22 June 2012

كلام والسلام ... كلاكيت 16 مره

.




اوقات قله الاكل فى ايام الدايت
بتعملى حاله من اتنين
ياما بتيجى بأكتئاب وصمت تااام واحيانا نوم
ياما بتيجى بكتر كلام
العيب فى الاكل اكيد مش فيا

***********

اوقات بتجيلى افكار كتييييير ببقى عايزه اكتب عنها
ومن كترها
بتضيع منى كلها وقت ما فعلا بقرر أكتب
انا لازم الزق ورقه وقلم فى ايدى
الموبيل مابقاش بيجازى خالص

***********

اوقات فى وسط ده بقى
من كتر ما انا فى دماغى اكتبلك حاجات كتير
فجأه كله بيختفى
واحس ان فى عاصفه من الكلام فى دماغى داخله فى بعضها
لان حبى ليك اكبر من الكلام :))

***********

اوقات بكون مكسوفه اكتبلك حاجه هنا
لانى مش متعوده اصرح باللى جوايا علنى كده
بس اللى بيخلينى دائما اكتبلك هنا من غير ما اخاف
لما بشوف الابتسامه اللى بتظهر على وشك اول ما تقرأ الكلام اللى بكتبهولك
وتقولى ده بجد؟!؟ :)))
 
***********

اوقات او فترات معينه بيجى فيها احساس غريب كده
مش عارفه اوصفه ازاى
بس هو ماينفعش يتسمى غير
"فتره التـتـنـيح الغير مبرر"
(طبعا مبرر دى مالهاش اى علاقه بشفيق خالص على فكره)

***********

اوقات بشك انى مجنونه
واوقات بتأكد جدا من ده
 

40 comments

NoNa AnGeL said...

اوقات بتجيلى افكار كتييييير ببقى عايزه اكتب عنها
ومن كترها
بتضيع منى كلها وقت ما فعلا بقرر أكتب
انا لازم الزق ورقه وقلم فى ايدى
الموبيل مابقاش بيجازى خالص

هههههههههههههههه وانا كمان نفس الموضوع ده والله اجى اكتب فى الموبايل بقا بتبقى حاجة مستفزة تكرهني فى اللى هكتبه اصلا :f:

"فتره التـتـنـيح الغير مبرر"
(طبعا مبرر دى مالهاش اى علاقه بشفيق خالص على فكره) :f: :f:

MEROOooOOoo said...

روووووووووووعة يا دينا

اوقات بشك انى مجنونه
واوقات بتأكد جدا من ده

واتجننى براحتك
هما المجانين احسن منك فى ايه

كريمة سندي said...

كلنا بنر بدي الأوقات وأصعب من كدا المهم نرجع تاني ونحاول تحياتي الصادقة

ابراهيم رزق said...

بجد ابتسمت و مش عارف اعلق
نصيحة اكتبى اى حاجة
اصل مفيش حاجة اسمها اى حاجة
كل حاجة لازم تكون حاجة طالعة من جوانا
واضح ان فى حاجة بتخلينا اكرر كلمة حاجة
مع السلامة يا حاجة
قصدى يا بنوتة جميلة من الزمن ده
يارب يسعدك و يسعده و يقرأ كما كمان و كمان

مصطفى سيف الدين said...

كلامك و السلام دايما بيكون له طعم مختلف
بيبقى كلام من جوة القلب
تحياتي

mena moon said...

:f:بالنسبه لموضوع الدايت ده انا كمان بيحصلي كده ديما أكنئب او افضل نايمه
وبالنسبه للحاجات التانيه الكتير الحلوة دي في ربنا يسعدكو ويخليكو لبعض
ومتخفيش عرفين أن اى حاجه هتكتبيها ملهوش علاقه بشفيق ^_^ خالث والجنان ده بقى حاجه مفروغ منها كلنا مجانين انا وانتى ورنا ومها وايه وكل اللى بيكتبو زينا كده بيجلهم نوبات من السع والجنان ^_^ :h:

Nour said...

انا الموبايل في ايدي على طول واكتر وقت فيه الهام بيكون قبل النوم :D

كتير بيبقى في كلام اكتر واكبر من انه يتكتب رغم ان كتابته ممكن تفرح كتيير;)

بالنسبة لفترات التتنيح احب اطمنك انك مش لوحدك وبعدين اصلا ده شيء صحي جدا :D

بحب نوع البوستات دي جدا على فكرة بحس المصداقية بتبقى باينة بين حروفها :)

Bent Men ElZman Da !! said...

