هو احنا فعلا ردود افعال؟
ليه كل واحد فينا متخيل ان كل تكوين فى شخصيته هو المسئول عنه؟
وليه كل رد فعل بنعمله متخيلين انه نابع اوى من جوانا
هو احنا اصلا الفعل
والا احنا رد لكل الافعال اللى بتحصل حوالينا
طب ياهل ترى
هو احنا فعلا ردود افعالنا بتعبر عن تجاربنا
او بمعنى اصح تربيتنا
او اخلاقنا
او بيئتنا
اكيد اه
بس الاهم
طب ياهل ترى
هو احنا فعلا ردود افعالنا بتعبر عن تجاربنا
او بمعنى اصح تربيتنا
او اخلاقنا
او بيئتنا
اكيد اه
بس الاهم
" كمثال "
انت شخص محافظ على الصلاه
ياترى ده من جواك انت من غير تقويم من صغرك؟
والا لانك كبرت واتربيت لاقيت اهلك بيحافظوا على صلاتهم
فا انت بقيت زيهم
ولو انت هادى
ياترى ده هدوء من شخصيتك نفسها
والا لانك اتربيت وكبرت فى مكان هادى مع ناس محافظه على هدوئها
بقيت انت كمان محافظ اوى على هدوئك
انت لو عصبى
ياترى عصبيتك دى تكوين فى شخصيتك انت مسئول عنه؟
والا لانك اتربيت فى محيط جميع افراده عصبيين
فا تخيلت ان دى الطريقه الوحيده للتعامل او للتعبير عن الرأى
لو انت ندل
ياترى ندالتك دى مجرد دنائه منك؟
والا انت اتربيت وسط شخصيات مبدأهم النداله
فا طلعت ماشى بمبدأ عيش ندل تموت مستور؟
صراحه عاجبانى الفكره
وشايفه ان وارد يكون فيها جزء صح ووارد يكون فيها جزء غلط
بس مش معنى كده ان كل واحد فيه عيب فى شخصيته
يعلقها على شماعه اصل انا طلعت لاقيت اهلى كده
والا انا اتربيت كده
زى ما احنا جزء مننا رد فعل
اكيد فى جزء مننا فعل
والعكس صحيح
يوم عن يوم حاجات فى شخصيتنا بتطور وبتتغير
بسبب كل اللى بنمر بيه من ظروف الحياه والمشاكل اللى بتعدى علينا
او حتى الشخصيات اللى بنقابلهم
طيب هو احنا لو اتربينا فى بيئه ومحيط وطريقه تربيه واهل مختلفين
كنا هنطلع كده بردو؟؟
والا كان جزء بس اللى هيختلف من شخصيتنا؟
والا احنا ككل هنختلف؟؟
.jfif)
16 comments
بعد مقالتك ابتديت اقتنع باننا اقرب لرد الفعل
طبعا موافقك تماما
حاجات كتير بتأثر على تفكيرنا وبتغير في شخصيتنا
بنتغير بتغير الظروف الحياة حوالينا
القلوب بتتقلب والشخصيات بتتغير والظروف والبيئة بيأثروا فينا دايما
تحياتي بوست رائع
يخلق من دهر الفاسد عالم ويخلق من دهر العالم فاسد
أعتقد أن أحنا اللى بنختار مع ظروفنا نتأقلم ازاى
:)
اكيد التربيه هي الى بتأثر على شخصيه الواحد
لو واحد متربي في بيئه كويسيه هيطلع كويس
ولو العكس هيطلع وحش
ربنا بيخلق كل الناس متساويه في كل شئ
و على حسب تربيه الاهالي للاطفال بيطلع الاطفال
على راي المثل (( من شابه اباه فما طلم ))
^_^
د/دودى
ميرسى اووى يا د/دودى
وسعيده ان كلامى خلاكى تفكرى فى المبدأ نفسه
شرفتينى بزيارتك :))
مصطفى سيف
يعنى انت شايف اننا فعلا مجرد رد فعل وبس مش اكتر
مبسوطه برأيك جدا
منورنى دايما :))
nesma hatem
الجمله دى حقيقى بشوف منها امثله كتير واقعيه
عشان كده حاسه ان جزء مننا الفعل وجزء رد الفعل
ميرسى اوى يا نسمه على تعليقك ونورتينى :))
سبايدرمان
وبردو مع الوقت الواحد تفكيره بيكتمل باللى بيمر بيه فى حياته عموما
ميرسى ليك اوى نورتينى :))
إحنا مَزيج من الإتنين ..
لإنهم ميكتملوش غير بعض ..
البيئه وإحنا من جوانا ..
بيمثلونا ..
..
:)
امممممممم
اقولك ياستى وجهة نظرى المتواضعه
كلنا مخلقوين على الفطرة ده مبدئيا وبالتالى الخير فينا بيتغلب على الشر
وكل واحد بقى وظروف نشاته بتاثر سلب او ايجاب بتزود وتقلل حاجات واوقات بتخلق حاجات
خدى على كده ان فيه حاجات وراثيه منها العصبيه والهدوء
نحن ردود أفعال للأحداث من حولنا
شخصياتنا تكونت بالفعل،، أو لعلها تنضخ او تتحول بفعل الزمن
ولما تتكون نحدث بعد ذلك أمرا
ممممممممممممم
والله أمر محير يا بنت الإيه؟؟
طب الاجابة ايه في الآخر بأه عشان لو حد سألني وانا ماشية في الشارع، ولا يطلع في مرة ده سؤال المليون؟؟
********************
مها ميهوووو
احنا كنا هنختلف طبعا لاننا بنتاثر بالعوامل اللى حوالينا زى فكرة كده طرزان ولما اتولد فى غابه اتطبع بطباع الحيوانات
بغض النظر عن كل حاجه انتى طرحه الموضوع بشكل حلو
حَـبآيـۃْ.بـטּـدۉڷ
انا موافقاكى جدا على فكره
احنا صعب نكون تكوين حاجه واحده بس
ميرسى يا ساره نورتينى :))
reemaas
ماهى الحاجات الوراثيه دى من الاهل
يعنى باختلاف الاهل هتختلف الصفات الوراثيه زيها زى باقى الحاجات اللى بتتغير حوالينا
ميرسى ليكى اوى يا ريماس على رأيك ونورتينى :))
أحسن تـستاهـل
ما انا لو اعرف الاجابه يا مها هاخد المليون ومش هاقولكم طبعا ههههههههههه
ميرسى يا مها على تعليقك ونورتينى يا قمر :))
علامات
جميل اوى المثال بتاع طرزان ده
فعلا هو اتاقلم على الحياه اللى طلع لاقاها قدامه
ميرسى ليكى جدا وشرفتينى بزيارتك وتعليقك :))
Post a Comment