عارف يعنى ايه يوم عن يوم احس انك بتحبنى اكتر
لما الاقيك مطحون فى شقتنا عشان تخلصها قبل فرحنا
لانك مش عايزنا ناجل ولا يوم
وعايزنا نكون مع بعض فى بيت واحد فى اقرب وقت
انا : تحب نأجل الفرح شويه عشان مش تحس انك مزنوق وتستريح شويه
انت : لا طبعا مش هنأجل ولا يوم
بالرغم من انى كنت بقولك كده بجد عشان شايفه انك تعبان فعلا
بس كان قلبى من جوايا بيتمنى يسمع منك الاجابه دى بالذات
عارف يعنى ايه تكون انت الخير اللى ربنا بعتهولى؟
يعنى فى يوم احلم اننا بنصلى مع بعض
فى مسجد السيده عائشه
ولما احكيلك تاخدنى فى نفس الاسبوع نصلى هناك
والاقى الحلم بيحصل بكل تفاصيله رغم انك ماتعرفهاش
مهما حاولت اوصف احساسى بيك وبالموقف ده
مش بعرف
انا: ربنا يهنيك يارب
انت: مهنينى بيكى اصلا الحمدالله
من اكتر الكلمات اللى بتقدر تخطقنى بيها
عشان انا مش بتمنى غير انك تكون متهنى فى حياتك معايا
عارف يعنى ايه انت كل احلامى؟
يعنى باقى احلامى التانيه تكون ليك يد بردو فى تحقيقها
انا: مبسوطه اوووى بهدية سوزان عليوان وعاجبانى اوى رسوماتها
انت: خلاص نعملهم مكان على حيطه فى الشقه ونعلقهم عليها
حتى لو مش كنا عملنا كده فعلا
بس كفايه عليا انك بتفكر فى اقل حاجه ممكن تسعدنى
كفايه انك مهتم باهتمامتى اللى اوقات بتختلف عن اهتماماتك
عارف يعنى ايه تكون انت أمانى فى الدنيا؟
يعنى اكون خارجه مع اصحابى
ولما يحصلى موقف يضايقنى
اجرى اتصل بيك
عشان مابعرفش احس بالامان الا معاك
ولا بيعرف حد يطمن قلبى غيرك
.jfif)
16 comments
ياسلالام يا ست دودو علي الكلام الجميل دا،وحشتيني اوي علي فكرة ومبسوطة اوي انك سعيدة في حياتك ومتنسيش بقي تدعي ربنا يكرمني بابن الحلال اللي يسعدني :)))
ربنا يسعدك مع زوجك ويهنيكى يارب
:))
اللهم بارك يا دينا
جميل اوي الاحساس ده الاحساس باامان وانك تحققي احلامك مع الشخص ده
بالذات ويكون الحب في شكله المختلف هو ده الحب الحقيقي
:))
ربنا يحفظكم من كل عين
ويديم عليكم السعادة
اللهم امين
ربنا يسعدك يا دينا
تصدقى معظم البنات كده بتريحهم وتسعدهم الحجات الصغيرة جدااااااا
:)
دمت بخير
ربنا يسعدك ويتم عليكي فرحتكم دايما ومتجمعين على خير دائما
تحياتي واطيب تمنياتي
حلو قوي البسوت ده..
قوي..
ربنا يفرح قلبكم
ويرضيكم في رضاه
zeze
انتى كمان وحشانى جداااا
ربنا يخليكى يا حبيبتى
وياااارب يرزقك بأبن الحلال اللى يستاهلك ويسعد قلبك يااارب ان شاء الله ♥
هبة فاروق
ربنا يخليكِ يا حبيبتى يااارب :)
نهر الحب
ربنا يبارك فيكِ يا حبيبة قلبى ويسعد قلبك يااارب انتِ كمان ان شاء الله ♥
محمد جمال
ربنا يخليك يا محمد ويحفظك يااارب :)
رؤى عليوة
احنا أصلا بنركز فى الحاجات الصغيرة دى
فـبالتالى ممكن تكون الحاجات دى أهم بالنسبه لينا :)
نورتينى يارؤى بوجودك الجميل زيك ده :)
eng_semsem
شكراً ليك جداً على ذوقك :)
Timo..
وجودك أحلى :) ... ربنا يخليك يا تيمو :)
تفاصيل صغيرة هي البي تفرق واحلامنا احلا لمن نشفوها بتتحقق مع حبيب القلب الاخترناه
ربنا يهنيكم ببعض
sab7al5air
احنا بيهمنا التفاصيل الصغيرة اكتر بكتير من الكبيرة
نورتينى يا جميلة :)
Post a Comment