الاول كل سنه وانتم طيبين بمناسبه قرب شهر رمضان الكريم
(بلاش المبارك عشان الكلمه دى بقت تعمل حساسيه للناس انا عارفه )
طبعا معروف فى كل بيت مصرى
ان من دلوقتى او حتى قبلها بكتير
ستات البيوت بيبدأو يجهزوا لرمضان
وتلاقى جميع الاسواق واى سوبر ماركت تقابله فى وشك
مليان ولا كأنهم بيوزعوا الحاجه ببلاش
والواحد بيدخل جوه السوبر ماركت من دول
بيبقى هيداس فى الرجل من كتر ما الناس عماله تزق فى بعضها
انا يمكن كنت بعترض على الحكايه دى زمان
ليه يعنى نقعد نخزن فى الحاجه
(بلاش المبارك عشان الكلمه دى بقت تعمل حساسيه للناس انا عارفه )
طبعا معروف فى كل بيت مصرى
ان من دلوقتى او حتى قبلها بكتير
ستات البيوت بيبدأو يجهزوا لرمضان
وتلاقى جميع الاسواق واى سوبر ماركت تقابله فى وشك
مليان ولا كأنهم بيوزعوا الحاجه ببلاش
والواحد بيدخل جوه السوبر ماركت من دول
بيبقى هيداس فى الرجل من كتر ما الناس عماله تزق فى بعضها
انا يمكن كنت بعترض على الحكايه دى زمان
ليه يعنى نقعد نخزن فى الحاجه
ما احنا ممكن نشترى كل حاجه فى وقتها عادى
وبكده مش هيبقى فى زحمه والاسعار مش هتزيد
بس لان رمضان السنادى فى توقيت جهنمى
واحنا بسم الله ما شاء الله
مانتشطرش ونهتم بحكايه وقف تغير التوقيت دى
الا لما يكون رمضان هيجى فى عز الصيف
يعنى هنصوم من الساعه 3 ونص الفجر لحد 7 ونص المغرب تانى يوم
بمعدل 15 ساعه فى اليوم صيام
فا اى ست صعب انها تنزل كل يوم فى الحر الرهيب ده تجيب طلباتها
كفايه عليها شغل البيت
والناس كمان اللى بيروحوا اشغالهم
صراحه ربنا يكون فى عونهم
المهم يعنى من واقع متابعتى للموضوع ده
ولفى على كام سوبر ماركت الفتره اللى فاتت
ومن واقع بردو اللى ماما عماله تجيبه بقالها كام يوم وتخزنه ده
لاقيت ان الاسعار غليت بطريقه مش طبيعيه
هو فى الطبيعى دايما الوقت ده وقبل رمضان
الاسعار بتزيد
بس السنادى انا حاسه انها زايده جدا عن قبل كده
جميع مجالات التجاره دلوقتى تقريبا مش ماشيه
غير سوق الاغذيه بس بجميع انواعها
من لحوم بانواعها لمعلبات لاهم حاجه فى رمضان وهو الياميش
اللى كمان زايد السنادى جدااا عن كل سنه
واحنا بسم الله ما شاء الله
مانتشطرش ونهتم بحكايه وقف تغير التوقيت دى
الا لما يكون رمضان هيجى فى عز الصيف
يعنى هنصوم من الساعه 3 ونص الفجر لحد 7 ونص المغرب تانى يوم
بمعدل 15 ساعه فى اليوم صيام
فا اى ست صعب انها تنزل كل يوم فى الحر الرهيب ده تجيب طلباتها
كفايه عليها شغل البيت
والناس كمان اللى بيروحوا اشغالهم
صراحه ربنا يكون فى عونهم
المهم يعنى من واقع متابعتى للموضوع ده
ولفى على كام سوبر ماركت الفتره اللى فاتت
ومن واقع بردو اللى ماما عماله تجيبه بقالها كام يوم وتخزنه ده
لاقيت ان الاسعار غليت بطريقه مش طبيعيه
هو فى الطبيعى دايما الوقت ده وقبل رمضان
الاسعار بتزيد
بس السنادى انا حاسه انها زايده جدا عن قبل كده
جميع مجالات التجاره دلوقتى تقريبا مش ماشيه
غير سوق الاغذيه بس بجميع انواعها
من لحوم بانواعها لمعلبات لاهم حاجه فى رمضان وهو الياميش
اللى كمان زايد السنادى جدااا عن كل سنه
يعنى الموظف المطحون المصرى الطبيعى اللى مرتبه على اده
يدوب يلحق يقضى بالمرتب ده فطار 6 والا 7 ايام فى رمضان
والباقى بقى يقضيها موائد رحمن
اومال الموائد دى اتعملت ليه
ماهى عشان الموظفين المطحونين الغلابه دول
ده يخلي الواحد يسأل
واحنا بلد لسه فى عنق زجاجه الثوره
هو التجار دول بيزودو الاسعار على اساس ايه؟؟
بيزودوها وهما عارفين ان الناس مجبره تشتريها عشان رمضان!!
