حاسه ان جوايا صوتين بيحكوا مع بعض
وانا قاعده فى النص
يا اسمع ده يا اسمع ده
ماينفعش اقول رأى وسط ما بينهم
لانهم الاتنين مش هيتجمعوا مع بعض اصلا
*******
بتخنق اووى من القرارت اللى ذو حدين زى ما بيقولوا
يمين هيبقى فيها خساره
وشمال فيها خساره
هو ليه ماينفعش الواحد يطلع كسبان فى الحالات اللى زى دى؟!!؟
*******
بستغبى اوى الناس اللى بتقول دموع الرجل ضعف
انهى غبى اللى طلع النظريه دى
من وجهه نظرى بقى
ده هى دى عز قوه الرجل
الرجل فى الاول وفى الاخر انسان جواه مشاعر محتاج يخرجها
وعشان يخرجها بدموعه ده بيحتاج قوه كبيره منه
*******
ازاى فى ناس قادرين يدخلوا فى حياه غيرهم ويفسدوها بالطريقه دى !!!
*******
بتيجى اوقات على الواحد
من كتر الوجع اللى جواه
بيبقى عايز يقف فى مكان فااااضى مفيش فيه حد غيره
ويصرخ بأااااعلى ما عنده
بس اللى مابيعرفش يصرخ واللى مش عنده مكان فاضى
يعمل ايه فى نفسه؟؟
ينتحر؟؟
*******
اكيد ربنا بيبقى ليه حكمه فى كل حاجه بتحصل فى حياتنا
نفسى ياربى تقولى الحكمه من ده كانت ايه
*******
عمر ما فى حد يقدر يخلينى اعمل حاجه انا مش عايزه اعملها
يوم عن يوم بتأكد من ده ..انى دماغى جزمه
*******
تأثير بعض الاشخاص فى حياتك
مش بيكون بمدى قربهم جسدياً ليك
بس بمدى قرب روحهم وقلبهم لروحك
.jfif)
32 comments
كأننا نحيا في برزخ بين البينين
ودوما التوهان يحيط بنا من كل جانب
تحيتي لكِ
ازيك يادينا
هي دي الدنيا يادينا
ولازم نعيش كل لحظة فيها بحلوها ومرها
فلولا المرارة
مأدركنا
ان هناك شيئا حلوا
زينة زيدان
دى الحقيقه للاسف
اسعدنى وجودك وتعليقك :)
سواح في ملك اللــــــــــــــــــه-
انا تمام
ازيك انت يا خالد حمدالله على السلامه :)
المراره دى هى اللى بتخلينا قادرين نحس بقيمه الحلو
مبسوطه بوجودك :))
1 لكن فى الاخر صوت هيعلى و هو الصوت اللى هييجمع اصوات العقل و القلب و الضمير
2 احيانا الحلول الوسطتنفع لكنها ليست مقياس
3 الدموع شعور انسانى و انا لا اخجل من دموعى
4 بس متقوليش ناس
5 يضحك
6 لا يعلم الغيب الا الله
7 ههههههه
8 الارواح جنود مجندة
تحياتى
يا هلا يا هلا :)
اعلق علي ايه ولا ايه
علي فكرة هما مش بيبقوا صوتين يس بيبقوا 100 صوت وكلهم عكس بعض يعنى من الاخر دوشه
صحيح مين قال ان دموع الراجل ضعف :)
اطلعى علي المقطم وولايهمك بس لو اتقفشتى اوعى تقولى ان انا اللى نصحتك :))
العند وعارفينه ذنب الجزمه ايه في الموضوع بقي :)))
بالنسبه لقرارات اللى زى الحدين بتبقي صعبه بس احنا دايما مش بنلاحظ ان في خيار منهم معروف مستقبله بيبقي عامل ازاى :)
بالنسبه للناس احيانا علي فكرة احنا بنعتقد كده ودة بيكون صح واحيانا بيكون تدخلهم ورانا اشياء كتير مكناش شيفنها :))
ولناس اللى مش بقربهم اتفق معاكى جدا :))
عن دموع الرجال يقول صلاح جاهين
دموع رجال، لكن دموع
لا فيها ذل ولا خضوع
