جرب كده تروح اى حته فى اى وقت
جرب كده تدى ميعاد لاى حد
وابقى قابلنى ان روحت للمكان اللى عايزه فى ميعادك
الطبيعى ان الواحد لو عايزين يروح مشوار
بيخرج قبلها بساعه
وبمناسبه الظروف الهايله اللى المرور فيها
نقول ساعتين
انما انك تقف الساعتين دول بس فوق كوبرى
العربيات واقفه عليه ومش راضيه تمشى
يبقى ده اللى مش طبيعى
الزحمه بقت غير طبيعيه بالمره
انك بس عشان تروح مشوار ده هياخد منك 3 ساعات
يبقى الواحد كده هيخلص عمره فى حوالى مشوارين تلاته رايح جاى
يمكن انا مابقتش اخرج كتير
بس يوم ما بخرج وبستغبى وافكر اركب مواصلات
باخد تقريبا ساعه عشان اخرج بس من النفق اللى عندنا واوصل لوسط البلد
اومال باقى المشوار هاخده فى اد ايه
فى حين ان المشوار ده نفسه لو الطريق كويس
مش هياخد اكتر من تلت ساعه
انفاق وموجوده
كبارى ومعموله
مرور وبقى امر مفقود الامل منه خلاص
طب ايه الحل ؟؟
لا والارخم ان العرابيات بيبقوا عايزين يدخلوا على بعضهم
لولا الملامه كانوا مشيوا فوق بعض وعملوا دور تانى
فكره بردو
يعنى كل عربيه بى ام مثلا تشيل فوقها عربيه 128 مثلا
طب والله كانوا هيوفروا اوى فى المكان
ويحلوا ازمه المرور
هو العيب مثلا
ان الناس اللى معاهم عربيات بقوا عددهم كتير اوى؟
والا احنا اصلا اللى بقى عددنا كتير
والا ده اساسا بقى عيب تنظيم المرور؟؟
طيب انا عايزه افهم
هى القاهره بس اللى كده؟ والا باقى المحافظات كمان؟
.jfif)
18 comments
المحافظات كمان بقي نسخة من المأساة دي
الحل في إعادة توزيع المصالح الحكومية وإستخدام النظام اللامركزي وإعادة تخطيط بعض الشوارع وطبعا إعادة رصف الشوارع . . وإبقي قابليني لو حاجة من دي حصلت :)
لا القاهرة بس
احنا في الصعيد عندنا زحمة بس مش بلشكل الفظيع اللي في القاهرة
والله ان اليوم الليبانزل فيه القاهرة باكره فيه نفسي
من الزحمة
تحياتي وربنا يصبركم على ما ابتلاكم
باح الخير
لا متقلقيش يا ست الكل انا بطمنك
المحافظات كلها كده ههههههههههههه
لاء بس القاهره العيار فالت منها شويتين
بس المدن التاني زحمه جدا علي قد حجمها يعني
والله انا نفسي في رئيس ييجي يقولنا بعد عشرين سنه هنمشي في الشارع ازاي ؟
ويسيبه بئا من الاكل والشرب والحجات اللي مش موجوده اصلا دي
احم احم
سلامو عليكو
معاكي جدا في الموضوع ده
انا المفروض مشواري اليومي بياخد ساعة بالظبط
وانا معادي في الشغل الساعة 7.30 ص
بس انا عشان بصي الفجر علي طول
فا انا مش بستني بقي وبمشي بدري
يعني بخرج الساعة 4.30 كده
وفعلا بوصل في ساعة بالظبط
فكرت مرة وقولت اخرج الساعة 6
واهو يعني بالمنطق العادي هلحق
اخدت الطريق في 3 ساعات
انا معرفش ليه
ومعرفش هو كل يوم كده ولا اليوم ده بس
فحرمت بقي خلاص
اطلع ساعتين بدري احسن ما اتاخر ساعتين
احم
علي فكرة عاجبني حكاية تدوينة كل يوم دي
بتعمل نشاط كده
نفسي اعملها
بس مكسل قوي
يلا
سلامو عليكو
العيب فينا احنا يظهر و الله اعلم مش بنعرف نركب كويس
انتشرت ثقافة اصدقاء الزحام
تحياتى
صباحك سكر
