08 August 2022

4 سنين محبة ♥

مرسلة بواسطة Bent Men ElZman Da !! في 11:21 PM .
التسميات: ,

 


النهاردة كملت 4 سنين الحمدالله
أنت كنت طاقة حب كبيرة طول الـ 4 سنين اللي فاتوا
في وقت أنا كنت محتاجة الحب من الدنيا كلها
شقاوتك وجنانك وحركتك وحبك وحنيتك
كل الحاجات دي كانت سبب في رسم البسمة على وشي وقلبي

السنادي تحديدًا شخصيتك بتتشكل أكثر وطريقتك بتتغير وبتتعلم حاجات كتير
لكن لسه كلمة بحبك اللي بتقولها على طول
والحضن اللي بيجي فجأة سواء كنت زعلانة أو مبسوطة هما أحلى حاجة في كل حاجة

كان في خطط كتير لعيد ميلادك السنادي
خصوصًا أن ده أول عيد ميلاد وأنت مستوعب أنك بتختار التورتة ولونها والثيم بتاعها
وأول عيد ميلاد ليك في حضانة بتحبها وبتحب اصحابك فيها
لكن تعبك الفترة دي كان سبب نخلي الأحتفال صغير مؤقتًا ويرضيك في نفس الوقت

بتمنى أنك في السنة الجديدة  وكل عمرك.. تكون كويس وبخير وأحسن مما بتمنى
وتفضل حنين وقلبك طيب وشقي وبتضحك وبتجري وتلعب زي ما أنت ♥
حتى لو هنجري ونلف وراك مفيش مشكلة 😍 

0 comments

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

Subscribe to: Post Comments (Atom)