اوقات قله الاكل فى ايام الدايت
بتعملى حاله من اتنين
ياما بتيجى بأكتئاب وصمت تااام واحيانا نوم
ياما بتيجى بكتر كلام
العيب فى الاكل اكيد مش فيا
***********
اوقات بتجيلى افكار كتييييير ببقى عايزه اكتب عنها
ومن كترها
بتضيع منى كلها وقت ما فعلا بقرر أكتب
انا لازم الزق ورقه وقلم فى ايدى
الموبيل مابقاش بيجازى خالص
***********
اوقات فى وسط ده بقى
من كتر ما انا فى دماغى اكتبلك حاجات كتير
فجأه كله بيختفى
واحس ان فى عاصفه من الكلام فى دماغى داخله فى بعضها
لان حبى ليك اكبر من الكلام :))
***********
اوقات بكون مكسوفه اكتبلك حاجه هنا
لانى مش متعوده اصرح باللى جوايا علنى كده
بس اللى بيخلينى دائما اكتبلك هنا من غير ما اخاف
لما بشوف الابتسامه اللى بتظهر على وشك اول ما تقرأ الكلام اللى بكتبهولك
وتقولى ده بجد؟!؟ :)))
***********
اوقات او فترات معينه بيجى فيها احساس غريب كده
مش عارفه اوصفه ازاى
بس هو ماينفعش يتسمى غير
"فتره التـتـنـيح الغير مبرر"
(طبعا مبرر دى مالهاش اى علاقه بشفيق خالص على فكره)
***********
اوقات بشك انى مجنونه
واوقات بتأكد جدا من ده
واوقات بتأكد جدا من ده
.jfif)
40 comments
اوقات بتجيلى افكار كتييييير ببقى عايزه اكتب عنها
ومن كترها
بتضيع منى كلها وقت ما فعلا بقرر أكتب
انا لازم الزق ورقه وقلم فى ايدى
الموبيل مابقاش بيجازى خالص
هههههههههههههههه وانا كمان نفس الموضوع ده والله اجى اكتب فى الموبايل بقا بتبقى حاجة مستفزة تكرهني فى اللى هكتبه اصلا :f:
"فتره التـتـنـيح الغير مبرر"
(طبعا مبرر دى مالهاش اى علاقه بشفيق خالص على فكره) :f: :f:
روووووووووووعة يا دينا
اوقات بشك انى مجنونه
واوقات بتأكد جدا من ده
واتجننى براحتك
هما المجانين احسن منك فى ايه
كلنا بنر بدي الأوقات وأصعب من كدا المهم نرجع تاني ونحاول تحياتي الصادقة
بجد ابتسمت و مش عارف اعلق
نصيحة اكتبى اى حاجة
اصل مفيش حاجة اسمها اى حاجة
كل حاجة لازم تكون حاجة طالعة من جوانا
واضح ان فى حاجة بتخلينا اكرر كلمة حاجة
مع السلامة يا حاجة
قصدى يا بنوتة جميلة من الزمن ده
يارب يسعدك و يسعده و يقرأ كما كمان و كمان
كلامك و السلام دايما بيكون له طعم مختلف
بيبقى كلام من جوة القلب
تحياتي
:f:بالنسبه لموضوع الدايت ده انا كمان بيحصلي كده ديما أكنئب او افضل نايمه
وبالنسبه للحاجات التانيه الكتير الحلوة دي في ربنا يسعدكو ويخليكو لبعض
ومتخفيش عرفين أن اى حاجه هتكتبيها ملهوش علاقه بشفيق ^_^ خالث والجنان ده بقى حاجه مفروغ منها كلنا مجانين انا وانتى ورنا ومها وايه وكل اللى بيكتبو زينا كده بيجلهم نوبات من السع والجنان ^_^ :h:
انا الموبايل في ايدي على طول واكتر وقت فيه الهام بيكون قبل النوم :D
كتير بيبقى في كلام اكتر واكبر من انه يتكتب رغم ان كتابته ممكن تفرح كتيير;)
بالنسبة لفترات التتنيح احب اطمنك انك مش لوحدك وبعدين اصلا ده شيء صحي جدا :D
بحب نوع البوستات دي جدا على فكرة بحس المصداقية بتبقى باينة بين حروفها :)
NoNa AnGeL
ايوه الموبيل بطئ مش زى الورقه والقلم او الكمبيوتر
وكمان لما بيعمل حركاته الدنيئه دى والاقيه مسح كل النوتس
ممكن انتحر فيها انا دى :'(
:D :D
MEROOooOOoo
انتى اروع يا ميرووو
ايوه يعنى هما المجانين ليهم حق يتجننوا وانا لا والا ايه مثلا ^_^
كريمة سندي
هو من حكمه ربنا علينا انه مبدل من لحال لحال فى لحظات
والا الواحد كان هيفضل مكتئب طول عمره :)
ابراهيم رزق
انا بقى حبيت الحاجات الكتييير اللى فى التعليق ده بجد
ربنا يخليك يارب
وبكون سعيده دايماً بوجودك اللى بيرسم ابتسامه على وشى :)
مصطفى سيف الدين
ميرسى ليك اوووى يا مصطفى
اسعدنى وجودك :)
mena moon
ايه ده بجد؟ يعنى موضوع الدايت ده عادى مش انا لوحدى؟؟
ربنا يخليكى يا حبيبتى ويسعدك يارب دايماً
ايوه انا متبريه من شفيق ومرسى فى آن وااااحد
على فكره بقى حاله اللسعان دى بتخلينا نكتب احلى كلام والله هههههههههه
Nour
ايوه صح يا نور
الالهام مش بينزل الا قبل النوم مباشرررره
ماهى من كتر ما بتفرح الواحد بيتلغبط بقى ومش بيبقى عارف يكتب ايه بالظبط
ايوه انا اطمنت خلاص اول ما عرفتك لاقيتنا كلنا فى الهوا سوا :D :D
انا بحب وجودك اكتر بقى على فكره ^_^
:)
مابين الشك واليقين بنطلع بنتيجة ههههههههههههههه
جميله يا دينا كتير انا بحب البوست ده اوى اوى
صباح الغاردينيا يادينا
اكتبي دايما اللي حاسة
كفاية انك تشوفي ابتسامته :)"
;;
;
لروحك عبق الغاردينيا
كانت هنا
Reemaas
قليل من الجون لا يضر وكل الابداعات والاختراعات والاحلام بدات بفكرة مجنونة وتحققت فاذا كان الجنون ياتي بهذا الابداع فمرحبا بهذا الجنون اللذيذ
احسنتي
اوقات بتجيلى افكار كتييييير ببقى عايزه اكتب عنها
ومن كترها
بتضيع منى كلها وقت ما فعلا بقرر أكتب
انا لازم الزق ورقه وقلم فى ايدى
الموبيل مابقاش بيجازى خالص
بتحصلي كتير أوي أوي أوي ههههه
حسيت كلماتك أوي
إيمي
قليل من الجنون مع كثير من العقل
بيحصل اتزان
والدنيا بتمشي
وعايزة اقولك انك داااااايما كلامك بيعجبني العاقل والمجنون:)
reemaas
ايوه انى مجنونه ههههههههههههههههه
وانا بحب وجودك هنا اوووووى
نورتينى يا جميله :)
ريـــمـــاس
صباح النور يا ريماس :))
فعلا كفايه الابتسامه اللى بشوفها:))
نورتينى يا حبيبتى :)
سندباد
هو الجنان اللى بيخلينا نكتب حلو اصلا :))
شكرا لوجودك وتعليقك اللى اسعدنى
إيمي
ايوه الموبيل ده بقى وحش خالص يعنى
نورتينى يا جميله ومبسوطه انك البوست وصلك كده :)
شمس النهار
مبسوطه اوووووووى والله انك كلامى بيعجبك
ده شئ بجد بيسعدنى
ادينى بحاول ابقى شويه عاقله وشويه مجنونه يمكن الموضوع يمشى شويه :)))))
كلاكيت ولقطات حياتية جميلة
كل منها تحمل حالة
حالة تشغل جزءاً عريضاً من افكارنا