لا هم اللى بقى معاهم عربيات كتير او بمعنى تانى اكتر من اللى سعه الطرق تستوعبه وده حقيقى ومن المرور
الحل كمان ممكن بقى فى تكهين العربيات القديمة اللى بتعطل فى الطريق وتعويض اصحابها
ممكن فى تجريم مرور الكارو والتكاتك وسط الطريق ههههههههه مشهد اوريجنال يعنى
بالنسبه للمحافظات يعنى مش زى القاهرة واسكندريه اكيد بس فيه زحمة وخصوصا من 12 الى 4 العصر وقت خروج المدارس والموظفين غير كده العمليه بسيطة انا بتكلم عن المنصورة طبعا
والله الزحمة في مكان وزمان عندنا والستات ما بتسوق الزحمة ماليه البلد أمال لو سوقنا راح يحصل إيه
تحياتي
FAW
الحمدالله ان كل المحافظات كده والا كنت هاحس بالعنصريه
والله ممكن كل ده يحصل
بس كام سنه قدام كده مش دلوقتى
ميرسى ليك اوى على تعليقك :))
مصطفى سيف
اه كل اللى بيجوا من المحافظات للقاهره بيحسوا بالمأساه اللى احنا فيها
ربنا يكون فى عونا
ميرسى ليك يا مصطفى منورنى دايما
AbDeLrHmAn SaMi
ربنا يطمنك :D
كان نفسى يبقى فى امل فى غيرنا بس كلنا فى الهوا سوا اهو
الرئيس المفروض يقولنا كل الحاجات دى واكتر بكتيييير كمان
ياما هيطحن :D :D
ميرسى اوى على تعليقك وشرفتنى بزيارتك :))
حضرة الظابط
وعليكم السلام ورحمه الله وبركاته
لا كل يوم كده
انت اختارت وقت هاااايل تخرج فيه اللى هو بعد الفجر
فى الوقت ده مش بيكون لسه حد نزل ولا راح شغله
من الساعه 6 بتبدأ معاناه الناس فى المواصلات عشان يروحوا اشغالهم
فعلا جامده اوى الفكره دى
فاضل 11 يوم بس
اعملها من غير ما تفكر ازاى عشان لو فكرت هتكسل
ميرسى ليك اووى منورنى :))
ابراهيم رزق
حلوه اوى كلمه اصدقاء الزحام دى
ما احنا صحيح بنقضى 3 ساعات فى المواصلات
لازم يبقى فى الا نقاش ما بينا وبين اللى قاعد جنبنا يعنى
ميرسى ليك اوى منورنى :))
reemaas
مسائك سكر يا قمر
هما عملوا حكايه تغيير العربيات القديمه بأحدث منها فى التاكسيات
وكنت سمعت انهم بيفكروا كده فى الملاكى بردو
مش عارفه ده بجد والا لا
والا التكاتك دى بقت قصه لوحدها بقى
القاهره مزدحمه فى جميع الاوقات اللى تختطر على بالك :D
شكرا اوى يا ريماس على تعليقك نورتينى يا قمر
كريمة سندي
تعرفى اصلا يا كريمه لما الستات بيسوقوا هنا
بيعملوا ازمه لوحدهم غير ازمه المرور اصلا
ميرسى ليكى نورتينى
الزحمة في القاهره مالهاش مثيل
ساعات ببقى هتجنن مش عارفه الحل إيه
شيرين سامي
لأ هو انا مظنش ان الازمة ف اننا عددنا كبير .. لأن دول كتير تعدادها كبير .. و اكبر مننا و معندهمش ازمة مرور .. اعتقد المسألى سوئ تخطيط طبعا ..
و سوء تعامل كمان مننا .. مع القوانين و الشوارع ..
انت مثلا ممكن تفصلى واقفة ساعة متعطلة عشان عربية ف اول الطريق خالص عطلانة ..
ازمة المرور دى بقت حاجى تعقد اصلا ..
بس بوست جميل جدا .. :))
شيرين سامى
لا دى مابقاش ليها حل
سلامتك من الجنان يا شيرين :))
ميرسى ليكى على تعليقك
المتمردة هبة
للاسف سوء التخطيط عندنا فى كل حاجه
مش بس فى المرور ولا فى الشوارع
ميرسى يا هبه ونورتينى :))
Post a Comment