زى دلوقتى كنت بكتب البوست الجديد عشان انزله فى حمله التدوين اليومى
زعلانه ان الشهر خلص
الشهر ده كان مهم اوى بالنسبه ليا
اول مره اتكلم كتير كده
اول مره اهتم بالمدونه اوى كده
اول مره اتابع مدونات كتيره وجديده عليا كده
مش متخيله ان شهر كامل من التدوين عدى بسرعه
مش استوعبت الفكره فى الاول
انى كل يوم هاكتب بوست
وازاى هاقدر اعملها
بس قبل ما افكر ولان التفكير هيخلينى أياس واتراجع عن الفكره
قررت انى اشترك من غير تفكير
مش استوعبت الفكره فى الاول
انى كل يوم هاكتب بوست
وازاى هاقدر اعملها
بس قبل ما افكر ولان التفكير هيخلينى أياس واتراجع عن الفكره
قررت انى اشترك من غير تفكير
لدلوقتى مستغربه اصلا انى قدرت انزل كل يوم بوست
ومش زهقت
الشهر ده خلانى افكر فى كل تفصيله بتحصلى فى يومى
انى اقدر اتكلم عنها واعبر عنها من وجهه نظرى
وده انا ماكنتش بعمله كتير بالمنظر ده قبل كده
يمكن من كتر التدوينات اللى بتنزل يوميا
ده ماكنش بيخلينى اشوف كل حاجه
مبسوطه اوى انى عرفت مدونات جديده
بافكار ناس مختلفه
واساليب فى الكتابه مختلفه
مبسوطه اوى انى عرفت مدونات جديده
بافكار ناس مختلفه
واساليب فى الكتابه مختلفه
وبجد كتير كنت ببقى مبهوره بالتدوينات اللى بشوفها لناس كتير
من كتر ما هى حلوه
مبسوطه اوى انى لاول مره من اول ما عملت المدونه
مبسوطه اوى انى لاول مره من اول ما عملت المدونه
اكون متابعاها اوى كده ومهتمه بيها اوى كده
مبسوطه اوى بكل المدونات اللى عرفتها وكل المدونين اللى زارونى
مبسوطه اكتر انى كنت فى حمله التدوين الشهر ده
واتمنى تحصل السنه الجايه كمان
واتمنى تحصل السنه الجايه كمان
كل شهر فى التدوين وانتوا طيبين :))
.jfif)
20 comments
تصدقي عندك حق
الشهر عدى بسرعة جدا :|
المهم ما تنسيش تنزل ببوست في استفتاء الكتاب يا جميل :)،،، كل شهر ويوم وثانية
وانتي بهنا وسعاااااااادة
كل حملة وانتي طيبة
بلاش كسل بقى تاني
الحملة اتت بثمارها اديتنا ثقة في اننا نقدر نكتب كل يوم
خلتنا نعرف ان جوانا حاجات كتير اوي
وان اللي جوانا بحر عميق من الافكار
تحياتي
فتافيت
اه والله الواحد كان متخيل انه هيبقى شهر طويل والواحد بقى هيزهق فى النص وكده
بس عدى بسرعه
انا اشتركت فى مشروع الكتاب وربنا يسهل
وهستنا اشوف البوست اللى اشتركتى بيه يا رحاب بقى :))
ميرسى ليكى يا قمر
مصطفى سيف
فعلا الحمله دى جابت نتايج ايجابيه جدا على كل اللى اشتركوا فيها
وان شاء الله مش هاكسل تانى ولا اغيب عن المدونه زى ما كنت بعمل
ميرسى ليك جدا انك كنت متابعنى دايما
ومبسوطه انى اتعرفت على مدونتك :))
بس اكيد مش معني كده انك هتبطلي تكتبي كل يوم ؟؟
ولا لازم حمله يعني ^_^
ممكن نعمل حمله التدوين السنوي ^_^
مرحبـا أختـي
بالعكـس إحنا لنا الشـرف بمتابعة أختـ راقيـة مثلكـ
تقديـري
والله استفدنا منك كتير كل سنة وانت بخير
انا اللي سعيده ان مدونتي من المدونات الجديده اللي انت زورتيها
يارب دايما تكتبي كل اللي قلبك
و يارب دايما مبسوطه
تحياتي
سبايدرمان
تخيل لو بقت حمله سنويه
365 بوست فى 365 يوم
ده الموضوع يبقى خرافى بجد ههههههه
ان شاء الله مش هتاخر فى الكتابه وهافضل اكتب بردو
ميرسى ليك جدا :))
آرثـر رامبـو .....
ميرسى ليك جدا على زوقك
ده انا اللى ليا الشرف والله :))
كريمة سندي
انا كمان استفادت منك جدا
ومبسوطه انى عرفت مدونتك فى الحمله دى :))
كل شهر وانتى بخير
زهرة الضحا
انا اللى مبسوطه جدا بجد انى عرفتك من خلال مدونتك
وان شاء الله يبقى فى تواصل دايما
وربنا يفرحك انتى كمان على طول :))
بالتوفيق لحضرتك دائما
وليس شرطا للكتابة ان يكون هناك حملة تدوين
ممكن الانسان يصنع حملة وهمية بداخله
تجعله يفرغ همومه في الكتابة
خالص تقديري
Casper
معاك حق جدااا
ميرسى ليك اوى :))
كل شهر و إنت طيبة
و أحب أسجل إعجابى بكل إللى شاركوا فى الحملة
لأن الإلتزام بالكتابة كل يوم مش سهل أبدا
و دة إللى خلانى ما أشاركش
و بجد كل إللى
إشترك و كمل لآخر الشهر يستحق كل الإعجاب
و يا ستى ما تزعليش إن الشهر خلص
إكتبى كتير و إعملى حملة تانية
تحياتى
بالنسبه لتجربة التدوين اليومى
اى تجربه قبل الدخول فيهانستشعر جميعا صعوبتها وحين الدخول فى خضم التجربه نطتشف اننا كنا نهاب شيئا غير موجود
وبرغم ذلك فتجربة التدوين اليومى من اصعب ما يكون لأن الكتابه تحديدا حاله مزاجيه لا تتوافر يوميا
الا انكى وبرغم ذلك فعلتيها
لذا وجب على رفع القبعه تقديرا لمجهودك
تحياتى
والف مبروك على خوضك تلك التجربه
هو يعنى لازم يبقى فيه حملة تدوين علشان تكتبى:)
هنستنى كتاباتك دايما ومن غير حملات
شهرزاد المصرية
ميرسى ليكى جدا على زوقك
فعلا الكتابه كل يوم مش سهله
بس الواحد بيحس ان الافكار بتجيله فجأه كده
وان شاء الله يكون فى حملات كتير تانيه
وتشاركى فيها ان شاءالله كمان :)
نورتينى بتعليقك ومبسوطه انى اتعرفت على مدونتك :))
givara
فعلا اى تجربه قبل ما ندخل فيها بنحس انها صعبه اوى
بس بعد كده بنشوف انها مش زى ما كنا متخيلين
كل حاجه لما بنشوفها من بره كده بتبقى صعبه
ميرسى ليك جدا على زوقك
ونورتنى :))
موناليزا
لا ان شاء الله هاستمر من غير حملات
بس جو الحمله كان ليه طابع خاص
ميرسى ليكى جدا ونورتينى :))
Post a Comment