أول الأسبوع وأنا تقريبًا بفكر ممكن أكتب أيه يعبر عن الحقيقة
مالقتش غير أعترافات دايمًا بقولها بيني وبين نفسي تكون هنا.. 
عن الحقيقة


بيبقي في لحظات وأيام مهمة بالنسبة لي.. زي عيد ميلادي مثلًا
مش بحب أبقي لوحدي فيها أبدًا لأن الموضوع بيقلب بأكتئاب معايا وعياط!
بس دلوقتي بقيت عارفة إن في كل لحظاتي المهمة محمد هيكون معايا
وده بيهون عليا كتير أوي

للأسف حسيت بقيمة بابا وبحنيته وطيبة قلبه أكتر بعد ما مات
ده أقسي أعتراف بالنسبة لي!!

جدتي المرة دي وهي مسافرة عند خالاتي
كان عندي احساس وحش أوي قابض قلبي
خوفت وماعرفتش أوصفه لحد!
وكل ما كانوا بيتصلوا ويقولوا إنها تعبانه أوي
كنت بتأكد إن إحساسي عمره ما بيخيب!

أهلي عودوني إني حرة دايمًا وقادرة أخد قراراتي بنفسي
وأنفذها زي ما أنا شايفاها طالما إنها صح
ولو غلط بيناقشوني فيها ومش بيفرضوا رأيهم عليا في أي حاجة
وحتي لما كنت بأخد قرار وتظهر إن نتايجة غلط 
كانوا بيسبوني أتحمل نتيجته مهما كانت بتوجع
بس لما كبرت وبعض القرارات مابقتش متوقفة عليا أنا وبس
وبقت الظروف وبعض الأشخاص اللي حواليا بيأثروا في القرارات دي
ولما الاقي نفسي مجبرة علي حاجة معينة ماليش يد فيها
بحس بالقهر أوي أوي
وبلاقي دموعي هي السبيل الوحيد عشان أخرج القهر اللي جوايا ده
هو المفروض أهلي كانوا يعرفوني إن الزمن أوقات هيجبرني علي حاجات عكس الحرية الصح اللي عودوني عليها؟
والأ المفروض كانوا يعرفوني إن الأشخاص والمجتمع أوقات بيفرضوا علي الأنسان يكون مُسير؟!!



4 comments

reemaas said...

لسه كنت بكتب حاجة شبه كده
عندى نفس الاحساس بان فى حاجة غلط وبدأت اشك فى نفسى

rona ali said...

انا متابعه بس في صمت

تقدري تقولى ان معنديش كلام اضافي على كلامك فعلا

ربنا يبسطك دايما

Bent Men ElZman Da !! said...

reemaas

هو الحاجة الغلط إنني يمكن بنعترف بالحاجة متأخرة :)

Bent Men ElZman Da !! said...

rona ali

لية الصمت ده طيب

ربنا يفرح قلبك :)

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget