حياتنا عباره عن قطر
ناس بتطلع فى محطات
وناس بتنزل فى محطات
ماينفعش تلغى محطه
ماينفعش نزعل على حد نزل
وماينفعش نضايق ان حد ركب
لازم نتقبل حياتنا بكل محطاتها
وكل زوارها
********************
لما بيبقى فى حاجات جوانا مش عارفين ايه هى
دى حاجه مش بتريحنا ابداً
ناس بتطلع فى محطات
وناس بتنزل فى محطات
ماينفعش تلغى محطه
ماينفعش نزعل على حد نزل
وماينفعش نضايق ان حد ركب
لازم نتقبل حياتنا بكل محطاتها
وكل زوارها
********************
لما بيبقى فى حاجات جوانا مش عارفين ايه هى
دى حاجه مش بتريحنا ابداً
بتفضل شغلانه الحاجات اللى احنا مش عارفنها دى
ولما بنعرفها
بردو مش بنحلها
فا بتستخبى جوانا شويه عشان توهمنا اننا بقينا احسن
بس مصيرها بردو مع الوقت تظهر على وش قلوبنا وروحنا من تانى
ولما بنعرفها
بردو مش بنحلها
فا بتستخبى جوانا شويه عشان توهمنا اننا بقينا احسن
بس مصيرها بردو مع الوقت تظهر على وش قلوبنا وروحنا من تانى
ووقتها بيبقى تأثيرها اسوء بكتير للاسف
********************
مش شرط باختفاء اشخاص من حياتنا
وعدم كلامنا عليهم فى اى مناسبه بيتم ذكر اسمهم فيها
ده معناه انهم مش موجودين فى بالنا
او اننا فعلا مسحنا وجودهم جوانا
بس التجاهل الظاهرى بيبقى اسلم الحلول فى الوقت ده
********************
مش شرط باختفاء اشخاص من حياتنا
وعدم كلامنا عليهم فى اى مناسبه بيتم ذكر اسمهم فيها
ده معناه انهم مش موجودين فى بالنا
او اننا فعلا مسحنا وجودهم جوانا
بس التجاهل الظاهرى بيبقى اسلم الحلول فى الوقت ده
********************
فى موقف حصل وانا فى تالته ثانوى
عمرى ما بنساه ابداً
كنا فى درس فلسفه اللى بالنسبه ليا احلى ماده درستها فى عمرى
وكان المُدرس بيفهمنا حاجه
كنا فى درس فلسفه اللى بالنسبه ليا احلى ماده درستها فى عمرى
وكان المُدرس بيفهمنا حاجه
وقالنا لو كتبتلكم سؤال انا واثق انكم مش هتعرفوا تحلوه
وانا قفلت معايا بقى لا انا عايزاه
فعلا كتبه لينا
واحنا كلنا كنا الحمدالله كويسين وشاطرين اوى
الا بنت واحده كان مستواها اقل مننا كلنا
والغريبه ان كلنا حلناه غلط
وهى الوحيده اللى حلته صح وهى ماكنتش متخيله انها حلته صح
بس هو قالنا
انتوا جربتوا تستعملوا ذكائكم رغم انها مش محتاجه ذكاء
الاجابه كانت بسيطه جداً ابسط حتى من ان عينيكم تشوفها
عشان انتوا بتفكروا فى الابعد منها
وانا قفلت معايا بقى لا انا عايزاه
فعلا كتبه لينا
واحنا كلنا كنا الحمدالله كويسين وشاطرين اوى
الا بنت واحده كان مستواها اقل مننا كلنا
والغريبه ان كلنا حلناه غلط
وهى الوحيده اللى حلته صح وهى ماكنتش متخيله انها حلته صح
بس هو قالنا
انتوا جربتوا تستعملوا ذكائكم رغم انها مش محتاجه ذكاء
الاجابه كانت بسيطه جداً ابسط حتى من ان عينيكم تشوفها
عشان انتوا بتفكروا فى الابعد منها
ماقدرتوش تشوفوها رغم انها كانت واضحه قداكم
دايماً المثال ده قدام عينى وعمرى ما بنسى الموقف ده
اوقات كتير بتبقى الحاجه واضحه وضوح الشمس قدام عنينا
بس عشان احنا بنبص على حاجه ابعد منها مش بنقدر نشوف اللى قدامنا
فى حياتنا مواقف كتير اوى كده على جميع المستويات
عشان كده مش شرط ان اهم الحاجات اعظمها
بل وارد جدا تكون ابسطها
دايماً المثال ده قدام عينى وعمرى ما بنسى الموقف ده
اوقات كتير بتبقى الحاجه واضحه وضوح الشمس قدام عنينا
بس عشان احنا بنبص على حاجه ابعد منها مش بنقدر نشوف اللى قدامنا
فى حياتنا مواقف كتير اوى كده على جميع المستويات
عشان كده مش شرط ان اهم الحاجات اعظمها
بل وارد جدا تكون ابسطها
********************
يااااارب .. حققلى اللى بتمناه
.jfif)
38 comments
أمين يا رب
حياتي
آمين يارب اولا
ثانيآ ايه البوست الفظيييع المتفظع دة
هاخدها من غير ترتيب
انا كمان بحب الفلسفه جدآ اكتر مادة حاسيتها منطقيه درسناها ^_^
المحطات مش مهم في المحطه مين يركب ومين ينزل
المهم مين مكمل معاكى ومين ثابت
الحاجات اللى مش عارفين ايه هى
لاء احب اقولك احنا عارفين وبنستهبل مضيعه للوقت بقي او حب فاننا منعترفش
وان كان في شئ فعلا مش فاهمينه يبقي سوء فهم وتقدير للظروف والواقع المحيط بينا :)
كلنا احيانا بنبدى عدم اهتمام باشخاص معينه
بس في الواقع احنا بعمل كدة من كتر ماهما محتلين تفكرنا وواخدين عقلنا مننا
علشان كدة بنظهر اننا منتكلمش عنهم ومش مهتمين
واحنا بنتحرق من الداخل اصلا
:))
وبس ياستى
على فكرة الحياة كلها زي درس الفلسفة ده كلها بسيطة جدا بس احنا اللي بنعقدها فكرتيني بالراجل اللي اخد نوبل في الفيزيا استني ادورلك على حكايته و اجيبهالك لو معاكي وقت تقريها
البوست هايل و فيه حاجات مهمة كتير
تسلم ايدك و ربنا يحققلك كل اللي تتمنيه يا دينا
انتي تستاهلي كل خير
حصلت هذه القصة في جامعة كوبنهاجن بالدنمارك في امتحان الفيزياء كان أحد الاسئلة كالتالي:
كيف تحدد ارتفاع ناطحة سحاب (عمارة يصل إرتفاعها إلى السحاب) باستخدام البارومتر (جهاز قياس الضغط الجوي) ؟
الاجابة الصحيحة كانت بديهية وهي قياس الفرق بين الضغط الجوي على الأرض وعلى ناطحة السحاب
كانت اجابة أحد الطلبة مستفزة لأستاذ الفيزياء لدرجة أنه أعطاه صفرا دون اتمام إصلاح بقية الاجوبة واوصى برسوبه لعدم قدرته المطلقة على النجاح ، وكانت إجابة الطالب كالتالي:
"أربط البارومتر بحبل طويل وأدليه من أعلى الناطحة حتى يمس الأرض ثم أقيس طول الخيط"
قدم الطالب تظلما لإدارة الجامعة مؤكدا أن إجابته صحيحة مائة في المائة وحسب قانون الجامعة عين خبير للبت في القضية ، وأفاد تقرير الخبير أن إجابة الطالب صحيحة لكنها لا تدل على معرفته بمادة الفيزياء وقرر إعطاء الطالب فرصة أخرى وإعادة الامتحان شفاهيا وطرح عليه الحكم نفس السؤال
فكر الطالب قليلا ثم قال : لدي إجابات كثيرة لقياس ارتفاع الناطحة ولا أدري أيها أختار
فقال له الحكم: هات كل ما عندك
فاجاب الطالب:
1 - يمكن إلقاء البارومتر من أعلى الناطحة ويقاس الوقت الذي يستغرقه حتى يصل إلى الأرض وبالتالي يمكن معرفة ارتفاع الناطحة إذا كانت الشمس مشرقة
2 - ويمكن قياس طول ظل البارومتر وطول ظل الناطحة فنعرف طول الناطحة من قانون التناسب بين الطولين وبين الظلين
3 - وإذا أردنا أسرع الحلول فإن أفضل طريقة هي أن نقدم البارومتر هدية لحارس الناطحة على أن يعلمنا بطولها
4 - أما إذا أردنا تعقيد الأمور فسنحسب ارتفاع الناطحة بواسطة الفرق بين الضغط الجوي على سطح الأرض وأعلى الناطحة باستخدام البارومتر
كان الحكم ينتظر الاجابة الأخيرة التي تدل على فهم الطالب لمادة الفيزياء , بينما الطالب يعتبرها الاجابة الأسوأ نظرا لصعوبتها وتعقيدها
بقي أن تعرف أن اسم الطالب هو "نيلز بور" وهو لم ينجح فقط في مادة الفيزياء بل أنه حاز علي جائزة نوبل للفيزياء.
