اوقات لما بنشوف ناس من بعيد
وناخد بالنا من حالهم وظروفهم
يمكن بتصحى فينا نقطه الغبط أو حتى الحسد
بس لما بنقرب أوى من تفاصيلهم
بنكتشف أن إحنا ربنا بيديلنا حاجات كتير أوى إحنا مش حاسين بيها
لكن للأسف مش بتشوفها إلا لما بتشوف مشاكل غيرك
كأن عيونك كانت محتاجه حاجه تحفذها عشان تقدر تاخد بالها
من كل النعم اللى عندك
حتى لو كانت النعم دى بسيطه
بس فى غيرك اصلا مش لاقيها
******
جرب تسأل غيرك أو حتى نفسك
وناخد بالنا من حالهم وظروفهم
يمكن بتصحى فينا نقطه الغبط أو حتى الحسد
بس لما بنقرب أوى من تفاصيلهم
بنكتشف أن إحنا ربنا بيديلنا حاجات كتير أوى إحنا مش حاسين بيها
لكن للأسف مش بتشوفها إلا لما بتشوف مشاكل غيرك
كأن عيونك كانت محتاجه حاجه تحفذها عشان تقدر تاخد بالها
من كل النعم اللى عندك
حتى لو كانت النعم دى بسيطه
بس فى غيرك اصلا مش لاقيها
******
جرب تسأل غيرك أو حتى نفسك
أى سؤال عن أى موضوع او موقف
وشوف الأفكار والأراء المثالية اللى هتطلع منك !
انما لو كنت انت نفسك فى نفس الموقف
وقتها تفكيرك بيختلف
ده مش تناقض مننا
لكن ده لأن إحنا وقتها بس بنشوف الموقف بقلبنا قبل عقلنا
وده بيفرق كتير
وساعتها قرارتنا بردو بتفرق كتير
وشوف الأفكار والأراء المثالية اللى هتطلع منك !
انما لو كنت انت نفسك فى نفس الموقف
وقتها تفكيرك بيختلف
ده مش تناقض مننا
لكن ده لأن إحنا وقتها بس بنشوف الموقف بقلبنا قبل عقلنا
وده بيفرق كتير
وساعتها قرارتنا بردو بتفرق كتير
******
مش مهم إن منافسك يكون سابقك خطوه
الأهم أنت بعد كده هتقدر تسبقه بكام خطوه ؟
******
لو كدبت فى مره وعشان تقنع اللى حواليك بالكدبه دى
هتضطر تكدب بعدها 100 كدبه تانية !!
******
فى ناس مش بتغير من اللى أحسن منها
لكن بيغيروا من اللى اتعودوا إنهم مش يكونوا أحسن منهم
******
خروج أشخاص مهمه من حياتك بيشبه بالظبط خروج المخدر من دمك
فى الأول الموضوع بيكون مميت
وبعدها بيكون مؤلم إلى حد ما
بس فى الأخر وبعد خروجه من جسمك نهائى
بيكون الموضوع عادى جداً
وبتبدأ تشوفه من وجهه نظر اكثر تعقل
وبيكون فى احساس جواك بأن مرحله جديده من حياتك بدأت
وبأيدك انت لوحدك اللى تخليها أفضل
******
السبب الوحيد اللى خلانى مش أكتبلك حاجة فى ذكراك السنادى
انى مش بحس بوجع بس فى اليوم ده
أنا حاسة بوجع فى كل لحظة بتعدى المفروض تشاركنى فيها
وانت بتكون مش موجود !!
.jfif)
25 comments
محسوس كلامك يا دينا
كلنا بنمر بحالات كتير بنكون احنا مش احنا بس الحقيقه احنا هو احنا
كل الحكاية اننا واحنا مش احنا بتكون الظروف مش هى
:)
فيه ناس مبتسبناش ومش محتاجين ابدا مننا انه يكون لهم يوم معين نفتكرهم فيه
دمت بخير
كلمات في العمق .. كل التحية ..
كنت عايز اعلق على كل واحده بس لقيت تعليقى هيبقى طويل فقلت اعلق على الاولى و الاخيرة
ربنا لما خاطب سيدنا محمد قال فى كتابه الحكيم
و لسوف يعطيك ربك فترضى
صدق الله العظيم
لم يقل لتغنى او اى شىء قال لترضى
اذا الغنى و السعاده فى الرضى
بص يا دينا
انا لا اخاف الموت و لكننى اخاف موت من احب
فعلا ده اللى بيرعبنى
تحياتى
خواطر عالية الاحساس عظيمة الثراء تتنافس بعضها مع بعض حتى ان كدنا نترك واحده تلاحقنا الاخرى لتغنينا وتثرينا
ياهلا بالمزيد والمزيد يا دينـــــــــأ
كلامك واقعي أوي يا دينا, بس مين اللي يسمع..
