تصدقوا انا ماكنتش متخيله الموضوع كده خالص
مش جهل منى لا سمح الله
بس ماكنتش عامله زى الناس اللى لو الزبال ماعداش النهارده خد الزباله
يبقى دى مؤامره صهيونيه هدفها تخريب البلد
على اساس يعنى ان لو الزبال مجاش البلد هتبقى مزبله
مش فاهمين ان المشكله مش فى الزبال من اصله
المهم نرجع لموضوعنا
اللى هو كان ايه بقى؟؟!!؟؟
اه خلاص افتكرت
ال ايه يقولولك ايمو
ايمو مين وبلالينو مين يا جدعان
الصراحه انا كنت فاكره الموضوع موضه وتعدى
زى البناطيل اللى لحد الركب جاتها نيله
(نفسى كده عيل ابن حلال يجى يشدها عشان الفضيحه تبقى بجلاجل والجرسه تبقى بحناجل)
الايمو دول اللى هما الناس اللى لابسين اسود ومسقطين البناطيل بردو
(مش عارفه انا ايه اخره البناطيل اللى موقعنها دى)
وصابغين شعرهم اسووووووود
ولابسين حاجات عجيبه تانيه كده
المهم انى بعد التفحيص والتمحيص بتاعى(ايه تمحيص دى!؟)
لاقيت ان الايمو دول مظهر بيعبر عن الحاله النفسيه لصاحبها آلا وهى الاكتئاب
لانهم من الاشخاص الحساسين جدا واقل مشكله عندهم بيكبروها وكأنها ماحصلتش ولا هتحصل
هو انا مالى بالكلام ده كله اصلا ؟!!!!!!؟
اه اه خلاص افتكرت (اصل الزهايمر شايف شغله الفتره دى)
الناس دول ماكنوش تقريبا موجودين فى مصر
بس بدأو يظهروا من فتره قريبه وكتير كمان
فى اللى قال عليهم زى عبده الشيطان بس هما مش كده لانهم ولحد دلوقتى ماظهروش بمعتقدات جديده خاصه بالديانات
المشكله فى حاجه بقى
انى عايزه اقول موقف شخصى حصل لزميل اختى وطبعا هى مش بيتبل فى بقها فوله وجت حكتهولى
وكالعاده انا بردو مش بيتبل فى بوقى فولى وجيت احكيه (احنا فضايح و دى غلطه اللى حكالها اصلا)
حصل اييييييييييه بقى
ان شخص من الايمو دول عرض عليه انه يكون زيهم يلبس اسود ويصبغ شعره اسود
او يحلق شعره خالص ويرسم عقرب على رأسه !! (ال عقرب ال جاته عقرب يأكله)
والشباب المفروض عليهم يلبسوا بنات (عايزين الرجاله يبقوا سوسن يعنى)
ويحطوا على ضوافرهم مانيكير اسووووود(مش بقول رجالتك هيبقوا سوسن يا مصر)
ويسمع نفس الموسيقى اللى بيسموعوها وفى الغالب بيسمعوا ايمنيم
وكان السؤال بيطرح نفسه بنفسه فى تلك اللحظه
اشمعنا ايمينيم يا نجم؟
اصله بيغنى وهو شارب وهو اصلا اغلب الوقت بيبقى شارب واحنا زيه (جاتك شربه خروع تقف فى زورك يا بعيد)
ولازم يثبت ولائه ليهم بأنه يجرح نفسه بأى حاجه عشان يبين اخلاصه للمجموعه يعنى
(شوف ازاى يا جدع اما عجايب ... ولاء مين وحنان مين يا بنى)
وفى نهايه ده كله الشخص اللى هينضم ليهم
هياخد على الاقل فى اليوم 70 جنيه
لحد هنااااااا وفول استوب يا معلم
وعلامه تعجب كبيييييييييره ااااااد كده
ده الموضوع ماطلعش استايل ومنظر وشويه شباب فاضيين عاملين جروب
ده الموضوع طلع من وراه مكسب كمان
واحنا اول درس بنتعلمه فى الدنيا ايه ياشطاااااار
ايوه سمعاك ياللى بتقول هناك انت ايوه ايوه شطور
ان الواحد مش هيدى حاجه ببلاش كده منه لنفسه اكيد وراها مقابل
طب ايه ياترى ورا المكسب ده؟؟