الله :)
احلي كلام والسلام يا دينا
آمين يارب
كل حاجة بتتمنيها تتحق علي احسن مايرام
m.hallawa
شكرا لحضرتك
وسعيده برجوعك وتواجدك :))
rona ali
ايه ردك الفظيع ده انتى
مش بقولك انا بحسك شبهى اوى
هى اه صراحه كانت الفلسفه ماده تجنن
بس اجمل حاجه خدناها كانت تفكير بجد مش مجرد تطبيق لحاجات حفظتيها وخلاص
اصلا قطرك مش بيكمل الا بالثوابت دى
هو فى الغالب تقريبا بنبقى عارفين ونستهبل
المهم ان النار اللى جوانا دى تهدى لانها لو فضلت مش هتحرق غيرنا
انا مبسوطه انك هنا على فكره ❤
مصطفى سيف الدين
قريت القصه يا مصطفى
تحفه والله
فعلا حلول كتير بس اللى استهون بيه كان هو الصح
فعلا كتير فى حياتنا كده
لو قدرنا نوصل لابسط الحلول دايماً هيبقى احسن كتير
ميرسى ليك اوووى
وشكراً على الاضافه اللى أثرت الموضوع اكتر
سعيده بوجودك :))
أع ـقل مـ ج ـنـونــة
اللهم آمين انا وانتى يا ريمو :))
نورتينى يا قمر
ومبسوطه ان البوست عجبك :)
احيي فيك سمو اخلاقك وتفكيرك
دمتي بكل خير
جدا جدا جدا انا بحب تشبيه الحياة بالقطر , لانة فى نظرى اقرب تشبية للحقيقة
و على فكرة دايما الحياة مش محتاجة ذكاء , خدها كدة ببساطة و كل حاجة هاتعدى
علشان كدة دايما فى المصحات العلقلية و النفسية بتاعت الناس اللى من كتر ما بتحاول تتذاكا بتتجنن بيكتبوا العبارة دى
just for today < just keep it simple
جدا جدا جدا انا بحب تشبيه الحياة بالقطر , لانة فى نظرى اقرب تشبية للحقيقة
و على فكرة دايما الحياة مش محتاجة ذكاء , خدها كدة ببساطة و كل حاجة هاتعدى
علشان كدة دايما فى المصحات العلقلية و النفسية بتاعت الناس اللى من كتر ما بتحاول تتذاكا بتتجنن بيكتبوا العبارة دى
just for today < just keep it simple
مقال جميل جدا يادينا
ربن يحققلك كل ماتتتمنينه
تحيتي
الفكره عجبتنى اوى اوى
والجمله دى بالذات
عشان كده مش شرط ان اهم الحاجات اعظمها
بل وارد جدا تكون ابسطه
موفقه
:)
ما شاء الله بوست راااائع ومدونة أرووووووع
تقبلي تحياتي !!
حلو أوى الموقف اللى حصل فى حصة الفلسفة
تصدقى فعلاً
تعرفى انى فعلا الأسئلة السهلة ماكنتش دايما أعرف حلها :)
:)
احنا فعلا المفروض ما نتعلقش بأي حاجة ،، عشان طبيعي مع مسير الحياة الحاجة دي هتروح او هتقل ،، بس دايما بييجي مكانها حاجة تانية
المشكلة في اللي بيفضل يبص للحاجة اللي راحت ويطنش الحاجة التانية لحد ما تذبل تماما ! ،، سواء كانت الحاجة دي شخص أو شيء أو حلم ..
