المسحراتى زمان كان سمه مميزه من سمات رمضان
ماكنش ينفع الناس تتسحر من غير ما تسمعه
من كتر ما كان حاجه اساسيه وقريب اوى من الناس
كان بيبقى المسحراتى عارف اسامى كل الناس اللى بيعدى فى منطقتهم
بحكم ان المنطقه صغيره
وانه بيجلهم كل يوم فى الشهر ده لسنين كتير
وكان بيقعد يقول اغانى او اناشيد دينيه خاصه برمضان
كانت بتشجع كل الاطفال انهم يسمعوه ويقعدوا يستنوه
او حتى لو نايمين يصحوا من النوم مخصوص عشانه
والاهل كمان كانوا بيهتموا بوجود المسحراتى جدا وبيعتمدوا عليه
فى انه يفكرهم دايما بان الوقت خلاص قرب
ولازم نقوم نتسحر قبل الفجر
ولما كان بيتاخر او مش يجى يوم والا اتنين
بيعرفوا انه فيه حاجه
ولازم يسألوا عليه
عشان رمضان ماكنش ينفع يبقى رمضان من غير مسحراتى
اما دلوقتى
المسحراتى بقى دوره مهمش جدا
يعنى مش من الاساسيات
انا فاكره وانا صغيره كان المسحراتى مهم اوى عندى
اختفى فتره
لدرجه انى اتعودت ان مش شرط المسحراتى يكون موجود
بس لسه من سنتين بس بدات اسمعه باستمرار
بس الزهوه نفسها بردو مش موجوده
اه لسه الاطفال بيسمعوه
وبيندهوا عليه عشان يقول اسمائهم
بس دوره مش زى الاول
يمكن الموقف نفسه متعه للاطفال
لانهم بيكونوا حابين انهم يسمعوا اساميهم منه
وكمان لان كل ده مش مر عليهم قبل كده
فا بالنسبه ليهم ده شئ جديد
وكمان لان كل ده مش مر عليهم قبل كده
فا بالنسبه ليهم ده شئ جديد
وبعدين اصلا المسحراتى بقى بيجى الساعه 1
فى عز ما الناس صاحيه والشباب بيلعبوا كوره فى الشارع
نفسى افهم هو جاى يصحى مين بالظبط؟؟
**********************************
دعاء النهارده
اللهم قونى فيه على اقامه امرك
واذقنى فيه حلاوه ذكرك
واوزعنى فيه لأداء شكرك بكرمك
واحفظنى فيه بحفظك وسترك
يا ابصر الناظرين
******
تفسير النهارده
بسم الله الرحمن الرحيم
{ شهر رمضان الذى اُنزل فيه القرآن هدى للناس وبينات من الهدى والفرقان فمن شهد منكم الشهر فليصمه ومن كام مريضاً او على سفر فعده من ايام اخر يريد الله بكم اليسر ولا يريد بكم العسر ولتكملو العده ولتكبروا الله على ما هداكم ولعلكم تشكرون }
سوره البقره 185
التفسير الميسر
شهر رمضان الذي ابتدأ الله فيه إنزال القرآن في ليلة القدر;
شهر رمضان الذي ابتدأ الله فيه إنزال القرآن في ليلة القدر;
هداية للناس إلى الحق
فيه أوضح الدلائل على هدى الله, وعلى الفارق بين الحق والباطل.
فمن حضر منكم الشهر وكان صحيحًا مقيمًا فليصم نهاره.
ويُرخَّص للمريض والمسافر في الفطر, ثم يقضيان عدد تلك الأيام ,
ويُرخَّص للمريض والمسافر في الفطر, ثم يقضيان عدد تلك الأيام ,
اى يتم صيام تلك الايام بعد شهر رمضان
يريد الله تعالى بكم اليسر والسهولة في شرائعه,
يريد الله تعالى بكم اليسر والسهولة في شرائعه,
ولا يريد بكم العسر والمشقة,
ولتكملوا عدة الصيام شهرًا, ولتختموا الصيام بتكبير الله في عيد الفطر,
ولتعظموه على هدايته لكم, ولكي تشكروا له على ما أنعم به عليكم من الهداية والتوفيق والتيسير.