طلبت منك قبل ذلك ان تغيرى عنوان هذه المجموعة فليست بكلام والسلام وانما هى حكم ومواعظ ودروس من الحياة تتعدى نمط الكلام العادى
وقد احببت ان اعلق على كل كلمةمن كلامك ولكن عذرا لضيق الوقت وحقا كم هى رائعة هذه الكلمات
واخيرا لا اعلم لماذا اصابت جملتك الاخيرة قلبى مباشرة ففراق عزيز غال يجعل زكراه دائما فى عقلى
تحياتى على هذه التدوينه الرائعه
لو اضريت تكدب مره هتكدب بعدها 100 مره
جميلة بجد
ادعوكِ لزيارة مدونتي المتواضعة
وذكر رأيك في ( في دار المسنين )
آخر كتاباتي حالة عشتها للأسف
وتأثرت بها ولم أستطع نسيانها فقررت أن أكتبها
علي هذا الرابط
http://asmaafathy.blogspot.com/
تحيــــــــــاتي
كانت هنا ورحلت
Asmaa Fathy
خواطر من تجارب الحياه الواقعيه نعيشها جميعا ولكن ابدعتي في وصفها
تحياتي
الكدبه زي بكرة الخيط , انت بس جيب اولها :)
كلام موزون
وفلسفة تستحق التقدير
بالتوفيق دايما
كلاكيت والسلام
المفترض يكون لي كتاب
كلام بسيط بس زى كبسوله نجاه احيانا اوكبسوله خلاصه تجارب ممكن تستفاد منها
تعليق الخال ابراهيم جميل جدااا
معنديش اضافات عليه :)
دومتى بخيييييييير
رؤى عليوة
فعلاً اوقات كتير بنمر بالحالات دى
بس وارد إننا مش نحس بيها إلا بعد ما تعدى
فى ناس أصلا مش بيحتاجوا يوم واحد فى السنة
لأنهم بياخدوا كل العمر معاهم
نورتينى يا رورو ^_^
ظلالي البيضاء
شكراً جداً لحضرتك
أسعدنى وجودك :)
ابراهيم رزق
أهو أنا كنت عايزة أعمل 4 فقرات فى التدوينة دى بالذات عشان أشوف تعليقات حضرتك
بس للأسف هو البوست طلع معايا كده بقى معلش ^_^
ونعم بالله
مفيش كلام بعد الكلام ده
كلنا بيتهيألى بنخاف من نفس النقطة
ولما بنبكى على موت حد بنبكى لأننا بنشوف تفاصيل حياتنا الجاية ناقصه من غيره
دايماً بتنورنى بوجودك :)))))
faroukfahmy58
والله حضرتك اللى بتثرينى بوجودك وتعليقاتك بجد
بيسعدنى وجودك :)))
Israa' A. Youssuf
المهم إن إحنا اللى نسمع ده هيكون أحسن بكتير
نورتينى يا جميلة ^_^
محمد جمال
دايماً بحس إن كل حاجة جوانا بالرغم من كُبر أحساسها أو حتى مواقفها إلا أنها مجرد فضفضة
مجرد كلام والسلام
فراق الأعزاء من قسوتة دايماً بيفضل مرافق لقلبك
أسعدنى وجودك :))
asmaa fathy
ميرسى ليكِ أوى يا جميلة
يسعدنى أكيد زياره مدونتك :))
mohamed amer
الكدبه زي بكرة الخيط , انت بس جيب اولها :)
عجبنى اوووووووووووووووووى التعبير ده :)
نورتنى بوجودك :)
Deyaa Ezzat
شكراً ليك جداً يا ضياء
نورتنى بوجودك :)
rona ali
وكأنك داخله جوه عقلى أصلاً ^_^
حكاية كتاب "كلام والسلام" دى بتلعب فى عقلى بأصرار فظيع الحقيقة
أدعيلى أنتِ بس ;)
نورتينى يا رونتى ^_^
لما بتطلب منك النصيحه في موضع انتي مش طرف فيهبنقول كلام زي الفل
علشان بنبقا بره الموضوع شايفين كل الاطراف من بره محايدين بناخد الموضوع بالعقل حبتين تلاته
:)
في ناس لمابتغيب بتاخد معاها حاجات كتيييير
شمس النهار
بالظبط لما بنبقى بره الموضوع بنبقى عاقلين اوى
إنما لما بنكون جواه
بندى لنفسنا وللى حوالينا مبررات أوقات حتى مش بتكون منطقية
فعلا :)
دايماً بيسعدنى وجودك :))
مش عارف ليه رغم ان الاسلوب يبين ان كل وحده لوحدها الا انى حاسس ان فى علاقه بتربط بينهم
catching ownse
يمكن اللى بيربط بينهم
إنهم من جوانا؟؟ من حياتنا؟
Post a Comment