هى دى بقى علامه الاستفهام اللى وقفت عندها
وماقدرتش اكتشف هما ليه بيعملوا كده او على الاقل لحد دلوقتى ماظهرتش نواياهم المحدده واللى من وراها بيعملوا كل ده
يمكن مع الايام هيظهر هما عايزين ايه؟!!؟
عموما نحن فى انتظار كل جديد
وكل واحد يمسك عقله كويس حد يقولك تعاله اوديك للايمو هنا والا الايمو جايبلك شيكولاته هنا
اوعوا تروحوا
انا حذرتكم اهو
وقد اعزر من بعزر
مش جهل منى لا سمح الله
بس ماكنتش عامله زى الناس اللى لو الزبال ماعداش النهارده خد الزباله
يبقى دى مؤامره صهيونيه هدفها تخريب البلد
على اساس يعنى ان لو الزبال مجاش البلد هتبقى مزبله
مش فاهمين ان المشكله مش فى الزبال من اصله
المهم نرجع لموضوعنا
اللى هو كان ايه بقى؟؟!!؟؟
اه خلاص افتكرت
ال ايه يقولولك ايمو
ايمو مين وبلالينو مين يا جدعان
الصراحه انا كنت فاكره الموضوع موضه وتعدى
زى البناطيل اللى لحد الركب جاتها نيله
(نفسى كده عيل ابن حلال يجى يشدها عشان الفضيحه تبقى بجلاجل والجرسه تبقى بحناجل)
الايمو دول اللى هما الناس اللى لابسين اسود ومسقطين البناطيل بردو
(مش عارفه انا ايه اخره البناطيل اللى موقعنها دى)
وصابغين شعرهم اسووووووود
ولابسين حاجات عجيبه تانيه كده
المهم انى بعد التفحيص والتمحيص بتاعى(ايه تمحيص دى!؟)
لاقيت ان الايمو دول مظهر بيعبر عن الحاله النفسيه لصاحبها آلا وهى الاكتئاب
لانهم من الاشخاص الحساسين جدا واقل مشكله عندهم بيكبروها وكأنها ماحصلتش ولا هتحصل
هو انا مالى بالكلام ده كله اصلا ؟!!!!!!؟
اه اه خلاص افتكرت (اصل الزهايمر شايف شغله الفتره دى)
الناس دول ماكنوش تقريبا موجودين فى مصر
بس بدأو يظهروا من فتره قريبه وكتير كمان
فى اللى قال عليهم زى عبده الشيطان بس هما مش كده لانهم ولحد دلوقتى ماظهروش بمعتقدات جديده خاصه بالديانات
المشكله فى حاجه بقى
انى عايزه اقول موقف شخصى حصل لزميل اختى وطبعا هى مش بيتبل فى بقها فوله وجت حكتهولى
وكالعاده انا بردو مش بيتبل فى بوقى فولى وجيت احكيه (احنا فضايح و دى غلطه اللى حكالها اصلا)
حصل اييييييييييه بقى
ان شخص من الايمو دول عرض عليه انه يكون زيهم يلبس اسود ويصبغ شعره اسود
او يحلق شعره خالص ويرسم عقرب على رأسه !! (ال عقرب ال جاته عقرب يأكله)
والشباب المفروض عليهم يلبسوا بنات (عايزين الرجاله يبقوا سوسن يعنى)
ويحطوا على ضوافرهم مانيكير اسووووود(مش بقول رجالتك هيبقوا سوسن يا مصر)
ويسمع نفس الموسيقى اللى بيسموعوها وفى الغالب بيسمعوا ايمنيم
وكان السؤال بيطرح نفسه بنفسه فى تلك اللحظه
اشمعنا ايمينيم يا نجم؟
اصله بيغنى وهو شارب وهو اصلا اغلب الوقت بيبقى شارب واحنا زيه (جاتك شربه خروع تقف فى زورك يا بعيد)
ولازم يثبت ولائه ليهم بأنه يجرح نفسه بأى حاجه عشان يبين اخلاصه للمجموعه يعنى
(شوف ازاى يا جدع اما عجايب ... ولاء مين وحنان مين يا بنى)
وفى نهايه ده كله الشخص اللى هينضم ليهم
هياخد على الاقل فى اليوم 70 جنيه
لحد هنااااااا وفول استوب يا معلم