لكنها.. في المنتهى.. كانت دموع
بكيت نعم
كما يبكي عشاق الفنون قصاد قصيدة أو نغم
بكيت نعم
لكن كما تبكي السما من قلبها المليان همم
كبسولاتك الفكرية بها عمق ومنطق
تحياتي
اه من الصوتين دول
تحسي ان حد بيشدك من دراعك اليمين والتاني من دراعك الشمال
عجبتني اخر فقرة جداااااااااااااا
زي ما قلتلك قبل كده بحب جدا كلامك و السلام
بيبقى مركز جدا و فيه حكم و احساس رهيب
ان اريد وانت تريد والله يفعل ما يريد
وصدق الرسول الكريم عندما اخبرنا بان المسلم كل امره خير ان شرا صبر وان خيرا شكر اللهم اجعلنا من الصابرين الشاكرين
تحياتي
دينا كالعاده بتلمسيني بكلامك
العبره مش بالأجساد المتقاربه أبداً
بالأرواح المتقاربه..بس
ربنا معاكِ و تاخدي دائماً القرار الصح
بعيداً عن الناس
و عن الإتنين اللي جواكِ
الأغنيه
ممممممممممم
تُحفه :)
مساء الغاردينيا دينا
كتير اووي باتعارض الاصوات جوانا بس طبيعي حينتصر واحد فيهم بالنسبة لنشوفية الدماغ انا كمان بعاني منها هههههه اما الارواح دي احلى احساس ممكن تقابليه من اشخاص بعيدة عنك جسدياً"
؛؛
؛
لروحك عبق الغاردينيا
كانت هنا
Reemaas
بستغبى اوى الناس اللى بتقول دموع الرجل ضعف
انهى غبى اللى طلع النظريه دى
من وجهه نظرى بقى
ده هى دى عز قوه الرجل
الرجل فى الاول وفى الاخر انسان جواه مشاعر محتاج يخرجها
وعشان يخرجها بدموعه ده بيحتاج قوه كبيره منه
عندك حق في الحتة دي يعني هو مش انسان
كميلة زي عدتك يادودو
وهانفضل دايما في صراح القرارات المصيرية التي تجعلنا دائما في حيرة وتوجس وتردد
بكاء الرجل كبكاء السماء اذا انهمرت بلا توقف
تحياتي لقلمك الرائع
والله عندك حق الدنيا بتلف بينا ونسمع أصوات من بره ومن جوا كلها بتكون معوقات في أغلب الأحيان
جميل ما قرأته هنا من فضفضة تحياتي
عاجبنى كلامك اوى
كله حكم
ابراهيم رزق
1- الغريبه ان الواحد مش بسهوله يوصل اصلا للقرار اللى بيجمع التلاته دول مع بعض
لانهم قليلا لما يجتمعوا
2- الحلو الوسط هى اغلب الحلول تطبيقاً
3- انا بحترم جداااا الراجل الذى لا يخجل من دموعه حقيقى
4 - ههههههههههه حاضر مش هاقول
5- على رأيك والله يعنى هناخد منها ايه :))
6- ونعم بالله
7- ايه بقى هو حضرتك بتضحك على الجزمه اللى قاعده فوق دى ليه :))))
8- فعلا والله جنود مجنده لسلامه القلوب :)
مبسوطه جدا بتعليق حضرتك واهتمامك بكل فقره فيه
نورتنى بوجودك :))
rona ali
دوشه كبيره اووى واحنا فى النص
تخيلى الحاله بقى
فى ناس اغبياء بتشوف الدموع دى ضعف
او مش طبيعى ان الرجل يبكى عموما
فكرك كده؟ وبعدين انا اصلا اتكسف اصرخ فى المقطم كده الناس يقولوا اتجننت دى والا ايه
ده الجزمه دى هى السبب اساسا
معاكى حق
احيانا بيكون واحد منهم واضح ايه نهايته
مش فى كل الاوقات يا رنا
الاكتر ان بيكون فساد حياتنا ده هنفضل طول عمرنا نفتكر انهم السبب
ولو مش كانوا دخلوا حياتهم كانت هتبقى مختلفه ويمكن احسن
يعنى هنفضل معلقين عليهم فساد حياتنا بالشكل ده
مبسوطه بوجودك يا حبيبتى
نورتينى :)
Deyaa Ezzat
ونعم الكلمات بصراحه
انا حقيقى بحترم جدا الرجل اللى بيحتفظ بدموعه لوقت التعبير عن مشاعره بطريقه افضل
سعيده ان التدوينه عجبتك
ونورتنى بوجودك :))
شمس النهار
ايوووه هو ده الوصف المظبوط بجد
وانا عجبنى وجود حضرتك اكتر بكتير :))
نورتينى
مصطفى سيف الدين
بكون مبسوطه بجد اوى لما البوست بيعجبك يا مصطفى
بحس انه خلف توقعاتى الحمدالله :))
منورنى دايما بوجودك
eng_semsem
اللهم آمين ياااارب
نورتنى بوجودك وتعليقك الجميل ده :)
شيرين سامي
ده شئ بيسعدنى اووووى ان كلامى بيوصلك كده :))
المهم تلاقى الارواح ده
يااارب انا وانتى يا حبيبتى
الاغنيه مممم
انتى وجودك دايماَ بيخلى نكهتها احلى ^_^
نورتينى يا حبيبتى
ريـــمـــاس
اصعب القرارت فى حياتنا هى اللى بتكون مختلفه وذو حدين دايماً
ايوه الدماغ الناشفه دى بتودى فى داهيه والله
احنا بنقدر نعيش بقرب الارواح دى مننا اصلا
نورتينى يا ريمو يا جميله :))
zeze
انتى كميله اكتر بقى يا زيزى
نورتينى يا حبيبتى :))
سندباد
وماينفعش الحياه تمشى الا بالقراره الحاسمه والصرعات اللى بنمر بيها
اسعدنى وجودك
ونورتنى :))
كريمة سندي
الغريبه ان المعوقات دى فى احيان كتير هى اللى بتوصلنا للافضل
سعيده جدا ان البوست عجبك
نورتينى بوجودك وتعليقك :))
عمرو يسرى
شكرا ليك اوى
نورتنى بوجودك :)
بتيجى اوقات على الواحد
من كتر الوجع اللى جواه
بيبقى عايز يقف فى مكان فااااضى مفيش فيه حد غيره
ويصرخ بأااااعلى ما عنده
بس اللى مابيعرفش يصرخ واللى مش عنده مكان فاضى
يعمل ايه فى نفسه؟؟
ينتحر؟؟
*******
تأثير بعض الاشخاص فى حياتك
مش بيكون بمدى قربهم جسدياً ليك
بس بمدى قرب روحهم وقلبهم لروحك
حاساهم اووووووووووووي اوي اوي بجد
البوست كله رائع وواقعيته هي اللي موصلاه لينا كده
Nour
يارب تحسى دايماً كل حاجه حلوه بلاش الحاجات الوحشه دى
بس مبسوطه ان كلامى كان قريب من قلبك كده :))
نورتينى يا جميله
بستغبى اوى الناس اللى بتقول دموع الرجل ضعف
فعلا غبي اللى بيقول كده انا كمان رأيي من رأيــك .. راجل او بنت .. كلنا عندنا قلب ومشاعر .. ده انا بحس ان اللى مش بيعتبر دموعه ضعف ده بني ءادم حساس وعنده قلب واحساس :m:
.....
بتيجى اوقات على الواحد
من كتر الوجع اللى جواه
بيبقى عايز يقف فى مكان فااااضى مفيش فيه حد غيره
ويصرخ بأااااعلى ما عنده
بس اللى مابيعرفش يصرخ واللى مش عنده مكان فاضى
يعمل ايه فى نفسه؟؟
ينتحر؟؟
يبقا انا كده هنتحر :a:
..
فكرتيني بتوبيــك ليك رسالة ملغومة :D :h:
Hanan w Haneen
انا بردو بحس ان اللى عمره ما بيعيط ده مابيعرفش يحس صح :D
بعد الشر عنك من الانتحار يا نونا :*
ههههههههههههههههههههه
طب والله كان جامد رساله ملغومه ده
اييييه دونيا ليت الرسايل تعود يوماً :D :D
Post a Comment