من فتره كنت قريت كتاب مصر ليست امى
اتكلم فيه عن فيلم اسمه 21 جرام
وبيقول فيه أن الانسان بيفقد 21 جرام من وزنه اول ما بيموت
ودى حقيقه علميه
وبيسأل ياترى دول وزن الحب فى حياتنا اللى بنفقده بالموت؟
الفكره بالرغم انها تثير التأمل
الا انها كمان مؤلمه
لما سمعت الجُمله دى كانت اول حاجه جت فى دماغى
معقول يكون الحب واخد من وزننا قليل اوى كده؟
معقول يكون كل كيانا الداخلى واحاسيسنا ومشاعرنا
وقلبنا اللى بيعيش ويموت جواه ناس كتير اووى طول مراحل عمرنا
و وجعنا اللى بنمر بيه فى مواقف كتير اوى
وفرحنا اللى بيعيشنا اجمل لحظات حياتنا
كل ده 21 جرام وبس !!
والا يمكن يكون اللى واخد الوزن ده ..رُوحَنا ؟؟
وبالرغم من ان الشخص اللى بيموت ده
بتموت معاه كل ذكرياته وكل مشاعره واحاسيسه دى معاه
الا انها بتفضل عايشه جوه ناس كتير اووى بيفضلوا فاكرينه
طيب هو لو الـ 21 جرام دول بعد ما نموت راحوا لحد من اللى بنحبهم
ممكن يبقى مين؟
بسم الله الرحمن الرحيم
{وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي
وَمَا أُوتِيتُم مِّن الْعِلْمِ إِلاَّ قَلِيلاً}
وَمَا أُوتِيتُم مِّن الْعِلْمِ إِلاَّ قَلِيلاً}
صدق الله العظيم
.jfif)
24 comments
اعتقد ان الواحد و عشرين جرام هو وزن الضحكة و الدمعة اللي جوانا بعد الموت مش بنقدر نعبر عن انفعالاتنا و ا بنقدر نضحك و لا نصرخ بنفضل في حالة كبت جوانا و ده الاحساس القاتل
شكرا يا دينا
تحياتي ليكي
صباح الغاردينيا دينا
21 جرام من المشاعر والإحساسيس الي خلدت بعدنا ذكرى حلوة في حياة ناس عايشه بذكرانا كم سيكون جميلاً لو فقدنا بعضها ليحصل عليه أحبتنا وكم سيكون أجمل لو ترك كل إنسان خلف قلب أبيض وروح نقيه تبقى وإن غادرنا هي الوزن الغالي الذي يرافق أحبتنا "
؛؛
؛
أطال الله في عمرك ومنحكِ أعوام صحة وحب وسعادة
لروحك عبق الغاردينيا
كانت هنا
reemaas
مصطفى سيف الدين
اللى بيوجع اكتر ان يكون كل الاحاسيس الجميله دى حتى وقت الحزن بيكون ليه مشاعر خاصه
بس كل ده 21 جرام بس؟
الواحد دايماً بيفتكر ان مشاعره دى كلها تكفى الكون بحاله !
شكرا لوجودك المتميز دايماَ يا مصطفى :))
ريـــمـــاس
مش بيفضل من الانسان لما بيموت غيرى ذكريات جميله جوه قلب كل اللى بيحبوه
يااارب يا حبيبتى انا وانتى ♥
المشاعر لاوزن مادي لها
اي انها كالكهرباء
تؤثر في الجسم دون ان يكون لها وزنا
اعتقد والله اعلم هو وزن استيعاب الرئتين للهواء
اي ان استنشاق النفس ودخول الهواء الجسم يزن 21 جرام
طيب ليه كده بقي
ايليا ابو ماضى بيقول
ان نفسا لم يشرق الحب فيها
هى نفس لم تدر معناها
انا بالحب قد وصلت الى الى نفسى
و بالحب قد عرفت
اعتقد ان الاجابة فى هذا البيت
تحياتى
فلسفة جميلة .. واعتقد أن الواحد والعشرين جرام هما وزن الروح لأنه يسأل العبد في قبره عن ثلاث ويصحى مرة تانية واللعلم عند الله
الفكرة نفسها غريبة ولم أسـمع عنها من قبل
لكن لا أعتقد أن لذلك علاقة بالمشــاعر والعواطف
وأعتقد كمان اننا مش هنفقد الحب ده بعد الموت..
الله أعلم بقى
موضوع غريب وجديد دمت بخير حال
معلومة جديدة بالنسبة ليا وتساؤل جميل اعتقد ان الواحد والعشرين جرام دول هماالهموم والقلق اللي بنفضل عايشين بيهم طول عمرنا
تحياتي لمدونتك الراقية
سواح في ملك اللــــــــــــــــــه-
اممم نظريه بردو دى يا خالد
ممكن والله ليه لا يعنى
بس حتى الهوا اللى بيحينا 21 جرام بس!
انا مستغربه الحجم القليل ده لاى حاجه احنا بنتكون منها
سبحان الله يعنى
بتنورنى بوجودك دايماً :))
rona ali
اسفه يا حبيبتى بجد مش كنت اعرف ان الموضوع هيضايقك كده :(((
ابراهيم رزق
البيت ده اجابه عن حياتنا كلها اصلا
منورنى بوجودك وتعليقك المتميز دايماً :))
كريمة سندي
الله اعلم
مهما حاولنا نتعلم هيفضل فيه غيبيات لا يعلمها الا الله
نورتينى بتعليقك اللى اثرى الموضوع :)
habiba
بيتهيألى احنا بنفقد روحنا ومعاها الحب
الحب اللى بيكون فاضل هو اللى موجود فى قلب الناس اللى فاكرنا بس
ميرسى ليكى يا جميله
نورتينى بوجودك :))
سندباد
فعلا هما احاسيسنا كلها اللى بتختفى مع موتنا وبتموت
ميرسى ليك على رأيك ووجودك اللى اسعدنى :)
عجبني اوي التقاطك للفكرة
دي في حد ذاتها موهبة مش عادية
كمان كتبتيها بطريقة موجزة مباشرة مناسبة ليها
بحييكي جدااااا
وجعتيني
:(
متهيألي الحاجة الوحيدة اللي الواحد بيسيبها لما يموت هي الحب بس مش بمعني انه يفقدها علي هيئة جرامات لا انا شيفاها بيسبها بس للي حواليه ودي الحاجة الوحيدة اللي بتفرق ناس بتموت عن ناس
البوست مؤلم
Deyaa Ezzat
شكرا ليك اوى على كلامك
ومبسوطه ان التدوينه عجبتك
نورتنى بوجودك :))
نهر الحب
اسفه بجد ان البوست زعلك كده :(
انا معاكى جدا فى الرأى ده
فعلا اللى الواحد بيسيبه بعد ما يموت هو حب الناس ليه
بيسيبه جوه قلبهم
نورتينى يا جميله بتعليقك
المشاعر والاحساس
تعيش ولاتموت برحيل الانسان
اين تكون اكيد داخل قلوب طيبة
كانت قريبة وتهم الانسان ويهتم لها
تسلم ايدك
مع خالص تحياتى
Tamer Nabil Moussa
فعلا هو ده الحب اللى بيفضل
والذكرى الحلوه اللى بنسيبها لما نرحل
تسلم على تعليقك ووجودك
نورتنى :))
طب هما فعلا كده ولا ايه ؟؟ يعنى الحقيقة العلمية والدراسات دى اكدت ان ده بيبقا وزن الحب !! :g:
Hanan w Haneen
لا هما اثبتوا ان الانسان بيفقد الوزن ده فعلا
بمتابعه بعض المرضى على فراش الموت ووزنهم قبل وبعد موتهم مباشره
والكلام ده كان من زمان اوووى يمكن فى السبعينات تقريبا
بس ماقدروش يعرفوا الوزن المفقود ده كان من ايه بالظبط
والفيلم بيطرح التساؤل ده بقى
Post a Comment