وعلامه تعجب كبيييييييييره ااااااد كده
ده الموضوع ماطلعش استايل ومنظر وشويه شباب فاضيين عاملين جروب
ده الموضوع طلع من وراه مكسب كمان
واحنا اول درس بنتعلمه فى الدنيا ايه ياشطاااااار
ايوه سمعاك ياللى بتقول هناك انت ايوه ايوه شطور
ان الواحد مش هيدى حاجه ببلاش كده منه لنفسه اكيد وراها مقابل
طب ايه ياترى ورا المكسب ده؟؟
هى دى بقى علامه الاستفهام اللى وقفت عندها
وماقدرتش اكتشف هما ليه بيعملوا كده او على الاقل لحد دلوقتى ماظهرتش نواياهم المحدده واللى من وراها بيعملوا كل ده
يمكن مع الايام هيظهر هما عايزين ايه؟!!؟
عموما نحن فى انتظار كل جديد
وكل واحد يمسك عقله كويس حد يقولك تعاله اوديك للايمو هنا والا الايمو جايبلك شيكولاته هنا
اوعوا تروحوا
انا حذرتكم اهو
وقد اعزر من بعزر
.jfif)
19 comments
dodo bokraa 6 april 5afy 3alaa nafsk ::P
بصى يا حجه دينا حوار الايمو دول سمعت عنهم كتير اوى واتحكالى كتير اوى عنهم وقريت عنهم وشوفت برامج كتير استضافتهم بس ياترى هما فعلا مجموعه كده بس من الشباب عملو ستايل لنفهم جديد
ولا ده عباره عن جذب للشذوذ الجنسى او زى ما بيتقال انهم عبده للشيطان رجعو تانى
سؤالنا بقى فعلا ايه الدواااافع؟؟؟؟!!!
:c:
اكيد الاشتراك يا جومر.. وهايبقى لهم نقابة بقى
نقابة الايموز:f:
عليه العوض في رجالتك يا مصر
مش كفاية اشباه رجال .. وكمان سوسن :i:
ا
على فككره ال emo
الا انا اعرفهم وكنت فى وقت معين واخده
الاستيل بتاعهم مالهومش علاقه بقصه دى هو يمكن لما
وصلت مصر اتحرفت الفكره شوي
بوليكا
اهرب يعنى يا احمد والا ايه :D
نينو
بصيت يا حجه نيره :D
امتا قريتى وشوفتى وسمعتى الحاجات دى كلها نفسى افهم :P
والله اللى انا شايفاه ان شبابنا الجميل كالعاده خد اى موضه جديده وقلدها بس ماوقفش عند حد التقليد وبس الموضوع وصل ان هما يطوروه كمان لحاجات تانيه مش بس يكون ستايل
وعلى رأيك مازال السؤال بيطرح نفسه ايه الدواااااافع
فتافيت
هههههههههههههههه
تخيلى يبقى فيه نقابه لايموز
ويبقى رسوم اشتراكها مثلا الواحد يجى بصبغه شعره وبمونيكيره وسلطاته وبابا غنوجه بقى :D
احساسى بيقولى ان الموضوع مش هيقف عند سوسن بس
:c: احتمال يبقى في هايدى وباكينام كمان
ميرسى ليكى يا قمر
نودى
انا بقول كده بردو يا ندى
لان زى ما شوفت ان اصلا شباب من الايمو معترفين ان ناس كتيييير فى مصر واخدين القصه دى كستايل او الموسيقى بتاعته عجباهم مش فكره الايمو بالظبط يعنى
ده اللي ناقص يا اوختشي
انهم يبقو ايمو قال ايمو قال
ثانكيو عالمعلومات الجديدة
مصر يا يا كعبة الخواجات والكل بيطوف
كل شىء بقى على المكشوف
رجالتك يا مصر بقوا سوسن
Lady E
بلاوى يا اختى وبتتحدف علينا مش عارفه انا ايه اخرتها والله
منوره يا قمر
Nostor Azzuro
وباكينام وهايدى وحياتك :D
الله يولع فيكي انتى وهيا انا فطسان على نفسى من ضحك انتى اتفرجتي على البرنامج الى مصتديفهم ؟