تفسير الجلالين
- (شهر رمضان الذي أنزل فيه القرآن) فى شهر رمضان أنزل الله القرآن من اللوح المحفوظ إلى السماء الدنيا في ليلة القدر ،
منه (هدى) حال هاديا من الضلالة
(للناس وبينات) آيات واضحات
(من الهدى) مما يهدي إلى الحق من الأحكام
(و من الفرقان) بما يفرق بين الحق والباطل
(فمن شهد) أى حضر
(منكم الشهر فليصمه ومن كان مريضا أو على سفر فعدة من أيام أخر)
أى تقدم مثله وكرر لئلا يتوهم نسخه بتعميم من شهد
(يريد الله بكم اليسر ولا يريد بكم العسر) ولذا أباح لكم الفطر
ولتعظموه على هدايته لكم, ولكي تشكروا له على ما أنعم به عليكم من الهداية والتوفيق والتيسير.
تفسير الجلالين
- (شهر رمضان الذي أنزل فيه القرآن) فى شهر رمضان أنزل الله القرآن من اللوح المحفوظ إلى السماء الدنيا في ليلة القدر ،
منه (هدى) حال هاديا من الضلالة
(للناس وبينات) آيات واضحات
(من الهدى) مما يهدي إلى الحق من الأحكام
(و من الفرقان) بما يفرق بين الحق والباطل
(فمن شهد) أى حضر
(منكم الشهر فليصمه ومن كان مريضا أو على سفر فعدة من أيام أخر)
أى تقدم مثله وكرر لئلا يتوهم نسخه بتعميم من شهد
(يريد الله بكم اليسر ولا يريد بكم العسر) ولذا أباح لكم الفطر
في المرض والسفر
ولكون ذلك في معنى العلة أيضا للأمر بالصوم عطف عليه
(ولتكْمِلوا) بالتخفيف والتشديد
(العدة) أي عدة صوم رمضان
(ولتكبروا الله) عند إكمال مده الصوم فى شهر رمضان
(على ما هداكم) أرشدكم لمعالم دينه
(ولعلكم تشكرون) الله على ذلك .
(ولتكْمِلوا) بالتخفيف والتشديد
(العدة) أي عدة صوم رمضان
(ولتكبروا الله) عند إكمال مده الصوم فى شهر رمضان
(على ما هداكم) أرشدكم لمعالم دينه
(ولعلكم تشكرون) الله على ذلك .
28 comments
دينا صباح الخير
هو بجد ما فيش مسحراي تاني في مصر زي زمان ؟؟؟
تحياتي
صباح النور
فعلا اللى بيحصل هو اللى بحكيه ده
المسحراتى بقى دوره على الهامش اوى
يمكن انا اللى شايفه كده فى المنطقه اللى انا عايشه فيها
لانى اوقات بشك فى نفسى بصراحه
انا لسه عندي مسحراتي
ولسه الساعة 3 بالظبط بسمع الطبلة بتاعته
بس واحنا صغيرين كانت الايام احلي ؟
يعني مكنش فيه هموم
ولا بقا مالنا
طب والله يا بختك
انا نفسى اشوف المسحراتى اللى بجد
مش المسحراتى اللى جاى يهزر :D :D
واحنا مش شايلين هم كنا اخف وانقى وبنحس بكل حاجه حلوه بسهوله
ديما..حاجة زمان احلى..!!
كل رمضان وانت بكل الخير..
كتير حاولت اعلق عندك قبل كده بس للاسف بلوجر بيمنعني وعشان كده صممت اعلق المرة دي واقولك اني ديما هنا :)
تيمو
آسف على الازعاج
تيمو
اكيد كل حاجه زمان كانت احلى
بلوجر ده وحش اصلا :D
مبسوطه بجد انك دايما متابعنى
وكفايه انك بتزور دايما المدونه :))
هو حد بينام دلوقتي عشان يجي المسحراتي؟ المسحراتي دلوقتي مالوش لزمة زي مكوى الطرابيش والسقا وبتاع حداوي الحصان الخ....اللي موجود دلوقتي ده حاجة زي القرية الفرعونية مسحراتي همباك
طبعا المسحراتى اصبح مجرد ديكور او طقس من طقوس رمضان و فقد مهام وظيفته لانه زمان كان بيصحى الناس النايمة دلوقتى الناس هم اللى يصحوه مازال الاطفال بيحبوه و بيزعلوا لو كانوا نايمين و مصحانهمش لكن اصبح ميزانية تانية لكن توفيرا للنفقات اقنعت زياد يوم يديه فلوس و ساليناز يوم لكن قابلتنا مشكلة مش بيعرف ينطق ساليناز و اقنعناها ان ممكن يقول سالى و سالى هى ساليناز لكن المفاجاة انه دلوقتى بيقول ساليناز اتعلم خلاص
تحياتى
خدتى بالك انتى من الكاريكاتير؟
كان المسحراتى حد مهم زمان
دلوقتى بيعتبروه حد مالوش شغله وفى الغالب بيقلب على شحات
وعجبى
المسحراتي زمان كان ليه دورة
كان مش كل الناس عندهم راديوا يتابعوا اذان الفجر
انا بتكلم علي فترةمن ستين لميت سنة كدة
اما دلوقتي الاتصالاات خلت كل واحد وهو في بيته ممكن يسمع الادان في السعوديةا
حاجات حلوة كتير اختفت عندنا .. ومش مهتم بها
بوست جميل
تسلمي على مجهودك اليومي وتحياتي الصادقة
أنا أصلا للأسف مبقيتش أسمع المسحراتى بتاع زمان اللى بجد ده
لا المسحراتى اللى بيهزر ..