والاهم بقى
هو الناس اصلا هتكفى الضروريات فى رمضان منين
فى ظل الاسعار الخرافيه دى ؟!!؟
.jfif)
41 comments
صباحك غاردينيا
ههههههههههههه
ههههههههههههههه
معليش انا مت ضحك غصب عني حلوة اوي بلاش المبارك اصلها بتعمل حساسية بجد بد تجنن من لسانك <<< مش عارفة انا ضحكت ليه :)
نيجي بقى للسوبرماركت عارفة انا اليومين دةل ظهري اتكسر الله يسامح ماما لاني طبعا بلف معاها السوبرماركت وطبعا ليه عشان نجيب خضار السمبوسة وزنود الست ونعمل فطاير وحاجات بتحطها ماما في علب في الفريزر عشان الوقت في رمضان وطبعا بما ان حضرتي بنزل معاها صدقيني دا مش في مصر بس حتى في السعودية الحاجات غليت والغريب بقى ان الناس تقولي مش بياكلو غير في رمضان هههههههه يعني عمالين نشتري في حاجة رمضان والفترة دي بتغلى الأسعار وخاصة حاجات رمضان نقول ايه جشع غريب في التجار وإستغلال طبعاً "
؛؛
؛
كل سنة وانتِ طيبة ورمضان كريم بلاش مبارك عشان خاطرك ههههههههه "
؛؛
؛
لروحك عبق الغاردينيا
reemaas
صباح الخير
ان شاء الله ها يكون أحلي رمضان علي مصر بعد ثورتها المجيدة وكل شئ سوف يكون له طعم جديد بعد زوال الغمة عن مصرنا الحبيبة
كل سنة وحضرتك طيبة
كل سنة وانتم طيبين
تحياتي
كان نفسي ارمضن في مصر !!!!
ربنا يعينا و يشفينا و يشفى التجار
كلنا مرضى
مرضى الشراء و الاستهلاك
و مرضى الجشع من التجار
ربنا يشفى الجميع
تحياتى
ربنا يسترها ويعيننا ويقدرنا
زيادة الاسعار حاجة متوقعة بس المشكلة انها المرة دي زيادة فوق قدرة اي حد
زيادة مهولة
ربنا يستر
كل سنة وانتي طيبة
ورمضان كريم
اولا كل سنة وانتي طيبة
التاجر للاسف احد الطغاة
فلاضمير ولاامانة
كل سنة وأنت بخير وهنا وسعادة
صوما وقياما مقبولا بإذن الله
والله غلاء الأسعار في كل مكان والواحد مش عارف يعمل إيه الله المستعان
وربنا على المفتري
بصراحة كلامك صحيح واحنا كمان بقى زيكم السنة هذه الاسعار نااار في نااار
الله يستر بس والحر مررررة قوي
منا نفسي اعرف هو شهر عبادة والا شهر اكل وبس .
وانت طيبة حبيبتي
ينعاد على جميع الامة الاسلامية
بأمن وامان
تحياتي ^_^
ربنا ييسرها على عباده
اللهم آمين
_______
وكل سنة وحضرتك طيبة
كل حاجه غالية في البلد دي الا المواطن نفسه
رخيص!!!
