فى دماغى النهارده اتكلم عن فكره معينه شوفتها فى فيلم المؤلف
"Final Cut "
الفيلم ده بيحكى عن برنامج ظهر فى عصر التطور التكنولوجى
اللى تعدى المرحله اللى وصلنا ليها دلوقتى
اللى تعدى المرحله اللى وصلنا ليها دلوقتى
البرنامج ده عباره عن شريحه بتتركب فى المخ
وبتصور حياتك لحظه بلحظه لانها بتشتغل من خلال عينك
اللى انت بتشوفه بيتسجل فى البرنامج ده على شريحه
زى ميمورى الموبيل كده
زى ميمورى الموبيل كده
ولما بتموت فى شخص اسمه المؤلف
بياخد الشريحه دى
وبيختار افضل لقطات حياتك واقربها لقلبك حسب اهلك واصحابك
ويعمل من اللقطات دى فيلم يتعرض فى جنازه صاحب الشريحه دى
كذكرى ليه يعنى
الفيلم لفت نظرى فكرته اوى
هو ممكن التطور التكنولوجى يوصل بينا لكده؟
ممكن اصلا حد يفكر يخترع حاجه زى دى ؟!؟
طب حتى لو حد اخترعها
فى حد اصلا ممكن يشتريها
ويخلى حياته عرضه كده ان حد يشوف جميع تفاصيلها
كل واحد فينا عنده اسرار
اوقات فى حياته مواقف مش يحب ابداً ان حد يشوفها
واوقات اصلا بيبقى فى مواقف لما بتمر بينا بندعى انها مش تكرر تانى
ولا حتى فى ذكرياتنا
انما دى هتبقى فيلم بيتعاد يعنى كل موقف وجعنا هيفضل وجعه ده يأثر فينا
كل مواقف فرحنا هنعيش الفرح ده كل مره بنشوف فيها الفيلم ده
معقول فى حد هيتنازل عن خصوصيته اوى كده
وتبقى حياته شريط فيلم طوووويل اى انسان غريب عنه يقدر يشوفه كده
ازاى حياتنا تبقى مشاع للناس كده
واحنا اللى اوقات بندارى منها عشان مانعشهاش !
.jfif)
32 comments
ممكن جدا يبقى فيه اختراع زى ده وممكن ناس تشتريه عادى. الناس دلوقتى حياتهم ملهاش نفس الخصوصية زى الاول بدليل الناس اللى بتشترك فى برامج تليفزيون الواقع ومش بتشوف اى مانع فى ان الناس تراقب حياتهم لحظة بلحظة.وبعدين صاحب الذكريات مش هيتوجع ولا هيتكسف لانه هيبقى مات واهله ممكن يحذفوا كل اللقطات اللى مش عايزينها ويخلوا اللحظات السعيدة بس. بس الاختراع ده مفيد انه هيعرف كل المصايب اللى عملها الشخص ده ويمكن الاختراع ده يبقى من اهم اجهزة التحقيق فى المستقبل
كده بقى مش محتاجين تعليق ولا نفخ ولا تعذيب ولا محتاجين المتهم ينطق أصلا
احنا هنشوف كل حاجة صوت ووصورة
جميلة اوى الفكرة
رضوى
Roody
بالعكس ان فى حياتنا دلوقتى فيه جزء من الخصوصيه غير الجزء اللى كان مخفى قبل كده
يعنى مازالت فيه خصوصيه لكن فى اجزاء تانيه من حياتنا مش بنحب نقولها
هيبقى من اهم اجهزه التحقق ده حقيقى
بس هيستفادوا ايه بعد ما المتهم مات بقى
ميرسى ليكى يا جميله ونورتينى بوجودك و تعليقك :)
صباح المكان وما حوى
" دينـا "
:
سبحان الله الخالق ، وما أتاكم من العلم إلا قليل !
ولكن هناك أشيـاء هامة ..
لزاماً علينا جميعاً الإعتقـاد بها
ان الله تعالى جعل الإعجـاز العلمي دائماً ..
أمام صفوة هؤلاء العلمـاء !
فلا هتك لمن ستره الله ، ولو برضـاهـ !
فكيف يكون الحساب والعقاب إذاً ؟
كيف يُراقب الإنسان كظله !!
لقد وضحتي ان الفيلم خيال علمي ،
سيظلون في هذا الخيال العلمي أمد الدهر
فلا كاشف للضر أو البأس إلا الله
ولا مطلع ولا مصور إلا الله
تحيتي أختي الكريمة .
..
..
..