معدش بيجى أصلا عندنا =(
زعلانة أووى بس معاكى حق ..
مسحراتى بتاع زمان ده بجد كان هو اللى بيصحينى
و لو صاحية هو بيخلينى أقوم أتسحر !!
كل شيء تغير
ربي يوفقك
المسحراتي ؟؟؟ مين ده
علي فكرة عند بيت ماما بردو بيعدي الساعة 1 او 2 و الشارع كله ناس زي عندك بس احسن من مافيش انا بقي مكان ما ساكنه مافيش اصلا مسحراتي .. الله يرحم زمان
انا متابعه كل يوم علي فكرة:))
جميل الشعور والاحساس بشهر رمضان فهناك طقوص جميله قديما لا يمكن ان ينساه اى انسان فهى تشعرنا بحب وجمال هذا الشهر الكريم
كل سنه وانتى بكل صحه وخير تحياتى الاحــــلام
اكيد المسحراتي اتغير زي ما كل حاجة اتغيرت في الدنيا
خالص تقديري لفكرك وقلمك
فعلا المسحراتي دلوقتي بيسحر مين والناس كلها في الشارع اصلا
مبسوطة انا بحملة التدوين اليومي دي
بتخليكوا تدونوا كل يوم ونستمتع نحن بالقراءه وكمان بتعمر البلوجر
:))
يارب التعليق يتنشر نمن اول مره بقا
:))
Tarkieb
فعلا المسحراتى دلوقتى زى حاجه من الاثار الباقيه كده
مجرد شكليات يعنى
شكرا ليك جدا :))
ابراهيم رزق
هما الاطفال بيحبوه لانه حاجه غريبه بالنسبه ليهم
لكن مش بالضروره انه حاجه اساسيه عندهم كمان
عاجبنى جدا اسم بنت حضرتك
ربنا يخليهالك ياااارب :))
reemaas
ماهو الكاريكاتير ده فعلا الحقيقى واللى بيحصل
الواحد بيستغرب ان المسحراتى بينده فى الشارع
والناس كلها صاحيه وبيتفرجوا على التلفزيون كمان
ميرسى ليكى يا جميله :)
سواح في ملك اللــــــــــــــــــه-
الواحد حقيقى ماينكرش ان التكنولوجيا ليها دور كبير اوى فى حكايه ان عادات كتير تقل او حتى تختفى
شكرا ليك جدا ونورتنى :))
كريمة سندي
ده للاسف ان كتير من عاداتنا بيختفى
ميرسى لحضرتك ونورتينى :)
Radwa Ashraf
دلوقتى المسحراتى بقى منظر بس مش زى زمان
نورتينى يا رضوى :))
..... آرثـر رامبـو .....
فعلا معاك حق
ربنا يوفقنا جميعاً
شكرا لحضرتك ونورتنى :)
Mona Abo - Elso3od
اااه فى مناطق مفيش فيها مسحراتى من اساسه
ده اوحش بقى
مبسوطه بجد انك متابعانى دايما
نورتينى :))
الاحلام
ماهو عشان كده لما الطقوس دى بتقل او تختفى
بتبقى فى حاجات ناقصه فى رمضان
شكرا لحضرتك ونورتنى بتعليقك :))
Casper
كل تغير الزمن بيغير كل حاجه معاه
منورنى دايما :))
شمس النهار
معاكى حق
فعلا الحملات التدوينيه دى بتشجعنا اوى
وخصوصا انها المره دى فى رمضان
معظم التدوينات بتبقى خاصه بروح رمضان نفسه
يعنى بندون وبناخد ثواب كمان
التعليق اتنشر على طول اهو :)
شكرا لحضرتك ومنورانى دايما :))
Post a Comment