النهارده كنت فى المترو مع اختى
قابلتنا ست كبيره فى الست يمكن فى سن جدتى مثلا
سألتنا عن عنوان فى ورقه معاها
فهمت من الموقف انها مش بتعرف تقرأ اصلا
الورقه مكتوب فيها (اصل انا فضوليه ولازم اعرف)
ان ده مكان طالب ناس تشتغل زى عمال بوفيه او حاجه زى كده
والمرتب 650 جنيه تقريبا
شوفنا العنوان ووصفنالها مكانه ومشينا
لفت نظرة ان الست دى رغم سنها الكبير
وبرغم قدراتها المحدوده وفرص الشغل اللى ممكن تكون قليله قدامها
الا انها اصرت تروح اماكن ماتعرفهاش عشان تدور على شغل
زيها بالظبط زى الشباب اللى لسه متخرجين(واللى انا منهم للاسف)
اللى بيلفوا على اماكن شغل (وبردو مش بيلاقوا)
ومافكرتش انها تشحت مثلا
رغم انها فعلا تستحق المساعده
فى نفس ذات المترو واحنا راجعين
قابلنا ست تانيه سنها يمكن مايتعداش ال 35 سنه
بتوزع علينا ورقه متصوره
مكتوب فيها القصه المعتاده
واللى تعتبر من اهم طرق الشحاته الحديثه خلال ال 7 سنين اللى فاتوا
انها بتجرى على عيالها عشان تأكلهم
وجوزها يا اما متوفى او محبوس او مريض بمرض مالوش علاج
وبتطلب نساعدها بأى حاجه كل ده فى الورقه من غير ما تقول ولا كلمه
الموقف ده خلانى اقارن بين حاله السيدتين دول
الاولى.. رغم كبر سنها وعدم قدرتها حتى على قرأه العنوان اللى هى هتروحه
الا انها بتحاول وبتدور وعايزه تشتغل
اما الثانيه.. بالرغم من ان سنها صغير ومش بيعوقها اى عاهه وقدرتها الجسديه تسمح للشغل
يعنى فرصتها فى انها تلاقى شغل اكبر من الاولى
الا انها فضلت انها تشحت او بمعنى اصح تحاول تستعطف الناس
يعنى ده مش تفرق حاجه عن دى
بس الاولى عايزه تشتغل عشان تحافظ على ماء وجهها
اما التانيه بأختصار استسهلت
ليه فى بعض الشحاتين اللى بنشوفهم بيكونوا عندهم القدره انهم يشتغلوا
وفى ناس فعلا قدرتها اقل بس بتفضل تدور على شغل حفاظا على كرامتهم
ومهما كان المقابل اللى هياخدوه حتى لو قليل
هما الناس اللى بيشحتوا بيكسبوا كتير؟
سألتنا عن عنوان فى ورقه معاها
فهمت من الموقف انها مش بتعرف تقرأ اصلا
الورقه مكتوب فيها (اصل انا فضوليه ولازم اعرف)
ان ده مكان طالب ناس تشتغل زى عمال بوفيه او حاجه زى كده
والمرتب 650 جنيه تقريبا
شوفنا العنوان ووصفنالها مكانه ومشينا
لفت نظرة ان الست دى رغم سنها الكبير
وبرغم قدراتها المحدوده وفرص الشغل اللى ممكن تكون قليله قدامها
الا انها اصرت تروح اماكن ماتعرفهاش عشان تدور على شغل
زيها بالظبط زى الشباب اللى لسه متخرجين(واللى انا منهم للاسف)
اللى بيلفوا على اماكن شغل (وبردو مش بيلاقوا)
ومافكرتش انها تشحت مثلا
رغم انها فعلا تستحق المساعده
فى نفس ذات المترو واحنا راجعين
قابلنا ست تانيه سنها يمكن مايتعداش ال 35 سنه
بتوزع علينا ورقه متصوره
مكتوب فيها القصه المعتاده
واللى تعتبر من اهم طرق الشحاته الحديثه خلال ال 7 سنين اللى فاتوا
انها بتجرى على عيالها عشان تأكلهم
وجوزها يا اما متوفى او محبوس او مريض بمرض مالوش علاج
وبتطلب نساعدها بأى حاجه كل ده فى الورقه من غير ما تقول ولا كلمه
الموقف ده خلانى اقارن بين حاله السيدتين دول
الاولى.. رغم كبر سنها وعدم قدرتها حتى على قرأه العنوان اللى هى هتروحه
الا انها بتحاول وبتدور وعايزه تشتغل
اما الثانيه.. بالرغم من ان سنها صغير ومش بيعوقها اى عاهه وقدرتها الجسديه تسمح للشغل
يعنى فرصتها فى انها تلاقى شغل اكبر من الاولى
الا انها فضلت انها تشحت او بمعنى اصح تحاول تستعطف الناس
يعنى ده مش تفرق حاجه عن دى
بس الاولى عايزه تشتغل عشان تحافظ على ماء وجهها
اما التانيه بأختصار استسهلت