أحمــ سعيـد ــد
ahmed said
فعلا ماينفعش اقول حاجه بعد كلامك
هو لا يتعدى الخيال العلمى اكيد
لان حتى احنا كشخصيات ماعندناش استعداد نستوعب فكره زى دى
وسبحان الله علام الغيوب
نورتنى بوجودك وتعليقك اللى أثرى الموضوع اكتر
فكرت الفيلم تبقى خيال علمي لاسباب كتير اولها ان مفيش حد يقدر يلعب في دماغ الانسان ويحط فيها شريحه وحتى لو حصل تبقى النفس البشريه زي ماقلتي لها خصوصيتها اللى متحبش حد يشوفها
لا حدود للخيال
شكله فيلم حلو هادور عليه و اتفرج عليه
شكرا ليكي تحياتي
ارسلت تعليق ارجو ان يكون وصل
صباح الخير على الطعمين بحق وحقيقى
دائما ما ارتاح الى المواضيع التى تتناولينها برشاقة وخفة
ياريت الفكرة دى تتنفذ على ارض الواقع ويخضع لها كل شخص ولو من وراء ستار سواء رضى ام لم يرض حتى يعمل كل شخص الف حساب قبل ما يقدم على اى تصرف
وكما جاء فى كتاب المولى افتح كتابك
صباح الفل دينا
قال تعالي
حَتَّى إِذَا أَخَذَتِ الأَرْضُ زُخْرُفَهَا وَازَّيَّنَتْ وَظَنَّ أَهْلُهَا أَنَّهُمْ قَادِرُونَ عَلَيْهَا أَتَاهَا أَمْرُنَا لَيْلًا أَوْ نَهَارًا فَجَعَلْنَاهَا حَصِيدًا كَأَنْ لَمْ تَغْنَ بِالأَمْسِ كَذَلِكَ نُفَصِّلُ الآيَاتِ لِقَوْمٍ يَتَفَكَّرُونَ
صدق الله العظيم
وألاية الكريمة دي معناها
ان الآنسان هيعمل كل مالانتخيله علي الارض
لدرجة انه هيظن انه قادر علي فعل اي شئ في الآرض
الفكره مجنونه وخياليه
بس ممكن أوي تبقى واقع
مفيش حاجه مستحيله
بس فكرة ان حياتك كلها تبقا متسجله دي حاجه مرعبه
في حاجات في حياتنا أصلا مع الوقت بنخبيها حتى عن نفسنا
يبقى ازاي حد غيرنا يعرفها
مش متخيله بجد :O
خيالهم ملوش حدود وممكن فعلا تتحقق
بس انتى قلتى مين يرضى
الا اذا عملوها لشخص من غير ما يعرف
اللى يهمهم حياتنا هيفتكورنا من غير شرايط وافلام
وخليهم يدعولنا فى الجنازة بدل ما يتفرجو علينا :))
مش يمكن ما صدقوا خلصوا ههههههه
دمت بخير
والله أنا شوفت الفيلم وعجيبتني فكرته مرة جميل جدا أن نحتفظ بذكرياتنا بعد موتنا
تحياتي الصادقة
والله هو جايز .. ممكن يخترعوها عادي
ومدام هيعرضو اللقطات احلوة بس في حياة المتوفي فمش مشكلة .. مش أسرار يعني .. طالما دي كانت رغبته .. عايز اللي يفتكره يفتكره بالحاجات دي
اقصد إن ف الاول وف الاخر .. لازم يكون هو موافق يعرض إيه وإيه لاء
الفكرة تحفة جدا وعبقرية
وتعليقك عليها وطرح تساؤلاتك في محلها
بالتوفيق دايما
انا حسيبني من امكانية ان ده يحصل ولا لا و ان ده خيال ممكن يتحول لحقيقة
انا حقولك بس موقفي انا لو في اختراع بالشكل ده
انا حرفضه
لاني مش بستحمل الذكريات اللي في دماغي اصلا استحمل ازاي اسجلها و يبقى ممكن تتعاد في اي وقت كده عادي؟
علم الانسان ما لا يعلم وما اوتيتم من العلم الا قليلا
فكرة مجنونة زي ما بقت كل حاجة حولينا مجنونة سبحان الله
عملت كومنت وشكله مااتنشرش نعيد تاني
الفكرة غريبة
واللي يعيش ياما يشوف
shreif elsaftty
الاهم بقى فى حكايه الخصوصيه دى !
نورتينى بوجودك ورأيك :)
مصطفى سيف الدين
هو فيلم حلو واخره جامد كمان
لو شوفته قولى رأيك
منورنى دايماً بوجودك :)
faroukfahmy58
اجمل صباح بلون الورد :)
مبسوطه جداااا برجوع حضرتك والله
انا حاسه انها فكره صعبه بجد
احنا اصلا مش هنقدر نواجه نفسنا بالشكل ده
الخوف من جوانا احنا قبل ما يكون خوف من مواجهه اى حد
سعيده اوى بزياره حضرتك
ورجوعك اللى نور عالم التدوين كله :))
سواح في ملك اللــــــــــــــــــه-
صباح النور يا خالد :)
صدق الله العظيم
ماعتقدش ان فى يتقال بعد كلام ربنا وقرآنه الكريم
منورنى دايماً بوجودك الجميل :)
Śђąžล ฬąђ٤єĐ ♥
اهو انا كنت بفكر فيها بنفس طريقتك دى يا شذى
ازاى حياتنا اللى احنا اوقات بنحاول ننسى حاجات كتير منها والحمد الله ربنا رزقنا بنعمه النسيان
تخيلى بقى لو كل حياتنا دى متسجله على شريط
جروحنا عمرها ما كانت هتتداوى ابداً
نورتينى بقى ^_^
رؤى عليوة
ههههههههههههههههه
ماهى المشكله يا رؤى لحسن يلاقوا حاجه تلخيهم مايدعوش هههههه
نورتينى يا جميله :)
عجبتني أوي فكرة الفيلم يا دينا
ولما فكرت فيها .. لقيت ان فيها جزء من عدم
الإنصاف لصاحب الحياه اصلاً
لكنّها مُنصفه كفايه للي هيمتلك ذكرياته بعد كده
حاجه مُميزه ومثيره للإهتمام في نفس الوقت
حمستيني أوي اتفرج عالفيلم :)
..
وحشاني جداً يا دينا
يارب تبقي كويسه :)
كريمة سندي
ساعتها الكل هيشوف تفاصيل حياتنا بالظبط !
سعيده جدا بوجودك الدائم :))
Deyaa Ezzat
هى الفكره غريبه وعبقريه اكيد
بس عبقريتها دى ضد كيانا احنا كبنى ادمين ربنا خلقنا بنملك حاجه اسمها نسيان
نقدر بس نسجل اللحظات السعيده وننسى الحزينه
الفكره دى هتخلف تماما طبيعتها
نورتنى يا ضياء بوجودك وسعيده برأيك :)
Menna
والله معاكى حق يا منه
الواحد مستحمل اللى عنده بالعافيه اصلا
نورتينى يا جميله :)
سندباد
على رأيك يعنى هى هتيجى على دى
نورتنى بوجودك :)
شمس النهار
يارب ما تكون مشكله التعليقات رجعت تانى بقى :(
ده احنا يااااما هنشوف
منورانى :))
سَارةٌ
ايوه هى الفكره فى ان دى الحياه الخاصه والعامه للشخص اللى مات
ليه غيره حتى لو اقرب الناس ليه يشوفها بتفاصيلها كده !
مبسوطه بقى ان كلامى حمسك تشوفيه
انتى وحشتينى اكتر بكتير على فكره :))
السلام عليكم ..
الفكرة حقائقها موجودة بالفعل لكنها لا تعرض إلا يوم القيامة .. لكنها لا تعرض إلا على صاحبها ..
اللهم أجمل علينا سترك وفضلك ..
سعدت بوجودي هنا اليوم ومتابعتي ..
مع التحية المباركة ..
أبو أسامة
الفيلم ده فكرته هايلة وثرية جداً، انا ما شوفتوش لكن اكيد كدة اتشجعت اشوفه
انا عارفه الفيلم دة
بس لو تفتكرى في الفيلم الشخص اللى كان بيعمل الموضوع اللى هو بطل القصه كان رافض للموضوع وجاب اضراره فعلا :))
الفكرة لو اطببقت هتكون فكرة واحشه وكانك بتمسحى كل افكار البنى آدام ومشاعره علي حاجه الكترونيه ملاهاش علاقه بالشعور
يعنى كانك بتختارى لقطات معينه بس تعرضي علي اسرته والحاجات الاخرى لأ وكانك كمان بتعرضي افكاره الداخليه لاقتحام من قبل اشخاص هو مكنش عايز يعرفهم حاجه ودة برضوا شبه اللى حصل في الفيلم
اعتقد يا دندن هنعود لفكرة ان ربنا راحم البنى آدام بعدم وجود بنى آدمين بيقرأوا افكار ومخ الناس والا حصلت مشاكل كبرة فهذا من رحمه ربي :)
Post a Comment