همسات صريحة واضحة ... رقيقة
كل الود
احيانا بيحب يسمع كلام منك صعب انك تقوليه معاه
بس ممكن تقوليه هنا
كلنا فينا الجنون بس الفيصل مين اللي يتغلب اكتر القل ولا الجنون واللي حواليكي بياثر في ده
اما حكاية الاكل اكيد انت مش انت وانت جوعان
تحياتي
مساؤك هنا وسعاده
راق لى هذا المساء تواجدى بين احرفك الرقيقه
احسنتى غاليتى
ويسعدنى التواصل الدائم ان شاء الله
مودتى
ههههههههههه
كلنا بتجيلنا فترات التتنيح دي :)
ربنا يخليكوا لبعض :)
جميله إنتي يا دينا دائماً
:)
هههههههه البوست يجنن ولا انا اللى مجنونه فشايفه كده
يلهوى
ضحكنى موضوع الدايت دة فاكرة لكا كنا في باسكوتشي وبقولك انتى ونينو انا بتخن وارفع وانتوا الاتنين رديتوا نفس الرد لحد دلوقتى بفتكره واضحك
عجبتنى حته فشيق برضوا
وحاسيت بيكى اوى في موضوع تلزقي ورقه وقلم لو في اختراع للوسط في الموضوع دة ويكون خفيف ياريت يعملوه بقي ههههههه انا كمان العواصف بتيجى تقضي علي كل شئ انا افكارى كلها قايله للسقوط هههههههه
زينة زيدان
فعلا هى حالات من الحياه
اسعدنى وجودك نورتينى :))
eng_semsem
هى حكايه ان الكلام يتقال مباشر وجها لوجه دى مش سهله خالص
مزيج الجنان والعقل ده من افضل الحالات حقيقى
نورتينى بوجودك :))
بسمة الورد
مسائك ورد :)
اسعدنى وجودك واتمنى يتكرر مره تانيه
نورتينى :)
شيرين سامي
ايوه ما انا اتاكدت من كده لما الاقيت كل حد فيكم بياخد فترته من التتنيح :))
ربنا يخليكى يا شيرين
انتى اجمل بكتيييير على فكره ^_^
ساعات كتير ببقى عايزة أكتب بالطريقة دى ومش بعرف..بس انت كلامك بسيط جدًا ومعبر جدًا عن الأوقات المختلفة اللى الواحد بيمر بيها
ربنا يسعد قلبك بقى
rona ali
بلاش نتكلم فى حكايه مجنونه دى عشان فيها كلام كتير هههههههههههه
انا مش فاكره بقى ردينا قولنا ايييييه فكرينى :((
احنا المفروض نخترعه من نفسنا بقى
احنا فى امس الحاجه ليه بجد يعنى
والا كلنا هيجلنا قرار بالازاله لافكارنا لا قدر الله والا حاجه ههههههههه
انتي عارفه ساعات كتير بلاقي نفسي
في حاجات من كلام والسلام بتاعتك
وبحسدك بس مش حسد وحش
انك قادره تترجمي كتير جوه
ربنا يزيدك يادودو قدره علي التعبير :))
habiba
ربنا يخليكى يا جميله
ويسعدك يارب دايمااااا
سعيده جدا بوجودك نورتينى :))
maioya
ربنا يخليكى يا حبيبه قلبى
لا انتى تحسدى براحتك يا ميويا انتى حبيبتى ^_^
حاجات كتير من اللي بتحسي بيها بحسها برده خصوصا الافكار اللي بتضيع وقت الكتابة هي دايما كدة احلى الافكار بتيجي في الوقت اللي مش عايزة تكتبي فيه وتختفي لما تفكري انك تكتبيها حتى لو مسجلة الفكرة مش بتبقى بجمال لحظة ورودها
عجبتني افكارك وسعدت لمروري هنا تحياتي :))
أميرة
هى كده الافكار دايماً بتعندنا واحنا بردو وراها وراها لا مفر
نورتينى يا جميله
وانا اسعد بوجودك هنا :))
Post a Comment