ليه فى بعض الشحاتين اللى بنشوفهم بيكونوا عندهم القدره انهم يشتغلوا
وفى ناس فعلا قدرتها اقل بس بتفضل تدور على شغل حفاظا على كرامتهم
ومهما كان المقابل اللى هياخدوه حتى لو قليل
هما الناس اللى بيشحتوا بيكسبوا كتير؟
يعنى الفلوس الكتير دى هى اللى بتشجعهم ع الشحاته؟
والا احنا شعب بيتعاطف مع بعض بدون مبرر
والا احنا شعب بيتعاطف مع بعض بدون مبرر
فا ده بيدى فرصه للشحاتين انهم يزيدوا؟
بس الاكيد
ان الشحاته من اهم الظواهر فى بلدنا اللى يوم عن يوم بتزيد
بس الاكيد
ان الشحاته من اهم الظواهر فى بلدنا اللى يوم عن يوم بتزيد
.jfif)
13 comments
ماهو انتى يا بنوتة لو كنتى تابعتى مدونة شحات كنتى عرفتى انهم بيكسبوا دهبببببببببب
الواحد بيشوف حاجات تحرق الدم فى الشحاتة دى ناس بكامل صحتها وخلاص بقى دى شغلها
الناس بتستسهل الشحاته
انا حصلي موقف مره
واحد جاي يقولي انا من الصعيد و فلوسي ضاعت
فممكن تديني فلوس عشان اعرف اروح
قتله تعال و انا هدفعلك الفلوس لصاحب الميكروباص
و اركب انت و روح
قالي لالا مش عايز اتعبك هاتلي انت بس الفلوس و انا هتصرف
طبعااااا هو لا كان محتاج فلوس ولا غيره
بس ده اسلوب جديد في الشحاته
ربنا ينضف البلد من الى زي الناس دي
في ناس كتير بتستسهل
بس ميمنعش في ناس تانية نفسها عفيفة حتى لو كبرت بالسن متقبلش الصدقة
الشحاتة بقت من اهم مصادر الرزق والاستسهال في مجتمعنا
شكرا اختي العزيزة
لما تكون واحده ربنا كارمها في صحتها وعندها رجلين ماشيه عليهم وعينين بتشوف بيهم يبقا متستحقش المساعده طول ما هي بتمد ايدها
لأنها هي أصلا مساعدتش نفسها ليه الناس تساعدها
النوعيه دي من الشحاتين انا بصراحه معنديش اي تعاطف معاهم
خصوصا لما يكون راجل وصحته فيه وجاي يمد ايده
شئ مستفز حقيقي
عشان كتير منا برضو " بيستسهل " ويدي واحدة زي دي فلوس , وفعلا بيبقي العائد هايل ومشجع للأسف
reemaas
للاسف مش اعرف المدونه كنت تابعتها اكيييد
اصل انا شاغلنى موضوع الشحاتين ده من زمان اوى
وخصوصا الطرق بتاعتهم فى الشحاته
ذكاء بجد
لو استخدموه فى شغل هيستفادوا وهيفيدوا
ميرسى ليكى يا قمر على متابعتك نورتينى :))
تاكاشى
الشحاته دلوقتى بقت نصب
اللى فعلا محتاجين مش بيطلبوا المساعده الا يمكن نسبه قليله اووى اللى مش بيبقى قدامهم فرصه تانيه الا دى
ميرسى جدا على رأيك وزيارتك نورتنى :))
سبايدرمان
انا بردو حصلى نفس الموقف ده
بس مع واحده ست
دى من ضمن الطرق الهايله اللى اخترعوها بردو
شكرا ليك على تعليقك ونورتنى بزيارتك :))
الناس بتستسهل، فبتشحت
لا وعندهم خطة بأه وبيعرفوا الاعياد والمناسبات فبيتارجتوا انهم يكثفوا شغلهم في الفترات دي
ساعات ناس طيبة ما تستحملش فتدي المحتاج واللي مش محتاج
ده شعبك ،، مش عارفة هيتغير بعد الثورة ولا لأ؟
:))
مها ميهوووو
مصطفى سيف
فعلا فى ناس مهما كانت محتاجه بس ماحدش بيعرف عنهم حاجه ولا بيطلبوا مساعده من حد وبيحاولوا على اد ما يقدروا انهم يساعدوا نفسهم بنفسهم
الشحاته مش مصدر رزق
ده مصدر استهبال علينا
شكرا ليك جدا يا مصطفى نورتنى :)
Śђąžล ฬąђ٤єĐ ♥
مستفز جدااااا
ايه اللى بيبقى مانعهم مش فاهمه
وخصوصا لو راجل
صراحه مايتفهمش خالص موقفه
مش بيبقى مكسوف مثلا؟
منورانى يا شوشو
FAW
جزء من الغلط علينا
لان جزء من شعبنا اصلا بيتعاطف بسرعه اوى مع بعضه
والعائد صح بيكون كبير
يعنى فى النهايه بيوصلوا للى عايزينه بردو بسببنا
شكرا ليك على رأيك نورتنى :))
أحسن تـستاهـل
لا فى الاعياد والمناسبات دى بتبقى قصه تانيه
دول بيبقى ليهم مناطق محدده بيتمركزوا فيها كمان :D
شكرا اوى يا مها على رأيك نورتينى يا قمر :))
Post a Comment