نص ضحكه
يعنى لما ترسم ضحكه على شفايفك
بتقول كل حاجه
بس كل حاجه عكس اللى جواك
نص فرحه
يعنى لما يبقى كل اللى حواليك فرحانين
وانت فرحان ليهم
بس نفسك تعرف المفروض تفرح انت كمان علي ايه؟!؟
نص راحه
يعنى لما تبقى راضى بأنصاف الحلول دايماً
ترضى بيها عشان بتتمنى فى يوم من الايام تبقى كلها راحه
مش بس نص راحه
مش بس نص راحه
وقتها انت بتبقى نص من كل حاجه
نص ضحكه على نص فرحه
على نص راحه
وده كله بيبقى
**********
لو حد لسه يحب يرشحلى تدوينه لمشروع كتاب الـ100 تدوينه
يبقى ياااريت اووى :))
.jfif)
19 comments
بوست رايق وجميل اوي
تحياتي
مصطفى سيف
ميرسى ليك جدااا
نورتنى :)
يا عزيزتى الحياة كلها نص حالة
و الرضا بأنصاف الحلول و أرباعها و أعشارها هو
الطبيعى
مش فى أى خلاف بيقولك عايزين حل يرضى جميع الأطراف؟
طب ما هى الأطراف دى كان بينها خلاف
يبقى طبيعى ما فيش حل يرضيها كلها بالكامل و إنما بنسبة أقل
يعنى فى الآخر جزء من حل ممكن يكون نص أو ربع كل واحد و نصيبه بقى
تدوينة لذيذة و فلسفية مع إنها تبان بسيطة بس هى عميقة أوى
تحياتى
أحيانا بنلجأ إلى أنصاف الحلول لعدم وجود أمل في حلول كاملة وبالتالي بنلجأ إلى نصف ضحكة ونصف راحة وفي بعض الأحيان نصف أمل !
خاطرة راقت لي كثيرا
خالص تقديري لفكرك وقلمك
بالتوفيق
ما أكثر أنصاف الحالات التي نعيشها في زحمة الأيام
سلمت الأنامل
مرحبـا أختـي
هو الدنيـا كدا ما تعطيش كل حاجه ولما بتعطي حاجه بتاخذ حاجات
وكذا الإنسان برضو
شهرزاد المصرية
بجد انتى شرحتيها صح اوى
انصاف الحلول تقريبا بتبقى السبيل الوحيد قدامنا دايما
ميرسى ليكى جدا
ونورتينى :))
Casper
سئ اوى الاحساس بنصف امل
الواحد بجد بيبقى عايش ومش عايش فى نفس الوقت
شكرا ليك جدا ونورتنى :)
كريمة سندي
معاكى حق
شكرا ليكى جدا ومنورانى دايما :)
..... آرثـر رامبـو .....
اكيد صعب الانسان ياخد حاجه
كفايه عليه النص من كل حاجه
ميرسى ليك جدا ونورتنى :)
تاكاشى
حياتنا كلها نص من كل حاجه
ميرسى ليك جدا ونورتنى :))
كاني بسمع اغنية: إنسان.. لبلاك تيما وانا بقرأ كلماتك :)
بتحصل جدا .. يا دندون
****************************
مها ميهوووو
أحسن تـستاهـل
بتحصل كتير اوووى يا ميهووو
نورتينى يا قمر :))
عندك حق مصر كلها حاليا نص فرحة نص ضحكة نص زعل نص غباء نص من كل حاجة
كلامك جميل للاسف انا هكون ف امتحانات يعني محتاجة للي هيصوتلنا احتا الاتنين ربنا معاكي ومعايا علي فكرة الاغنية بتاعة فيروز تحففففففففففففففة
EL pRiNcEssA
كلامك انتى الاجمل بجد يا قمر
وربنا معاكى فى امتحاناتك ويوفقك وتخلصى على خير ان شاء الله
مبسوطه اوى بزيارتك وتعليقك نورتينى :))
لذيذ جدا التوبيك ده
اسلام محمد
ميرسى ليك جدا يا اسلام
ونورتنى :))
انا شايفه نص حاله حلوة اوى
وكمان فيلم رعب
بس عموما اختاري الاقرب لقلبك انتى :):)
كلمات من نبع احساسي
ميرسى ليكى يا قمر
انا اختارت فعلا نص حاله مع تدونتين غيرها
واشتركت بيهم واخر ميعاد للتصويت النهارده
وربنا يسهل ان شاء الله
ميرسى ليكى على مساعدتك ونورتينى :))
Post a Comment