~~~
البساطة هي الاساس ،، صح :) ممكن تلاقي عمو الفلاح مدرك حاجات دكتور في الجامعة محتار فيها !
ممكن تقولي كده زي لما تشوفي الحاجة زي ما تكوني بتشوفيها لأول مرة ،، بتدركي فيها تفاصيل كتيرة جديدة
~~~
م الآخر كده ،، انا سعيدة جدا اني عديت ع المدونة دي ،، ومش هتكون آخر مرة ان شاء الله،، تحياتي ^_^
يارب حققلها اللي بتتمناه وحققلنا اللي بتمناه يارب العالمين
مش شرط باختفاء اشخاص من حياتنا
وعدم كلامنا عليهم فى اى مناسبه بيتم ذكر اسمهم فيها
ده معناه انهم مش موجودين فى بالنا
او اننا فعلا مسحنا وجودهم جوانا
بس التجاهل الظاهرى بيبقى اسلم الحلول فى الوقت ده
المشكلة انه اسلم الحلول علشان نأمن الناس بس مش بنأمن نفسنا ابداً فى الحالة دى :((
جميلة :)
ايه ده بس
فيه حاجة غريبة علي فكرة انا كاتبة برضه شوية كلامن ملخبط كدة
ودخلت عند كذا حد تقريبا نفس الاحاسيس ونفس الافكار
هو فيه ايه
:)))
حكاية القطر دي صح اوي
بس اقولك حاجة
القطر ماشي وعارف سكته ماشية ازاي وقليل اوي لما يلاقي حاجة توقفه او تعطله اوي توقعه
بس احنا مش عارفين سكتنا رايحة علي فين
وبنتكعبل كتييييييييييييييييير اوي اكتر ما بنمشي
وماشيين وراضيين برضه باللي احنا فيه
الحمد لله
:))
الحاجات اللي جوانا ومش عارفين هي ايه
مممم
انا بعمل كدة وحشوف بقي حتطلع تاني واللا ايه
بس ده بيبقي حل فعلا لما ما بنلاقيش حلول
واختفاء الاشخاص برضه نفس المبدأ اننا بنحاول نعمل بادينا عكس احساسنا يمكن احساسنا يسمع الكلام مرة بقي
:DDD
حكاية مدرس الفلسفة حلوة جدا
بس مشكلتنا اننا مش بنبقي فاهمين حاجات كتير ومن كتر ما بنفكر مابنوصلش للاجابة مع سهولتها ولو وصلنا حتي بنقعد كتير علي بال ما نصدقها
...
يا رب تحققي كل اللي تتمنيه ياااارب
:))
يارب يحقق لك اللي بتتمنيه بس يا دينا انا القطر بتاعي عليه راكب واحد فقط وهو السواق اللي هو انا تقريبا بجد حلوة بداية موفقة
كل كلمة قولتيها جميلة جداً, أنا هعلق عي موضوع ناس بنمسحهم من حياتنا بس مش بننسهم, ده حقيقي فعلاً.
أما الفلسفة كنت بكرها كره العمه حقيقي, لكن المدرس ممتاز بجد علي كلامه, وبالنسبة لمبدأ فعلاً ممكن الإنسان يكون عنده الموهبة مثلا وشايفه نفسه مثلاً مش هيوصل, لأنه مش بيكتب زى العباقرة, مع أنه لو دقق شوية هيلاقى أن الكتابة كل إنسان موهوب لي بصمته بس هو يحاول.
هى الحياة قطار بس قطار فى اسبانيا او اليابان لا شىء يوقفه
احنا القطارات عندنا ممكن شوية عيال مخدوش مصروف من ابوهم ينزلوا على شريط اقطار يوقفوه
انا طبعا لالم ادرس فلسفة و قريت كتب قليلة لمؤلفين اغلبهم مصريين
لكن الحياة لا تحتاج للفلسفة الحياة تحتاج اكثر للبساطة
كلما اخذتها ببساطة استمتعت بها و لكن التعقيد دائما لا بفيد
تحياتى لكى
آميـــن يااارب
ربنا يحقق لك كل اللى بتتمنيه .. ويقرب لك كل شئ بعيد
---------
لما بيبقى فى حاجات جوانا مش عارفين ايه هى
دى حاجه مش بتريحنا ابداً
بتفضل شغلانه الحاجات اللى احنا مش عارفنها دى
ولما بنعرفها
بردو مش بنحلها
فا بتستخبى جوانا شويه عشان توهمنا اننا بقينا احسن
بس مصيرها بردو مع الوقت تظهر على وش قلوبنا وروحنا من تانى
ووقتها بيبقى تأثيرها اسوء بكتير للاسف
--------
كأنك بتتكلمى عنى تمامـــاً
حسيت إنى واقفة قدام مراية شايفة فيها نفسى :$
gmr14
شكرا جدا على زوقك
وسعيده بزيارتك واتمنى تكرر تانى :))
شرفتينى
RoMa
فعلا الحياه ماهى الا عباره عن قطر مش اكتر
احنا نفسنا اصلا بنتذاكى كتير
وده اوقات مش بيجيب غير الاسوء
سعيده جدا بوجودك
واتمنى يتكرر
نورتنى :))
سواح في ملك اللــــــــــــــــــه-
ميرسى ليك اوى يا خالد
ويارب تحقق انت كمان كل اللى بتتمناه :))
منورنى دايماً
khaled nagy
سعيده ان البوست عجبك
ونورتنى بوجودك :))
A. Ibrahim
ميرسى ليكى يا جميله
وسعيده بوجودك واتمنى يتكرر مره تانيه
شرفتينى :)
موناليزا
احنااصلا دايماً بنعلم كده لحد دلوقتى
بنلف وندور على حاجه قدامنا من الاول
بس احنا اللى مش شايفنها
نورتينى يا جميله :))
Heba :)
لما الواحد بيعلق نفسه بحاجه اصلا ضايعه
هو اللى بيخسر لما يلاقيها خدت معاها حاجات تانيه اجمل
لمجرد انه ماخدش باله منها
اصلا هتلاقى الناس البدو مثلا عقلهم صاحى ومستوعب كل حاجه وبيحسبوا مليون حاجه قدامهم فى ثوانى
فى حين ان احنا اللى عايشين فى المدن مش كده
لان حياتنا خدت اشكال مختلفه
انما هما حياتهم لسه بنفس البساطه
انا اللى سعيده جدا يا هبه بمرورك
واتمنى يتكرر ده شئ يسعدنى :))
Mohamed Amer
اللهم آمين يااارب انا وانت يا محمد :))
باسنت خطاب
ما هى عشان كده يا باسنت بتظهر تانى
ووقتها بيبقى لازم نلاقى حل بجد
مش حل قدام الناس وبس
وجودك هو الاجمل :))
نهر الحب
واضح انها حاله سائده والا ايه بقى :D
مهما القطر اتكعبل فى ناس وظروف بردو بيفضل مكمل عشان لازم يوصل لاخر محطه فيه فى ميعاده اللى مكتوبله :))
هو بيكون حل مؤقت
لان مهما طال الوقت
الحاجات اللى ماتحلتش بتظهر تانى
ايوه الفكره اننا مش بنصدق اصلا ان ده الحل
احنا بنتأقلم على حاجه ومش بنغيرها بسهوله
يارب انا وانتى يا جميله
مبسوطه بوجودك
نورتينى :))
محمد البرقي
لا اكيد يا محمد فيه ركاب كتير
ماينفعش القطر يمشى من غير ركاب
والا مش هيبقى ليه فايده
هو ماشى وبيوصل عشان معاه الركاب دول
دى بالظبط حياتنا
ماينفعش تمشى من غير الاشخاص اللى حوالينا
سعيده جدا بمرورك
شرفتنى :))
نيللى
لا خلاص بقى انا قولتلك انتى زعلتينى ههههههههههه
حد مش يحب الفلسفه بردو يا نيللى
احنا اصلا بنكتب عشان جوه كل واحد فينا فيلسوف بيبص للحياه بطريقته
ويكتب بردو عنها بطريقه
انتى واحشانى ^_^
ابراهيم رزق
ده يبقى قطر هفا اوى على فكره
ممكن احنا نبقى ندى العيال مصروفهم ويبعدوا عن شريط القطر :))
اجمل حاجه فى الحياه بساطتها
عشان كده لما بنعقدها وبنفكر كتير بنتعب
نورتنى بوجودك :))
Sea Lover
اللهم امين انا وانتى يارب
كلنا كده على فكره
ياريت نقدر نغير ده :)
نورتينى يا جميله :))
Post a Comment