ربنا يصلح بلدنا وحالها يارب بحق شهر رمضان اللي داخل علينا
كل سنة وانتِ طيبة يا دينا واسرتك كلها بخير
لسه امبارح بتكلم مع بنتي المتجوزة وبقول لها قررنا انا ونون النسوة الا نشتري حاجات رمضان اللي هي ياميش
مش فاهمة استوردوها امتي والعجلة كانت نايمة
والناس اللي واقفة تشتري بالهبل جابت الفلوس منين !!!!!!؟؟؟؟؟؟
وفي العموم انا اصلا مابعملش اي استعدادات لرمضان غير اني اجيب الياميش ومش كله كمان وبضرب 5 كيلو بصل في الكبة واشيلهم مع توم في الفريزر علشان مااضيعش وقت في الطبيخ اللي اصلا بعكس بيوت مصر كلها بيكون الطبيخ فيه اقل في رمضان بحب اركز اكتر في العبادة رمضان وقته غالي اوي
اما الاسعار فادي مسؤلية الحكومة انها تظبطها
وكل سنة وانتي طيبة
الياميش غالى عشان اللى بيحصل فى سوريا وسوريا المورد الرئيسى
باقى السلع استعباط عشان محدش بيراقب
وكل سنة وانتى طيبة :)
كل عام وانت بخير .. اعاننا الله واياكم على صيامه وقيامه
دمت بخير
بجد كل شئ بقى غالي فعلاً و التجار بيستغلوا فرصة رمضان و لع الناس بالشراء لكن في جانب حلو في رمضان...التراحم و التكافل اللي بيزيد أويييي في رمضان يعني تقدري تقولي الشهر الوحيد اللي الفقرا و البسطاء بياكلوا فيه كل يوم و الحمد لله أهل الخير كتير.
كل سنه و إنت طيبه و بألف خير و رمضان كريم عليكي و على كل حبايبك
شيرين سامي
تقريبا انتى الوحيده اللى كتبتى فى الموضوع ده بس اللى يشل ان الاسعار زادت فى كل حاجه مش اكل و شرب بس تخيلى حد قريبنا نزل يجيب لابنه تلاجه عشان يتجوز يفاجئ ان سعرها زاد 700 جنيه خلال 3 شهور؟؟!!!بتاع ايه 700 جنيه زياده فى مقابل ايه ؟؟ نفسى اعرف
ايه فايده العلاوات -اللى لسه مجتش- اذا كانوا التجار هيلهفوها كلها تاركين لنا الهم
مافيش فايدة في التجار !!
للأسف أغلبهم بيستغل الشهر الكريم لزيادة الأسعار بدون أي مراعاة للمواطنين
و لا يوجد أي رقابة من الحكومة على الأسعار !
أنا دائمًا أرى أن فكرة التخزين سيئة و لكن للأسف هذا أسلوب شعب و (ستايل)
ياريت نحاول نتغير شوية شوية
و نكتفي بالحاجات الرئيسية و نحس إن الشهر دا شهر عادي في الأكل و لكن مش عادي في العبادة
و بكدا بجد نكون حسينا بطعم رمضان
و كل سنة و انتي طيبة يا جميلة =)
يعود عليكي بخير يارب
ربنا مابينساش حد
ورمضان كريم :)
ريــــمــــاس
ايوه هى حكايه الحساسيه دى تضحك انا عارفه (مش اى حاجه تانيه اللى بضحك خالص :D :D )
احنا بنقعد نخزن كده
وبنيجى اصلا نلاقى فى الاخر كل الحاجه زى ماهى
كل سنه وانتى طيبه يا قمر
وينعاد عليكى بالخير ياارب :))
m.hallawa
اكيد كلنا نتمنى يبقى احلى واحلى
كل سنه وحضرتك بألف خير ورمضان كريم عليك يااارب :))
ابراهيم رزق
فعلا كل واحد فينا مريض بحاجه
ربنا يشفينا جميعا
وخصوصا التجار
كل سنه وحضرتك طيب ورمضان كريم :)
مصطفى سيف
ايوه ما انا بردو بقول الزياده السنادى غير متوقعه
مع ان الواحد كان متوقع ان الامور هتبقى افضل شويه من ضمنها الاسعار
بس للاسف ماحصلش
كل سنه وانت طيب ورمضان كريم :))
سواح في ملك اللــــــــــــــــــه-
للاسف كتير من التجار مش بيحسوا بالناس اللى ظروفها بسيطه ومايقدروش يتحملوا الاسعار دى
كل سنه وانت طيب :))
ههههههه رمضان كريم
كل سنة وانتي طيبة ^_^
كريمة سندي
ربنا على الظالم واللى بياخد حق مش حقه
كل سنه وحضرتك طيبه وبألف خير يارب
الذوق الرفيع
المفروض انه شهر عباده
بس دايما بيتحول للاهتمامات اخرى
زى الاكل و التلفزيون واللى بيجيلنا منه
كل سنه وانتى بألف خير ورمضان كريم :)
Casper
اللهم امييييين
كل سنه وحضرتك بألف خير ورمضان كريم :)
آخر العنقــــــود
بجد معاكى حق جدااا
المواطن المصرى هو بس اللى بيرخص وكل حاجه بتغلى
امين ياارب
كل سنه وانتى طيبه يا جميله ورمضان كريم :)
شمس النهار
ايوه اهى حكايه العجله اللى نايمه دى
خلتنى مزبهله اكتر من كميه الزياده اللى فى الاسعار السنادى
لو ع الحكومه فا هى محتاجه تظبط حاجات كتير اووى
كل سنه وحضرتك طيبه وينعاد عليكى بالخير يارب :)
safa7_karmooz
واستعباط التجار ده بيجى علينا فى الاخر
كل سنه وانت طيب :))
وجع البنفسج
كل سنه وانتى طيبه
وينعاد عليكى بالخير يااارب :))
شيرين سامي
انتى اتكلمتى عن نقطه مهمه اوى يا شيرين
وهى ان الناس بتحب تعمل خير كتير اوى فى الشهر ده
بس فى ناس مش بيكونوا محتاجين فى العادى
بس الاسعار بتأثر عليهم جامد جدا
دول اللى مش بيكون قدامهم اى سبيل
كل سنه وانتى طيبه وينعاد عليكى بالخير يارب
د/دودى
ماهى الزياده بناخدها بايدينا الشمال
بياخدوها تانى بايديهم اليمين بزياده الاسعار دى
ربنا يكون فى عونا والله
كل سنه وانتى طيبه ورمضان كريم :)
Sara
فعلا احساسنا برمضان بقى بيتحول فى شكل الاهتمام بالاكل والتخزين وغيره من الحاجات اللى المفروض نبطلها
كل سنه وانتى طيبه يا قمر ورمضان كريم :))
موناليزا
ونعم بالله سبحانه وتعالى
كل سنه وانتى طيبه وبألف خير يارب :))
εïз Semsema εïз
الله اكرم
كل سنه وانتى طيبه يا قمر :))
صباح الخير يا عزيزتى و كل سنة و إنت طيبة
خلاص دى بقت عادة إن كل حاجة تغلى فى رمضان و المحلات تتزحم و المرور يبقى لا يطاق و دى حاجات للأسف بتأخذ من إستمتاعنا بالشهر الكريم و مش عارفة بصراحة إيه حلها
أنا فيه ناس زمايلى فى الشغل بيسيبوا عربياتهم و يأجروا تاكس طول الشهر و فيه بيأجروا شقق مفروشة جنب الشغل عشان الزحمة تخيلى؟!
ربنا يهدى الحال و كل سنة و إنت بخير و سعادة
مدونة ممتازة وقال رائع جدا وموضوع جميل شكرا لك وكل عام وانتم بخير ...
كل سنة وانتى طيووووووووبه يا بنوتة
الاسعار حدث ولا حررررررررررررررررررررج حاجة فظيعه
والله احنا شاريين حاجة الاسبوع اللى فات ورحنا نزود كميه لقيناها ذاد تمنها 5 جنيه للكيس الواحد يعنى تقريبا اكتر من 50% حاجة تغيييييييييييييييظ
شهرزاد المصرية
انا مستغربه جداااا بجد من حكايه تأجير الشقق دى
معقول الزحمه بقت لا تطاق للدرجه دى
انا اه مستوعبه الزحمه واللى بيحصل فى رمضان
بس مش متخيله ان الناس بيوصلوا للخنقه كده
ربنا يهدى وياريت نبقى افضل من كده
ميرسى ليكى جداا
ورمضان كريم وينعاد عليكى بالخير يارب :)
جريده مصر اليوم
شكرا جدا
وسعيده بالزياره الجميله دى
وكل سنه وانتم بخير
reemaas
فعلا الاسعار يا نور بتزيد كل يوم تقريبا
ده غير اصلا الزياده اللى نازله السنادى على كل حاجه بمناسبه رمضان
ربنا يكون فى عونا صراحه
نورتينى يا حبيبتى وكل سنه وانتى بخير :))
Post a Comment