NoNa AnGeL

ايوه الموبيل بطئ مش زى الورقه والقلم او الكمبيوتر
وكمان لما بيعمل حركاته الدنيئه دى والاقيه مسح كل النوتس
ممكن انتحر فيها انا دى :'(
:D :D

Bent Men ElZman Da !! said...

MEROOooOOoo

انتى اروع يا ميرووو
ايوه يعنى هما المجانين ليهم حق يتجننوا وانا لا والا ايه مثلا ^_^

Bent Men ElZman Da !! said...

كريمة سندي

هو من حكمه ربنا علينا انه مبدل من لحال لحال فى لحظات
والا الواحد كان هيفضل مكتئب طول عمره :)

Bent Men ElZman Da !! said...

ابراهيم رزق

انا بقى حبيت الحاجات الكتييير اللى فى التعليق ده بجد
ربنا يخليك يارب
وبكون سعيده دايماً بوجودك اللى بيرسم ابتسامه على وشى :)

Bent Men ElZman Da !! said...

مصطفى سيف الدين

ميرسى ليك اوووى يا مصطفى
اسعدنى وجودك :)

Bent Men ElZman Da !! said...

mena moon

ايه ده بجد؟ يعنى موضوع الدايت ده عادى مش انا لوحدى؟؟

ربنا يخليكى يا حبيبتى ويسعدك يارب دايماً

ايوه انا متبريه من شفيق ومرسى فى آن وااااحد

على فكره بقى حاله اللسعان دى بتخلينا نكتب احلى كلام والله هههههههههه

Bent Men ElZman Da !! said...

Nour

ايوه صح يا نور
الالهام مش بينزل الا قبل النوم مباشرررره

ماهى من كتر ما بتفرح الواحد بيتلغبط بقى ومش بيبقى عارف يكتب ايه بالظبط

ايوه انا اطمنت خلاص اول ما عرفتك لاقيتنا كلنا فى الهوا سوا :D :D

انا بحب وجودك اكتر بقى على فكره ^_^

reemaas said...

:)

مابين الشك واليقين بنطلع بنتيجة ههههههههههههههه


جميله يا دينا كتير انا بحب البوست ده اوى اوى

ريـــمـــاس said...

صباح الغاردينيا يادينا
اكتبي دايما اللي حاسة
كفاية انك تشوفي ابتسامته :)"
;;
;
لروحك عبق الغاردينيا
كانت هنا
Reemaas

سندباد said...

قليل من الجون لا يضر وكل الابداعات والاختراعات والاحلام بدات بفكرة مجنونة وتحققت فاذا كان الجنون ياتي بهذا الابداع فمرحبا بهذا الجنون اللذيذ
احسنتي

إيمي said...

اوقات بتجيلى افكار كتييييير ببقى عايزه اكتب عنها
ومن كترها
بتضيع منى كلها وقت ما فعلا بقرر أكتب
انا لازم الزق ورقه وقلم فى ايدى
الموبيل مابقاش بيجازى خالص

بتحصلي كتير أوي أوي أوي ههههه

حسيت كلماتك أوي

إيمي

شمس النهار said...

قليل من الجنون مع كثير من العقل
بيحصل اتزان

والدنيا بتمشي

وعايزة اقولك انك داااااايما كلامك بيعجبني العاقل والمجنون:)

Bent Men ElZman Da !! said...

reemaas

ايوه انى مجنونه ههههههههههههههههه

وانا بحب وجودك هنا اوووووى
نورتينى يا جميله :)

Bent Men ElZman Da !! said...

ريـــمـــاس

صباح النور يا ريماس :))
فعلا كفايه الابتسامه اللى بشوفها:))

نورتينى يا حبيبتى :)

Bent Men ElZman Da !! said...

سندباد

هو الجنان اللى بيخلينا نكتب حلو اصلا :))

شكرا لوجودك وتعليقك اللى اسعدنى

Bent Men ElZman Da !! said...

إيمي

ايوه الموبيل ده بقى وحش خالص يعنى

نورتينى يا جميله ومبسوطه انك البوست وصلك كده :)

Bent Men ElZman Da !! said...

شمس النهار

مبسوطه اوووووووى والله انك كلامى بيعجبك
ده شئ بجد بيسعدنى
ادينى بحاول ابقى شويه عاقله وشويه مجنونه يمكن الموضوع يمشى شويه :)))))

زينة زيدان said...

كلاكيت ولقطات حياتية جميلة

كل منها تحمل حالة
حالة تشغل جزءاً عريضاً من افكارنا
همسات صريحة واضحة ... رقيقة

كل الود

eng_semsem said...

