04 June 2011

4/6... مش هنتغير؟؟؟

.



الشعب عمل ثوره ده كان شئ متوقع بس مش بالطريقه دى
والحمدالله نجحت ووصلنا للى كنا عايزينه
بس فى نتيجه مهمه اووى لسه ماحصلتش
ان فى ناس كتير لسه نفسيتها زى ما هى
وشخصيتهم زى ما هى
مش هاقولك فلول النظام والكلام الكبير اللى انا مش فاهماه ده
بس اللى متلاحظ اوى
ان فى ناس زى ما هى
ماتغيرتش
لا التغير اثر فيها ولا الثوره جابت نتيجه
لسه فى ناس مش بتحافظ ع البلد
لسه فى ناس مش بتحافظ على نظافه الشوارع
لسه فى ناس مش بتكسر اشارات المرور
لسه فى موظفين مش بيشوفوا شغلهم كويس
لسه فى ناس بتاخد رشوه عشان تمشيلك امورك
لسه فى ناس عندها استعداد تدفع رشوه عشان تمشى امورها
لسه فى ظباط مش محترمين البدله اللى لابسنها
ومش قادرين يفهموا انها تكليف مهم مش شئ بسيط
لسه فى ناس بيعتقلوا ويتعذبوا
هو جزء من الشعب اصلا كده؟؟
والا مثلا النظام السابق كان بهت عليهم وخلاهم زيه؟؟
يعنى النظام اتعمل ضده ثوره وكله سقط
الناس دى بقى
يتعملهم ثوره ضدهم؟
والا يتقدملهم على هجره لكوالالمبور مثلا؟؟


4 comments

قهوة بالفانيليا - شيماء علي said...

و الله يا بنتي
انتي بتتكلمي على اخلاق و ثقافة
دي حاجات مالهاش دعوة بالثورة
احنا عملنا ثورة على الفساد السياسي
بس الفساد الاخلاقي .. ماعملناش فيه حاجة
عشان دي ثقافة متراكمة
هيبقى مستحيل تقضي عليها كلها ..!!

Bent Men ElZaman Da !! said...

معاكى حق
بس ليه الناس دى لما تشوف البلد حالها بتتصلح
مايقولوش احنا كمان لازم نبقى احسن
اصل مش السياسه بس اللى هتخلى البلد تبقى احسن
دى حاجات كتير من ضمنها الاخلاق

محمد said...

المقال رائع جدا ولازم الشعب يتغير من جواة لازم نغيرالثقافة الداخلية داخل الشعب يارب نتغير ...

Bent Men ElZaman Da !! said...

معاك حق لازم نتغير من جوانا الاول
شكرا ليك اوى يامحمد

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget