مؤشر بيع الجرايد يوم عن يوم بيقل
بقت حاجه غريبه اوى
زمان الجرايد كانت اهم حاجه الناس عن طريقها بتعرف اخبار الدنيا كلها فى جميع المجالات
انما دلوقتى فى طرق كتير اوى تعرف عن طريقها الاخبار
يمكن النت من اكتر الحاجات اللى غطت على الجرايد دلوقتى
ولما الناس مش بتشترى الجرايد دى تفتكر بتروح فين؟؟؟؟؟
بتتباع طبعا
فى سوق الورق اللى فى الازهر
حتى الكتب
الكتب دلوقتى بقت زى الاخبار
ممكن توصلها عن طريق النت
فى ناس كتير بتفكر انها تحمل 10 كتب من النت
افضل من انهم ينزلوا يشتروا 3 كتب مثلا من اى مكان
رغم ان فى ناس لسه شايفه ان قرأه الكتب الورقيه ليها متعه خاصه
ماتعوضهاش ابدا الكتب الالكترونيه
ومع ذلك فى كتب بردو لما بتقدم وماحدش يشتريها
بتتباع عند سور الازبكيه
يعنى كل مكان وليه تخصصه فى بيع انواع الورق
سواء كان جرايد
او كتب
يعنى الكلام دلوقتى بقى بفلوس
الجرايد بتتباع بالكيلو
والكتب بتتباع بنص التمن
هو ممكن الجرايد مع الوقت تختفى؟ او تبقى على النت بس؟
بما ان النت بقى شاغل حيز كبير اوى من حياتنا
ممكن ده يخلى وسيلتنا للقرأه على النت وبس؟
.jfif)
6 comments
الشعب يفضل حاليا التيك اواي
لا احد يريد ان يمعن في الخبر فقط نبذة مختصرة ويجري بعيدا
لا يوجد هناك وقت للتدبر فورائه اشياء اهم شات وفيسبوك و جيمز هناك اشياء اهم كثيرا من ان يضيعها في قراءة كتب ثم ان نظره الذي يتعبه بالساعات امام شاشة الكمبيوتر لا تقوى على قراءة الكتب
تحياتي
العالم الرقمي غزا العالم وأصبح هو الأسهل والأرخص
لكن تظل متعة الكتاب الورقي ورائحته الذكية موجودة
ولعلمك أن هناك ألماني قام بعمل عطر مأخوذ من رائحة الكتب والمخطوطات القديمة وسينز السوق قريبا باسم على ما اعتقد (بيبر باشون أي عشق الورق
لا صعب تختفى ممكن تقل الاقبال عليها لكن تختفى لا هتفضل القراءة الورقيه ليها رونقها
مع انى شايفه ان الاقبال على الجرايد ذاد كتير بعد الثورة
مصطفى سيف
فعلا يا مصطفى دلوقتى الناس ممكن تاخد عنواين الاخبار تفهم منه القصه كلها ومش مهم المضمون
عشان كده يمكن ماحدش بقى مهتم بالجرايد ويقول هو انا فاضى..!
شكرا ليك على رأيك
وسعيده جدا بمتابعتك :))
كريمة سندي
طب تفتكرى لو استخدوا العطر ده برائحه الورق
مع الكتب الالكترونيه
هتكون ايه النتيجه؟
ميرسى ليكى اوى يا كريمه ومنورانى دايما :))
reemaas
اه الاقبال فعلا زاد بعد الثوره
يمكن لان فى فئه من الناس اللى مش متابعه النت
رجعوا تانى يهتموا بالاخبار
بعد ما كان كل الناس فاقده الامل انهم يسمعوا اخبار جديده
ميرسى يا ريماس على تعليقك ومنورانى يا قمر :))
Post a Comment