هو مش شرط ال 70 جنيه بصى هو اى حد عنده مشكله بيحاولو يساعدوه لله وللوطن ولو شفتي البرنامج الى اتبعت هتلاقي حاجه ان الشاب الروش الى من جامعة عين شمس الى بيقولو عليه الاب الروحي ليهم ان هو اتفقمع منظومه خارج مصر منظومه اروبيه لكده صح ده بقي الى تبصى عليه ايه سبب انهم يساعدو اى حد تعبان او عنده مشاكل بس هما الى فى مصر مش بيقطعو فى نفسهم وكده زي بره لالا بس هما قالو انهم عاوزين استيل الشعر والبس الاسود ده عشان يميزو نفسهم ال يعني مش هيعرفو بعض غير بالستايل وفى ناس انضمت ليهم كارت حشر يعني عشان الاستايل ده كمان حاجه هما الى بره عندهم موضوع الكئابه ده وياما بيقطعو فى جسمهم ياما الانتحار ياما لا حياء فى دين ولا حياء فى العلم ولا حياء مع عبده سورى يعني لو ولد بنت جرحته ولا حاجه يرتبط بولد زيه هيحس بيه ويراعي شعوره ويفهمه ويقدره والعكس صحيح بنت لو ولد جرحها وكده اعوزو بالله وكل ده حصل فى الغرب لكن هنا هما بس زي ما دكتور نفسى قال واستضافهم انهم مراهقين فكريا رغم ان تلت تربعهم متربين فى انجلترا وناس مستواهم وفكرهم واسلوبهم فى كلام عالى جدا بس مازالو مراهقين فكريا موضوعك جميل وهولع فى الى مش بيتبل فى بؤقها فوله دي
غريبه اوي الحكايه دي
بس متهايلي انهم قليلين اوي اوي اوي اوي يعني
الله يحفظنا من كل شر !!
جامده اوي السمايلات دي :f:
عبدو
مالك بس يا عبدو فى ايه :D
افضحك بقى واقول ان انت صاحب القصه دى اصلا loool
احنا عايله فضايح اصلا
بص انا فاهمه وجهه نظرك
وشوفت برنامج الحقيقه اللى استضافهم يمكن دول من الشباب اللى واخدين مفهوم الايمو اللى بجد
بس ايه ضمنك ان كل مجموعتهم كده
دى حاجه الحاجه التانيه
فى اللى منهم واخدها ستايل ومنظر والله اعلم وراها بيحصل ايه
وان كنت بتتكلم على النقطه فى انهم بيساعدو الناس عن طريق منظمه عالميه
ماعتقدش ان كل الايمو بنفس الشكل ابدا لان اساسا مش ده مبدأهم او من ضمن تفكيرهم
دى حاجه جت زياده كده للولد اللى اسمه شريف ده
وبعدين اللى نفسيته تعباه والا حساس حبتين مش محتاج يوقف شعره ولا ينزله على عينه ولا يلبس هدوم سودا ولا يعمل كل ده
انا شايفاه منظررررر مش اكتر بصراحه
ميرسى ليك يا عبدو
عمك ياض
مش عارفه والله اذا كانوا قليل والا كتير
كل حاجه مع الوقت بتتطور
واتفضل الاموشنات لو عجباك والله
ميرسى يا عمو على الكومنت :D
المفروض ان مفيش حد يحكم عليهم من غير ما يسمعهم ونفهمهم الواحد من خنقته والمشاكل اللى بيقع فيها اليومين دول ممكن يعمل اى حاجه علشان ينسى لازم نسمعهم وبعدين نحكم عليهم بلاش نظلمهم وخلاص
وبعدين انتو مشفتوش بعنيكم الكلام اللى انتو بتقولوه علشان تحكموا عليهم انا مش معاهم ولا ضدهم بس منظلمهمش كده وخلاص
وبعدين متنسوش اغلبية اهالينا دلوقتى مبيبقوش فاضين يتكلموا ولا يحكوا معانا وميعرفوش مشاكلنا الواحد بيحتاج حد يصاحبه ويحكى معاه همه مش حنفضل ساكتين على طول حرام هما عملوا ايه بيحلوا مشاكلهم
على فكرة الصور الى انتى حطاها مش ايمو مصر دول بتوع بره هما مش بيعملوا زيهم
Post a Comment