انا زهقت منى فى حكايه قله الرد على التليفونات والاتصال بحد دى
ده انا لو بتصل بنفسى ومش برد كده
هاقطع علاقتى بيا على فكره !!
********************
لما ماما من يومين بتقولى بابا كان اد ايه بيحبكم انتى واختك
ومش بيقبل اى حاجه عليكم ابداً
مش عارفه ليه افتكرت
تانى يوم بعد ما مات
لما هى اتصلت بيا من تليفونه وفجأه لاقيت اسمه
اتخضيت اوى
دلوقتى
بتمنى ان الموقف ده يحصل تانى
********************
المذاكره وحشتنى اوى بجد
نفسى ارجع اذاكر تانى
( :D اللى يشوف كده يقول انى كنت مقطعه المذاكره مثلا بلا نيله )
********************
هو انا ازاى بحس بيكى اوى كده
كل ما يكون فى حاجه بشوفك فى احلامى
اللى معظمها للاسف بيتحقق
برغم اى حاجه حصلت
نفسى تكونى بخير
********************
ماما الاول كانت ضد اللى بيحصل فى التحرير
وكانت من ضمن الناس اللى شايفه ان لازم الثوار يهدوا شويه
لما وريتها الفيديوهات واللى بيعمله المجلس العسكرى فى حق الثوار
دلوقتى لما قعدت مع حد بيتكلم بطريقه وحشه عن الثوار
كان ردها
ماسمحلكش تغلط فى الثوار اللى بيجبولنا حقنا واحنا قاعدين فى بيوتنا
مامتى
انا مبسوطه بيكى :))
********************
رضا ربنا علينا عامل زى مغناطيس للسعاده
طول ما رضاه موجود
احنا اقل حاجه بتحصلنا بتخلينا مبسوطين
لكن لو رضاه مش موجود
السعاده دى بتهرب مننا
ومهما كانت الحاجات اللى بتفرحنا موجوده
بردو مش بنحس بيها
********************
واحشنى اوى خروجى لوحدى
وحاطه سماعات الموبيل فى ودانى وابقى فى دنيا لوحدى
واتفرج على الناس والبيوت والطريق
واحشنى اوى انى اقابل ناس جديده عمرى ما عرفتهم
********************
حاسه ان ربنا بيحبنى اوى
عشان مش ادانى بس ام واحده
انما تلاته
امى وجدتى وخالتى
ربنا يخليكم ليا ♥
.jfif)
27 comments
حلوة زهقتي منك عشان مش بتردي علي
انا لومكانك ههههه احاصمك ومكلمكيش
بس هقوللك حاجة متزعليش منك
جايز يكون عندك ظروف
فاعذريكي ههههههه
متظلمكيش
ربنا يخليلك امهاتك التلاتة
وتذاكري برضه وتنجحي
وربنا يرضي عنك دايما
وكل خير
تحيتي
كتير فعلا بنبقى محتاجين ندون تدوينات عن خواطر و افكار بنحس بيها
حتى لو مالهاش علاقة ببعض
تحياتي
قد ايه بحب الكلام الملخبط ده :) :)
وحشنى تدوينك
ربنا يخليلك مامتك ياغاليه ..تحياتى لك
نور
بوست لطيف اوي
:)
موضوع الرد علي الموبايلات ده برضوا بيجنني
عارفة بابا مات من 12 سنة ولحد النهاردة بحس اني وانا داخلة هناك هلاقيه قاعد في مكانه
:(
سواح في ملك اللــــــــــــــــــه-
هههههههههههه
لا ممكن بردو اكون مشغوله والا حاجه
هادى لنفسى اعذار واعذرنى بقى :))
ميرسى ليك جدا يا خالد
ومشرفنى دايماً بوجودك والله
AHMED SAMIR
بتريح كتير فعلا
حتى لو مالهاش علاقه ببعضها زى ما قولت
شرفنى وجودك :))
Miss LoZa
وانتى واحشانى وواحشنى تدويناتك اوووووى بجد :))
نور القمر
ربنا يخليكى يا جميله
نورتينى يا قمر :))
شمس النهار
يعنى فى حد زيى بجد مش بيرد على الموبيلات كده؟
اطمن على نفسى يعنى؟؟
الناس المهمه لما بتختفى من حياتنا
عقلنا مش بيستوعب ده حتى لو مر الزمن :((
مبسوطه بجد بوجود حضرتك وان التعليقات بقت تتنشر بسهوله :))
magnounaaaaaaaaaaaaa tool 3omrek :D
msh ha2oooooool ana men :P
:c:
ربنا يخليلك امهاتك التلاتة ويحبب فيكي الناس كلهم
على فكرة ده مش كلام والسلام
ده كلام ساكن جواكي بين حروفه بتتشكل شخصيتك
في دش احاسيس في البوست ده