احيانا بيحب يسمع كلام منك صعب انك تقوليه معاه
بس ممكن تقوليه هنا
كلنا فينا الجنون بس الفيصل مين اللي يتغلب اكتر القل ولا الجنون واللي حواليكي بياثر في ده
اما حكاية الاكل اكيد انت مش انت وانت جوعان
تحياتي

بسمة الورد said...

مساؤك هنا وسعاده

راق لى هذا المساء تواجدى بين احرفك الرقيقه

احسنتى غاليتى


ويسعدنى التواصل الدائم ان شاء الله

مودتى

شيرين سامي said...

ههههههههههه
كلنا بتجيلنا فترات التتنيح دي :)

ربنا يخليكوا لبعض :)

جميله إنتي يا دينا دائماً
:)

rona ali said...

هههههههه البوست يجنن ولا انا اللى مجنونه فشايفه كده
يلهوى
ضحكنى موضوع الدايت دة فاكرة لكا كنا في باسكوتشي وبقولك انتى ونينو انا بتخن وارفع وانتوا الاتنين رديتوا نفس الرد لحد دلوقتى بفتكره واضحك

عجبتنى حته فشيق برضوا
وحاسيت بيكى اوى في موضوع تلزقي ورقه وقلم لو في اختراع للوسط في الموضوع دة ويكون خفيف ياريت يعملوه بقي ههههههه انا كمان العواصف بتيجى تقضي علي كل شئ انا افكارى كلها قايله للسقوط هههههههه

Bent Men ElZman Da !! said...

زينة زيدان

فعلا هى حالات من الحياه

اسعدنى وجودك نورتينى :))

Bent Men ElZman Da !! said...

eng_semsem

هى حكايه ان الكلام يتقال مباشر وجها لوجه دى مش سهله خالص

مزيج الجنان والعقل ده من افضل الحالات حقيقى

نورتينى بوجودك :))

Bent Men ElZman Da !! said...

بسمة الورد

مسائك ورد :)
اسعدنى وجودك واتمنى يتكرر مره تانيه
نورتينى :)

Bent Men ElZman Da !! said...

شيرين سامي

ايوه ما انا اتاكدت من كده لما الاقيت كل حد فيكم بياخد فترته من التتنيح :))

ربنا يخليكى يا شيرين

انتى اجمل بكتيييير على فكره ^_^

habiba said...

ساعات كتير ببقى عايزة أكتب بالطريقة دى ومش بعرف..بس انت كلامك بسيط جدًا ومعبر جدًا عن الأوقات المختلفة اللى الواحد بيمر بيها
ربنا يسعد قلبك بقى

Bent Men ElZman Da !! said...

rona ali

بلاش نتكلم فى حكايه مجنونه دى عشان فيها كلام كتير هههههههههههه

انا مش فاكره بقى ردينا قولنا ايييييه فكرينى :((

احنا المفروض نخترعه من نفسنا بقى
احنا فى امس الحاجه ليه بجد يعنى
والا كلنا هيجلنا قرار بالازاله لافكارنا لا قدر الله والا حاجه ههههههههه

maioya said...

انتي عارفه ساعات كتير بلاقي نفسي
في حاجات من كلام والسلام بتاعتك
وبحسدك بس مش حسد وحش
انك قادره تترجمي كتير جوه
ربنا يزيدك يادودو قدره علي التعبير :))

Bent Men ElZman Da !! said...

habiba

ربنا يخليكى يا جميله
ويسعدك يارب دايمااااا
سعيده جدا بوجودك نورتينى :))

Bent Men ElZman Da !! said...

maioya

ربنا يخليكى يا حبيبه قلبى
لا انتى تحسدى براحتك يا ميويا انتى حبيبتى ^_^

أميرة said...

حاجات كتير من اللي بتحسي بيها بحسها برده خصوصا الافكار اللي بتضيع وقت الكتابة هي دايما كدة احلى الافكار بتيجي في الوقت اللي مش عايزة تكتبي فيه وتختفي لما تفكري انك تكتبيها حتى لو مسجلة الفكرة مش بتبقى بجمال لحظة ورودها
عجبتني افكارك وسعدت لمروري هنا تحياتي :))

Bent Men ElZman Da !! said...

أميرة

هى كده الافكار دايماً بتعندنا واحنا بردو وراها وراها لا مفر

نورتينى يا جميله
وانا اسعد بوجودك هنا :))

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget