لما بقابل اشخاص معينين فى طريقى
هما اخر اشخاص بتمنى اقابلهم
بيبقى نتيجه ده ان بطنى بتوجعنى اوى !!
زى ما بتوجعنى لما بكون راكبه عربيه
ونازله من على كوبرى بسرعه اوى
حاسه ده معناه ان الاشخاص دول
بينزلوا من نظرى وقلبى بنفس السرعه .. واكتر !
**********
لما بقعد افكر وافكر لحد ما اتخنق وازهق
عشان اعرف اوصل أيه اللى وصلنا لكده
ومابوصلش !
بتأكد ان ده اللى كان المفروض يحصل
باختلاف الظروف والاوقات والاسباب
بس ده اللى ربنا كاتبه
وكان لازم يكون
**********
لما احسب الاشخاص اللى فى البيت
واللى محتاجه اجبلهم هدايا بسيطه نفسى اجبهالهم من غير ما يعرفوا
واحسبك معاهم !
يبقى انا وبعد كل الفتره دى
لسه مش قادره استوعب بردو انك مابقتش موجود
**********
لما بنحط عنينا على حاجه
لما بنحط عنينا على حاجه
عايزين نوصلها
يمكن بنضحى بكتير اوى عشانها
بس للاسف مش بنقدر نفهم ان لو الحاجه دى اصلا من نصيبنا
كانت هتيجى بطرق تانيه كتير اوى يمكن اسهل مما نتخيل
بس للاسف مش بنقدر نفهم ان لو الحاجه دى اصلا من نصيبنا
كانت هتيجى بطرق تانيه كتير اوى يمكن اسهل مما نتخيل
**********
لما ابسط الحاجات تفرحك
وفى نفس الوقت ابسط الحاجات تحبطك وتضايقك
يبقى اكيد العيب فيك
مش فى اى حاجه تانيه حواليك
**********
لما بعد كل موقف يحصل يضايقنى او يحبطنى او يضيع فرحه عايشاها
ويكون اول كلام تقولهولى
كفايه اننا مع بعض ومش عايزين اى حاجه تانيه
و تحاول تحققلى كل اللى عايزاه
بتأكد ان ربنا بعتك ليا
عشان تكون جنبى فى الوقت ده بالذات من حياتى
لانى متأكده انى ماكنتش هاعرف اعدى الوقت ده من غيرك
.jfif)
27 comments
على فكرة بحب كلامك و السلام
بيبقى فيه شحنة احساس جميلة اوي
تسلمي
روعة بجد
مصطفى سيف الدين
الاروع هو وجودك يا مصطفى :))
مبسوطه انه عجبك
نورتنى :)
مساء الغاردينيا دينا
أخر جزء عجبني اووي بجد حسيته وخاصة انه دايما بقولها لـ فارس او ريبال .كفايا انك موجود معايا لان دا بالدنيا والي فيها
؛؛
؛
انا كمان زي أستاذ مصطفى
بحب كلام والسلام بس بحبك اكتر :) "
؛؛
؛
لروحك عبق الغاردينيا
كانت هنا
reemaas
ريـــمـــاس
ربنا يخليكم لبعض يا حبيبتى
بجد ربنا بيخلقلنا ناس فى اوقات بنبقى محتاجين وجودهم دايماً فى حياتنا
وقتها بتأكد ان ربنا فعلا بيحبنا
انا بحب وجودك
وبحبك اكتر بقى :))
دينا أهنئك على " فلسفتك " يا صديقتي
كل الاجزاء عجبانى فيها حاجة فى داخلها بس ادخل منين لو دخلت من هنا والا من هناك احترت فى الاقرب والاسهل والاوصل
محتاجه اكتر من قراءة واكتر من زيارة
انت بنت مين بالضبط
بارك الله فيكى
لاتغليق غير اني
قد رأيت اختا مرهفة الاحساس
تحيتي يادينا
مكنش ينفع اشوف دندن منزله بوست
ومخرجش بره قوقعتى واعلق
كلام والسلام
واقول الكلمه المعهوده بتاعتى
عمرة ما كنا كلام والسلام
اكتر جزء ظبطنى كدة وروقنى ومزجنى
انك لما تحط شئ قدام عينيك وتخسر وتضحى بحاجات كتير علشانه وتنسي انه ممكن يكون مش من نصيبك كتير بنعل كدة مع ان في نفس اللحظه ربنا بيدينا حاجه احلى وافضل من اللى كنا حاطين عينا عليه بس بنفضل برضوا باصين علي اللى مخدنهوش طمع بشري ههههههههههه
ونعتقد اننا طالما مخدنهوش يبقي ربنا بيعاقبنا ومش راضي عنا
مساءك طيب..
كلام رائع
يسرنى التواجد بمدونتك
تحياتى لك
ياسمين
رائعه .. معبره جداً
كتيييييييييييير وحشتني كتاباتك
بعتذر عن عدم وجودي بصفه مستمره ..
دمت بود
كلام جميل ومن واقع بنعيش فيه كلنا بنحب ندور على ناس تشيل همومنا وبنفرح لما نلاقي ناس بتدور علينا عشان تقف جنبنا وناس بتكون جزء من حياتنا وناس تكون كل حياتنا
تحياتي
فعلا كلام جميل
لما بقعد افكر وافكر لحد ما اتخنق وازهق"
عشان اعرف اوصل أيه اللى وصلنا لكده
ومابوصلش !
بتأكد ان ده اللى كان المفروض يحصل
باختلاف الظروف والاوقات والاسباب
بس ده اللى ربنا كاتبه
وكان لازم يكون"
قل لن يصيبنا الا ما كتب الله لنا ،
بس الانسان مبيعرفش ان اللي ربنا كتبهولو هو الخير
بتأكد ان ده اللى كان المفروض يحصل
باختلاف الظروف والاوقات والاسباب
بس ده اللى ربنا كاتبه
وكان لازم يكون
اكيد لو كل واحد امن بده صدقيني محدش حيكون تعبان
:))
**********
ربنا يخليكوا لبعض
:)
بس
للمرة ال14 بسجل انا بحب البوست ده جداااااااااا
عجبتنى جدا حكاية العيب فيك ده تصدقى صح
عبير علاو
ميرسى ليكى يا حبيبتى على ذوقك
شرفنى وجودك :))
faroukfahmy58
انا بنت الزمن ده :))
اسعدنى وجود حضرتك اللى اكيد شرفنى :)
سواح في ملك اللــــــــــــــــــه-
شكرا ليك يا خالد
ده بس من ذوقك :)
منورنى دايماً بوجودك
rona ali
وماكنش ينفع البوست يكمل من غير كومنتك اللى دايماً بيضيف حاجه مهمه
تصدقى والله انتى اصلا قولتى الجزء ده بالظببببببببط زى ما انا بفكر فيه
مش بقولك تفكيرنا واحد :))
رحيق الورد
انا اللى سعيده جدا بوجودك
اللى اتمنى يتكرر تانى
نورتينى يا قمر :)
heba atteya youssef
الرائعه هو انتى يا هبه
مبسوطه جدا بزيارتك ووحشنى وجودك انتى هنا
نورتينى يا قمر :))
eng_semsem
وعشان كده الناس فى حياتنا بيتقسموا لكذا مرتبه
فى اللى قريبين من القلب وفى اللى لا
فى اللى بينسونا همومنا وفى اللى بيزودوها
وهكذا
شكرا ليك جدا
نورتنى بوجودك :))
I have changed
عشان احنا بس مش بنصبر ونشوف نتيجه اللى ربنا كتبهولنا ده ايه
مستعجلين احنا دايماً
ميرسى ليكى ونورتينى يا جميله :)
نهر الحب
احنا بنأمن بده
بس تقولى ايه فى الطمع اللى جوانا بقى
ربنا يخليكى يا حبيبتى
نورتينى :)
reemaas
وانا للمره اللى مش عارفه كام
بقولك انى بحب وجودك هنا :)
reemaas
وانا للمره اللى مش عارفه كام
بقولك انى بحب وجودك هنا :)
متألقة كعادتك ...
سيدتي
MoHaMeD Alaa
متألقه انا بك ... سيدى :$
Post a Comment