فى حمله التدوين السنه اللى فاتت
مش كنت متخيله ابداً انها هتفرق معايا اوى كده
كنت دخلاها تحدى لنفسى مش اكتر
بس فى اخر الشهر
لاقيت حاجه تانيه خالص
انا كتبت كتير
وبقى فى ناس بتقرأ لى وبتعلق على كلامى سواء بالسلب او بالايجاب
وده كان يوم عن يوم بيزيدنى طاقه انى اكتب اكتر
واتعرفت وقرأت لناس اكتر
وده زادنى خبره عن الاول سواء فى الكتابه او فى النقاش او حتى فى الافكار
او فى رؤيتى لحاجات كتير حواليا
ولذلك
احب ابلغكم عن حمله التدوين السنادى كمان
وهى من 20 / 6 لــ 20 / 7
ونظراً لظروف الامتحانات وناس كتير طلبت انها تتأجل
عشان كده بدأت من يوم 20 فى الشهر مش من يوم 1 زى السنه اللى فاتت
ياريت بجد كلنا نشترك فيها زى السنه اللى فاتت
كانت عامله حاله نشاط غير عاديه
اتمنى تكون موجوده ليا وليكم كمان الشهر ده
بدايه الدعوه للحمله دى كانت من شيرين سامى صاحبه مدونه حدوته مصريه
الايفينت من هــنـــا
.jfif)
10 comments
صباح الغاردينيا دينا
وبجد حملة التدوين رائعة وعرفتني على ناس كتير بأقلام مبدعة بتمنى بجد أتشجع وأبقى نشيطة معاكم :)
ربنا يوفقكم جميعاً "
؛؛
؛
لروحك عبق الغاردينيا
كانت هنا
reemaas
معاكوا ربنا يقى ...انا هخلص امتحانات على 2/7 :D
صباح الورد يا ريماس :)
ياريت والله بجد
انا نفسى كمان ارجع اتشجع واكتب كتير
ناخد بقى الحمله دى فرصه
ربنا يوفقك انتى كمان يا حبيبتى :)
safa7_karmooz
هههههههههه
طب بص يا محمد احنا هنستنا اول ما تخلص امتحانات تيجى معانا
او ممكن وقت الامتحانات تخاطيف بردو :)
ربنا معاك ان شاء الله
ايوة موضوع التدوين كل يوم ده لطيف جدا
ومعاكي في كل اللي قلتيه
واهي فرصة نرجع الناس اللي مشيت
وان شاء الله هشترك
شكرا غاليتي على التنبيه ولكن العملية شاقة جدا وسأحاول أن أتواجد تحياتي الصادقة
شمس النهار
فعلا بيعملنا حاله من النشاط
لو مش للكتابه بس على الاقل للمتابعه
ياريت والله تبقى فرصه كويسه
منتظره مشاركات حضرتك :))
كريمة سندي
الموضوع فعلا صعب فى ان الواحد يفكر كل يوم يكتب حاجه
ووارد مش نقدر ندون كل يوم بشكل مستمر
بس ادينا بنحاول
فى انتظار حضرتك :)
فكرة حلوة أوي ,,, أول مرة ليّا بس متحمسة للفكرة جداً
Angie
وانا متحمسه لمشاركتك
وان شاء الله اتابعك
نورتينى يا جميله :)
Post a Comment