السنة الثالثة من النور ♥

السنة الثالثة عدت بسرعة وكالعادة من غير ما أحس

بس اللي كنت بحسه في كل لحظة 

هي تفاصيلك اللي بتكبر معاك

شخصيتك اللي بتتكون في أحيان كتير من غير حتى تدخل مني

واللي فيها كتير من شخصيتي!

تصرفاتك اللي بتخليني أضحك إنك بتكبر وأنا مش حاسة

أي تعب وأي حاجة بتضايقني كانت بتختفي مع أول تصرف منك بيضحكني

كلامك اللي كل يوم بتتعلم فيه حاجة جديدة بتبسطني وتضحكني

ملامحك اللي واخده من كل واحد فينا حته

كل يوم بفكر هو أنا بتعامل معاك صح وألا في حاجة غلط

وبقعد كتير أتفرج على صورك في كل مرحلة عدت وأقول معقول عدى كل ده 

وكل صورة ليها ذكرى وحركة كنت بتعملها

أنت النقطة المنورة الكبيرة أوووي في حياتي

كل سنة وأنت النور  ♥