تسلمي عليه
Anonymous
انا اصلا عرفت لوحدى :P
بس منور والله على فكره بقى يعنى :D :D
مصطفى سيف الدين
ربنا يخليك على زوقك :)
اهو الكلام والسلام ده
بيبقى اهم كلام ممكن يتقال بجد
نورتنى يا د.مصطفى :))
فى الاول احب احييكى على اقناعك امك و باحيها عقبال امى تصدقى انا لحد دلوقتى مش عارف اقنع امى
اصل امى الجيش بالنسبة لها خط احمر عشان المرحوم بابا كان ظابط جيش
منه لله توفيق عكاشة
متفق معاكى فى كل حاجة الا موضوع المذاكرة ده الواحد مصدق خلص
اما اللى نفسى فيه انى اغمض عينى و اقعد فى البلكونة اسمع فيروس من كاسيت منهم لله زياد و ساليناز حرمنى من ده
تحياتى لكى
مساء الغاردينيا دينا
اوعي بقى تخاصمي نفسك وابقي ردي على التليفونات دنا امبارح هريت النمرة ومارديتيش <<< هتشككها في نفسها
يلا هاتي النمرة :)
اما المزاكرة تعالي زاكري عني انا داخله على امتحانات دلوقتي
وربنا يخليلك امهاتك يارب :)"
؛؛
؛
لروحك عبق الغاردينيا
كانت هنا
reemaas
ومن سمعك يا بنوتة
ربنا يسكنه فسيح جناته يا رب ويطئن قلبك
كلنا هذا الرجل يا بنتي وهو انا ايه اللي غرزني في الدبلومة دي غير الاحساس دا
:) شعور جميل
اللهم أرنا الحق حق وارزقنا اتباعه وارنا الباطل باطل وارزقنا اجتنابه
اللهم إنا نسألك رضاك والجنة ونعوذ بك من سخطك والنار
حلها انك فعلا تقدمي على دبلومة او كورسات
ربنا يخليكم لبعض يا رب ويجمعكم على الخير دائما يا رب
ماما كمان عملت معايا كده...مش معاكى فى شوقك للمذاكره تعالى خدى منى شويه
حلوة خواطرك أوي على فكرة ، بسيطة وعفوية
:)
تقبلي مروري وتحياتي
انتي جميلة أوي يا دندن و حوارك رقيق :)
رغم إني مختلفة معاكي في حكاية المذاكرة دي جدًا جدًا :D
ربنا يخليلك مامتك و خالتك و جدتك و كل الناس اللي بيحبوكي و أنا منهم :P
ابراهيم رزق
انا للاسف بردو حاولت اقنع جدتى واخليها تشوف الفيديوهات انها تقتنع ابداااااا بردو
اهو توفيق عكاشه ده اللى مودينا فى داهيه
لا والله المذاكره بيبقى ليها جو كده الواحد بيشتقاله
ربنا يخليهم ليك ياااارب ويكبروا ويقعدوا يسمعوا معاك فيروز بمزاج هما كمان
شرفتنى بوجودك :))
ريــــمــــاس
هههههههههههههههه
والله انتى عسل
انا ممكن اشك فى نفسى من اللى بعمله ده
هاديهالك بينى وبينك بس الاقيك ;)
قوليلى انتى هتذاكرى ايه وانا هذاكر من هنا تضامنا معاكى شوفتى بقى
ميرسى يا حبيبتى ربنا يخليكى على زوقك
نورتينى بمرورك الجميل ده :*
E73
كلنا كلنا بجد؟ يعنى ماخفش على نفسى؟؟
ربنا يرحمنا ويرحم اموات المسلمين جميعاً يارب
ما هو الاحساس ده اللى بيوصلنا لمرحله تانيه من الدراسه الله اعلم هتودينا على فين
فا انا الحق نفسى بقى اقبل ما اوصل لكده
اللهم يتقبل دعائك ياااارب
ربنا يخليكى يا جميله
ومبسوطه جداااااااا بزيارتك والله
شرفتينى يا قمر :))
د/دودى
الناس اللى اتربت فى وجود النظام القديم
مش بسهوله يغيروا رأيهم
ما هو الواحد كده
لما بيذاكر بالعافيه بيكرهها
انما لو بمزاجنا هنحبها والله
نورتينى يا دكتور
P A S H A
شكرا ليك جدا ده من زوقك
شرفنى وجودك :))
Sara
انتى اجمل بكتيييير اصلاً <3
طب تصدقى لو انتى كنتى ادبى انا ممكن اخد منك مذاكرتك اذاكرها على فكره
الله يرحم ايام الفلسفه والجولوجيا
اايييييه ايام لا تعوض والله :D :D
ربنا يخليكى ليا يا قمر انتى وانا بحبك اكتر على فكره بقى :P
الله يجعلها سنة خير و بركة لمصر و كل البلاد الإسلامية
Post a Comment